موقف محرج ليلة خميس

[بندق]

^1

هل مريت في يوم من الايام بموقف محرج ؟ نعم واكيد .....
بس شنو سويت علشان
تطلع من هالموفق
وباقل عدد من الضحكات عليك ؟؟؟؟
تعالو معاي عشان نشوف هالوقف


في اول يوم من الامتحانات النهائيه
تعطلت بك السيارره في الطريق
ووصلت بعد مضي الوقت
وانتهاء وقت الدخول لقاعة الامتحان
وش بتسوي ؟؟؟؟؟؟؟؟
انقع فيها

[جاسم]

كالعاده عندي حلول كثيره جدا

وخذوا بعضها

1- ارفع التلفون على الوزير ووو تعرفون الباقي حتى يمكن ينجحوني بدون ما اشوف الورقه او اكتب فيها ( فيتامين واو)

2- ارجع واروح لعياده واسوي روحي مريض بعد ما كلت فلفل وبولو الحار تصير حرارتي 40 واخذ ايجازه

3- ادخل عند المراقب واقوله دخلني ولك هديه مني - بعد بحريني ما صدق من الله - ودخلني على طول

وعندي الكثير
واستفدوا مني

وبالتوفيق

[شاهين]

أعيد دور ثاني

وأحفظ ماء وجهي


شــــــ ماعنده واسطه وأمره لله الواحد القهار ـــاهين

[جاسم]

مسكين

شفتوا حالله

الله يساعدك وتعيد دور ثاني

وبالتوفيق

[كتكوت شرس]

انك تجلس عند باب اللجنه
وتلطم خدك وتصيح...

بس لأن المثل يقول ...
"لا يأس مع الحياة ولا حياة مع اليأس"

فأقوم و أركب سيارتي وأدعم لي سياره وأتصل
للشرطه للتحقيق في الحادث وتعتبر ورقة الحادث
عذر لي لعدم الامتحان...

جاسم اقتراحاتك كنت بقولها لكنك سبقتني

على العموم فكرتي مبتكره .

أحسن من أكل الفلفل والا تصال بالوزير

ومع تمنياتي لكم بوجود تأمين للسياره والنجاح

:)

[جاسم]

ولو

انا ادري انك بتقول مثلي

لا يمكن يقولون لك في قوانون الوزارة لا يوجد عذر لمن عمل حادث فلذلك لا يعاد الامتحان في هذي اللحظه بتصيح من قلب

غير عذر من الطبيب
او اتصال للوزير

هاهاهاهاها

وبالتوفيق

[كتكوت شرس]

تنص على "يقبل العذر من الطالب اذاكان امتناعه

عن المتحان نتيجة ظرف طارئ"

والظرف الطارئ هو الذي لا يمكن دفعه اي تفاديه

ولا كذلك يمكن توقعه

والشرطين متوافرين في حادث السياره

رد قانوني يا جاسم

وأتوقع أن كل اللوائح في جميع جامعات العالم نصت عليه

:) وبالتوفيق

[جاسم]

لا يقول المثل
الوقايه خير من العلاج

فلذلك بيقولون لك ليش اصطمدت احنا قلنا لك اعمل حادث

يل يله
روح بيتكم
وحاول مره أخرى

من قال لا يمكن تفاديه يمكن

الحين انت شفت طفل يعبر وانت بعيد عنه واذا ما رحت يمين تصطدم به بتقول خلاص انا ما اقدر اتفاديه خلاص اصطدمه هذا قضاء وقدر

يبه روح اقولك روح العب غيرها

مب علي

شفتوا اشلون صكيت عليه

وبالتوفيق

[شاهين]

يبه خل عندك روح اولمبيه

أقصد رياضـيه

وتقبل الهزيمة أقصد العذر بروح عاليه

[جاسم]

ابدا ابدى

ولو

انا اخلي شئ يطوفني او ما اعارضه

ابدا

ما يصير

وانا اظل اقاوم لين النهايه

وبالتوفيق

[شرخشين2000]

؟

[كتكوت شرس]

افرض انك وديت لهم ورقة العذر بسبب المرض

يمكن يقولون لك "ياخي أجل المرض للاجازه ... حبكت على

يوم المتحان يعني " هذا كلام المسؤل شو بتسوي

يبا يستلعن عليك.... وقتهاأظني انك بتقوم تتصل للوزير

وهــــــــوب :) طلع الحبيب مريض وعنده عذر وطبعا مقبول

شو بتسوي ......

أنا بقولك شو بتسوي اقرأ اقتراحي الأول وهو

انك بتجلس تصيح وتلطم....

ويقول المثل:

"لاحول ولاقوه":)

:)

[جاسم]

ليش المرض انت بكيفك تمرض او لا

لكن الحادث تقدر تتفاده مثل ما قلت سابقا او انك تركب باص او تمشي على رجولك

الحين شفتوا

مادري من صك على الثاني

الجواب هو

صح نعم

وبالتوفيق