صدى الحق
16-10-2000, 10:57 PM
السلام عليكم ورحمة الله وبركاته
أنقل لكم هذه الأبيات التي جادت بها قريحة رجل ٌأبت نفسه السكوت على ما يحدث للأمة فكانت ولادة هذه القصيدة :-
أمة أصابها الوهن
يـا الله مـن دنيـا تردى حالهـا *** جاهـا بلاهـا والبـلا في عيالهـا
دنيـا تزين بالملاهـي و الفـتـن *** وتملك ضعـاف النفس هي بقبالهـا
دنيا غوت يومٍ صفت عاد و فـنت *** الله طمسهـا يـوم هـال إجبالهـا
دنيـا غـويه و القروش إخزامهـا *** و شدادهـا حكم الهـوى و عقالهـا
شفنا غرايبهـا توالـت والعجـب *** بعلومهــا بصروفهــا بحوالهــا
شفنا الشريعـة بالشريعـة تنهـدم *** حـامل لواهـا يـا مـلا معوالهـا
وشفنا الكفر لأهل الكفر علم و فكر *** و بـاعت علينـا كفرهـا وهبالهـا
وشفنا البدع ناسٍ تحـامى حولهـا *** بأفعالهــا باموالهــا بأقوالهــا
وشفنا التذلل والخيـانة والدجـل *** صـاروا أهلهـا مضـربٍ لأمثالهـا
وشفنا بني صهيون صملـة والعرب *** صملـة عليـلٍ عنـّزوه أنذالـهـا
تالي العمر ياليث تنطحـك الغنـم *** اللـه يعينـك مقبـلات أفيالـهـا
دنيـا دنيّه و الأمـر فيهـا إختلط *** عقّـالهـا تـمشي ورا جهـالهــا
مشوهـه و ملـوثـه محـدٍ عـرف *** ديبانهـا لفـت عليهـا إحبالهــا
هذي سنن تبلى القرون و تنتهــي *** وبفعالهـا رب البرايــا زالهـــا
إذا جذور الشـر في أمـة سـرت *** على خـلال الخيـر حان إبدالهــا
فيا كيـف نـاسٍ تقطع البر القـفر *** دام الدليـلـه ضـايـعٍ عزّالهــا
وياكيف من خاف البشر خوف الصمد *** يرضى على نفسـه بغيـر إذلالهــا
و يا كيف ناسٍ مـا تداوي ضدهـا *** تفتك منّـه لا غــدا سـلالهــا
و يا كيف ناسٍ تبني المجـد التليـد *** دام السلامـه مبلـغٍ لآمـالهــا
و يا كيف ناسٍ تنطح الخطب الجلل *** لا مـن غـدا زيزومهـا طبالهــا
وياكيف ناسٍ ترهـب الخصم النذل *** وهي تودد لـه بهـز أذيـالهــا
ياأهل الحسب من طاع ربه وإعتصب *** غصبٍ له الدنيـا تنوخ إجمـالهــا
يا أهـل الحميّه و الجسـاره والورع *** هبـوا ترى عـز الأمم برجالهــا
خلوا الوهم خلوا التخاذل والوهـن *** سلـوا الهنادي مجدكم بأنصـالهــا
ترى النوايب تبغي الرجل الفحـل *** لا مـن توالت إرتكى ثم شـالهــا
تبـي بعيـد الشوف مشراف الهمم *** يرهـى على كل العقد حـلالهــا
تبي الحكيـم المـاكر الحـر الشهم *** تبـي عمـر و المعتصم و بلالهــا
وإن كان فزعتنا مسيـرات و غضب *** راحت علينا القدس فوق أطفـالهـا
يـاالله تطوّفـنا عذابـك والقـبر *** وألطف بـنا لا زلـزلـت زلزالهـا
صلاح بن غانم العلي
أنقل لكم هذه الأبيات التي جادت بها قريحة رجل ٌأبت نفسه السكوت على ما يحدث للأمة فكانت ولادة هذه القصيدة :-
أمة أصابها الوهن
يـا الله مـن دنيـا تردى حالهـا *** جاهـا بلاهـا والبـلا في عيالهـا
دنيـا تزين بالملاهـي و الفـتـن *** وتملك ضعـاف النفس هي بقبالهـا
دنيا غوت يومٍ صفت عاد و فـنت *** الله طمسهـا يـوم هـال إجبالهـا
دنيـا غـويه و القروش إخزامهـا *** و شدادهـا حكم الهـوى و عقالهـا
شفنا غرايبهـا توالـت والعجـب *** بعلومهــا بصروفهــا بحوالهــا
شفنا الشريعـة بالشريعـة تنهـدم *** حـامل لواهـا يـا مـلا معوالهـا
وشفنا الكفر لأهل الكفر علم و فكر *** و بـاعت علينـا كفرهـا وهبالهـا
وشفنا البدع ناسٍ تحـامى حولهـا *** بأفعالهــا باموالهــا بأقوالهــا
وشفنا التذلل والخيـانة والدجـل *** صـاروا أهلهـا مضـربٍ لأمثالهـا
وشفنا بني صهيون صملـة والعرب *** صملـة عليـلٍ عنـّزوه أنذالـهـا
تالي العمر ياليث تنطحـك الغنـم *** اللـه يعينـك مقبـلات أفيالـهـا
دنيـا دنيّه و الأمـر فيهـا إختلط *** عقّـالهـا تـمشي ورا جهـالهــا
مشوهـه و ملـوثـه محـدٍ عـرف *** ديبانهـا لفـت عليهـا إحبالهــا
هذي سنن تبلى القرون و تنتهــي *** وبفعالهـا رب البرايــا زالهـــا
إذا جذور الشـر في أمـة سـرت *** على خـلال الخيـر حان إبدالهــا
فيا كيـف نـاسٍ تقطع البر القـفر *** دام الدليـلـه ضـايـعٍ عزّالهــا
وياكيف من خاف البشر خوف الصمد *** يرضى على نفسـه بغيـر إذلالهــا
و يا كيف ناسٍ مـا تداوي ضدهـا *** تفتك منّـه لا غــدا سـلالهــا
و يا كيف ناسٍ تبني المجـد التليـد *** دام السلامـه مبلـغٍ لآمـالهــا
و يا كيف ناسٍ تنطح الخطب الجلل *** لا مـن غـدا زيزومهـا طبالهــا
وياكيف ناسٍ ترهـب الخصم النذل *** وهي تودد لـه بهـز أذيـالهــا
ياأهل الحسب من طاع ربه وإعتصب *** غصبٍ له الدنيـا تنوخ إجمـالهــا
يا أهـل الحميّه و الجسـاره والورع *** هبـوا ترى عـز الأمم برجالهــا
خلوا الوهم خلوا التخاذل والوهـن *** سلـوا الهنادي مجدكم بأنصـالهــا
ترى النوايب تبغي الرجل الفحـل *** لا مـن توالت إرتكى ثم شـالهــا
تبـي بعيـد الشوف مشراف الهمم *** يرهـى على كل العقد حـلالهــا
تبي الحكيـم المـاكر الحـر الشهم *** تبـي عمـر و المعتصم و بلالهــا
وإن كان فزعتنا مسيـرات و غضب *** راحت علينا القدس فوق أطفـالهـا
يـاالله تطوّفـنا عذابـك والقـبر *** وألطف بـنا لا زلـزلـت زلزالهـا
صلاح بن غانم العلي