اديب
19-10-2000, 12:31 AM
اذ ممكن اغير اسمي هاليومين من مهنق.. الى "مسخن.. أو بلف.. الحرارة في الرياض هاليومين اثرت على كل شيء..
حتى على جهازي.. جهازي اذا دخلت "الملحق"(1) ودي اتصفح الانترنت القاه سائح(2) وذايب من الحرارة.. على الارض ما تفرق بينه وبين "المسندة"(3) وحتى حروف لوحة المفاتيح سائحة على بعض حرف داخل في حرف.. و"الرام" الله يذكر الرام بالخير صار في خبر كان..!
اذا لمست "الهارد دسك" ادخل "سي دي" ولا دسك.. يبي لي خرقة(4) من الحرارة.. تقل كأني اغير زيت.. الله يذكر المشاحم بالخير..!
- قبل اسبوع شكيت لواحد من الربع مسمي نفسه الخبير عن تأثير الحر على الاجهزة والدسكات.. ورد بثقل: "ياهو حر"(5).. يخلي المخ يفوح ويغلي.. وما يتحمله الا الضبان(6).
ـ سألته: يعني وش قصدك..؟!
ـ قال: شف لك كم ضب واسلخ جلودهم ولبس الهاردسك جلد ضب.. وعسى ينفع..!
ـ قلت له: يالخبير.. انت صادق..؟!
ـ رد علي من طرف خشمه:
"اجل من يتحمل هالحر..؟! غير الضبان.."
- تركت الخبير الفرنسي المولود في منفوحه ونصيت الملحق.. لما وصلت هناك لقيت الملحق كله يفوح..!
والجهاز فص ثلج وذاب.. والدسكات الله يذكرها بالخير مولعة.. "وسيديات" صارت بحجم المصاقيل(7).
- خنقتني العبرة.. واختلط "العرق" بالدموع.. وتذكرت ايام التنهيق الحلوة.. وانقطاع الاتصال.. وكرر المحاولة..! حتى الساعة 12 بعد منتصف الليل والحر هو الحر.. بس هالمرة يجي من تحت.. حتى الارض صارت تفوح.. او الجهاز يبي له ترقية من على الارض الى "المركى"(8)..
* كل هذا وعيال النعمة والمكيفات والملاحق اللي توسع الصدر.. يسئلون "ابو مروحة" وينك يا مهنق لك غيبة..!
اقول احمدوا الله اني ما تهورت الى الآن وتخلصت من "الورق".. حتى الاقلام سالت وما يزبن هاليومين الا قلم "ابو محاية"..!
* الله يخلف علينا.. ويستر علينا .. الخوف يجي الواحد لبيته يوم ويلقاه تبخر من الحرارة..! كثروا الثلج... وتلحفوا بالثلج.. وعسى ينفع.. واذا قدرتوا افرشوا البيت ثلج..
- تصدقون:
بعد ما "ساح" الجهاز.. وخف التهنيق صار باب البيت يهنق.. حتى المكيف الصحراوي اللي في الصالة صار "يهنق".. يعني مهنق.. مهنق.. مهنق.. بس "ضب"!
* ابو بدر, المرسال, على الصعب, ولد نجد, ام صالح, العافي, ابوعبدالله (عفتان), ابو ياسر, سعد العتيبي, ابوفيصل,.. هذه هي الاسباب وعليكم الحساب..!
1) الملحق: غرفة على الشارع فيها كل ما هو ممنوع يدخل للبيت.. ونجلس فيه اكثر من ربع عمرنا..! ويسميه البعض المضف"!
2) سائح: متوسد الارض.
3) المسندة: اللي تمنع الظهر ما يلمس الجدار.. في الصيف عشان الحر.. وفي الشتاء عشان البرد..!
4) خرقه: اللون احمر ـ النظافة: كيف الحال.. الاستخدام: لكل شيء.
5) "ياهو": موقع على الانترنت (Yahoo..!)
6) الضبان: مخلوقات تدور الحر والشكمان..!
7) المصاقيل: من ادوات الترفيه ايام عصر الكيرم والبودرة..!
8) المركى: تابعة للمسندة..!
حتى على جهازي.. جهازي اذا دخلت "الملحق"(1) ودي اتصفح الانترنت القاه سائح(2) وذايب من الحرارة.. على الارض ما تفرق بينه وبين "المسندة"(3) وحتى حروف لوحة المفاتيح سائحة على بعض حرف داخل في حرف.. و"الرام" الله يذكر الرام بالخير صار في خبر كان..!
اذا لمست "الهارد دسك" ادخل "سي دي" ولا دسك.. يبي لي خرقة(4) من الحرارة.. تقل كأني اغير زيت.. الله يذكر المشاحم بالخير..!
- قبل اسبوع شكيت لواحد من الربع مسمي نفسه الخبير عن تأثير الحر على الاجهزة والدسكات.. ورد بثقل: "ياهو حر"(5).. يخلي المخ يفوح ويغلي.. وما يتحمله الا الضبان(6).
ـ سألته: يعني وش قصدك..؟!
ـ قال: شف لك كم ضب واسلخ جلودهم ولبس الهاردسك جلد ضب.. وعسى ينفع..!
ـ قلت له: يالخبير.. انت صادق..؟!
ـ رد علي من طرف خشمه:
"اجل من يتحمل هالحر..؟! غير الضبان.."
- تركت الخبير الفرنسي المولود في منفوحه ونصيت الملحق.. لما وصلت هناك لقيت الملحق كله يفوح..!
والجهاز فص ثلج وذاب.. والدسكات الله يذكرها بالخير مولعة.. "وسيديات" صارت بحجم المصاقيل(7).
- خنقتني العبرة.. واختلط "العرق" بالدموع.. وتذكرت ايام التنهيق الحلوة.. وانقطاع الاتصال.. وكرر المحاولة..! حتى الساعة 12 بعد منتصف الليل والحر هو الحر.. بس هالمرة يجي من تحت.. حتى الارض صارت تفوح.. او الجهاز يبي له ترقية من على الارض الى "المركى"(8)..
* كل هذا وعيال النعمة والمكيفات والملاحق اللي توسع الصدر.. يسئلون "ابو مروحة" وينك يا مهنق لك غيبة..!
اقول احمدوا الله اني ما تهورت الى الآن وتخلصت من "الورق".. حتى الاقلام سالت وما يزبن هاليومين الا قلم "ابو محاية"..!
* الله يخلف علينا.. ويستر علينا .. الخوف يجي الواحد لبيته يوم ويلقاه تبخر من الحرارة..! كثروا الثلج... وتلحفوا بالثلج.. وعسى ينفع.. واذا قدرتوا افرشوا البيت ثلج..
- تصدقون:
بعد ما "ساح" الجهاز.. وخف التهنيق صار باب البيت يهنق.. حتى المكيف الصحراوي اللي في الصالة صار "يهنق".. يعني مهنق.. مهنق.. مهنق.. بس "ضب"!
* ابو بدر, المرسال, على الصعب, ولد نجد, ام صالح, العافي, ابوعبدالله (عفتان), ابو ياسر, سعد العتيبي, ابوفيصل,.. هذه هي الاسباب وعليكم الحساب..!
1) الملحق: غرفة على الشارع فيها كل ما هو ممنوع يدخل للبيت.. ونجلس فيه اكثر من ربع عمرنا..! ويسميه البعض المضف"!
2) سائح: متوسد الارض.
3) المسندة: اللي تمنع الظهر ما يلمس الجدار.. في الصيف عشان الحر.. وفي الشتاء عشان البرد..!
4) خرقه: اللون احمر ـ النظافة: كيف الحال.. الاستخدام: لكل شيء.
5) "ياهو": موقع على الانترنت (Yahoo..!)
6) الضبان: مخلوقات تدور الحر والشكمان..!
7) المصاقيل: من ادوات الترفيه ايام عصر الكيرم والبودرة..!
8) المركى: تابعة للمسندة..!