مشهد من يوم الثلاثاء(السعودي والكويتي) تموت ضحك

[الشبابي]

http://www.send4fun.com/IMAGES/Photos/friend.jpg.jpg


اللي على اليمين هذا المبتسم سعودي اما اللي على اليسار كويتي
يصيح ((مشهد من يوم الثلاثاء)).




امزح ليش عصبت السعودي والكويتي عينين في راس.

وش رايكم بالصوره.
مع تحيا اخوكم الشابي.

[الركن الهادئ]

واللـه حـركـه،أبغى أعرف بس كيف جات على بالـك هالفكره بالذات
عاللعموم حلــــــــــوه 0000

[الكايد]

الحركة حلوة جدا

ولكن هل ستتحقق ؟........... ما أتوقع !!؟؟

[الكايد]

حلوة جدا الحركة ...

ولكن هل ستتحقق !!؟؟......... ماأتوقع .

لان مستوى المنتخب الكويتي أعلى بكثير من مستوى

المنتخب السعودي في هذه البطوله ...

وحتى العمي شاف مستوى المنتخبين ... وحكم على مستواهما .

[الشبابي]

الركن الهادئ...
ماتحتاج هذي شيء انا ما اخترعت الذره كلها صوره وعلقت عليها وسلامتك.
الكايد...
لا يختلف اثنان على ان مستوى المنتخب الكويتي كان افضل من المستوى السعودي ولكن ليس ذاك الفرق الكبير .
مجموعه المنتخب السعودي تتكون من اليابان وقطر واوزبكستان.
مجموعه المنتخب الكويتي تتكون من الصين كوريا(اللي هبط مستواها) اندونيسيا.
وانت والحبايب احكموا.
بعدين تراهم عينين في راس ومافينا خسران على فكره حبيت اسالك الاخ كويتي.
وكم تتوقع النتيجه؟؟؟
انا اتوقعها 2\1 للسعوديه او للكويت وذيك الساعه ذكرني احط اللي على اليمين كويتي واللي على اليسار سعودي ولا تزعل يالغالي.

[الهديف]

حلوة حييييييييل منك يا الشبابي ..

[نواف99]

اتمنى ان يكون هاتين الصورتين ان تحدث يوم الثلاثاء..

صحيح ان الكويت قوي و لكن السعودي اقوى باذن الله...

[جوهر]

بس عاد أخوي الشبابي شدعــــــــوة
الكرة فوز و خسارة ما يحتاج كل هذا ( بلغ الشباب ! )
الظاهر صار بينهم هذا الحوار !
المبتسم : شفيك تصيح توك فايز عليه ... جنك جاهل !
الباكي : زين ليش أنت كله تاخذ أسيا و تعطينا الخليج .. أنت أناني !
المبستم : يعني تبي نتبادل !؟ أنت أمر بس لا تصيح ألحين يجون يضربونه !
الباكي : على كم تبادل ؟!
المبتسم : كل دورة أسيا بخمس بطولات خليج شرايـــك ؟! و لا مو عاجبك ترى أنا عطيتك واجد !
الباكي : أمممم يالله خلاص ما بصيح بس لا تخون ترى أقول لماما !
المبتسم : شدعوة أحنا ربع نسبت و لا أحد يخون الثاني خلاص أسكت الله يخليك ... !
الباكي : أوكيـــه ! :) :) :)
-----------------------------------------
النهاية !

[ساميون]

والله ياجوهر ماقصرت صراحة نقاش رائع مايحتاج لتفسير بس ماتشوف ان كاس العالم والتاهل له اهم عند اخواننا الكويتيين(لاتزعلون يالكويتيين تراها مزحه)

[جوهر]

و أنت الصادق يا الطيب و الحق ما فيه زعل إنشاء الله ..!

[لانجرهانز]

بسم الله الرحمن الرحيم والسلام عليكم ورحمه الله وبركاته ...
كيف حالكم جميعا ؟ماهي الاخبار عندكم ؟
لايش تتشاجرون في الكره العربيه زي ما قالوا الاخوان ان مافيه فرق بين السعوديه والكويت في اللغه اولا وفي الالجزيره ثانيا وفي الدين أولا وآخراً وايضا في العادات والتقاليد ن شاء الله يفوزون جميع وما راح أعتقد غيران المنتخبين راح يقدمون مباره جميله وشكرا

[جوهر]

الله بالخير يالطيب ... لانجرهانز !
شكلك ما عرفت للشباب في سوالف ... كل هذا التفاهم و الموضوعية ..
و الرأي العاقل و المنطق خاص في هذا المكان .. !
وفقك الله ..

[دمي نصراوي]

تسلم يمينك الي وضعت هذي الصورة والحمد لله شفت هذا يوم الثلاثاء على الطبيعه (وماعليش ياكويتيين )

[الشبابي]

ما اظنك ناسيه بطلك يا آسيا

والله وسواه الاخضر .
اجل اللي على اليمين الحين مبسوط بالحيل مره.
اخوي دمي نصراوي...
كلنا شفنا المشهد يوم الثلاثاء مو على الطبيعه بس لا وعلى ESPN.

وشاكرا لكم تجاوبكم معي.
وترانا الان نمثل العرب خاصه والمسلمين عامه لانه ما بقى غيرنا.

[شاعر النت]

السلام عليكم ورحمة الله وبركاته ....
حبيت اشارككم فرحتكم بفوز الاخضر .... والصراحه تحيه خاصه وخاصه جدا مني الى لاعبين المنتخب السعودي لا الاداره لانهم هم الي حملوا المسؤوليه بعد الاستغناء عن ماتشاله ... وعلى العموم هذا مو غريب على لاعبين الاخضر ... عودونا دائما يكون قد المسؤوليه ... الوعد انشاء الله على النهائي والثار من اليابانيين .... وان شاء الله يردونها عليهم بنفس النتيجه ... وهم قدها ...
اما بالنسبه للصوره الي فوق ... باين ان الطفلين اخوان ... وانشاء الله محد باكي ... والكل فرحان .... يعني الكويت ولا السعوديه ... الي راح يحمل الكاس راح نصفقله ... وانشاء الله السعودي شايله ... بدون شك ... لان السعوديين متخصصين بحمل كاس اسيا كما الكويتيين متخصصين في حمل كاس الخليج مثل ما ذكر الاخ جوهر ( الحوار ؟؟!!)
في نهاية كلامي ... الاخضر ولا الازرق مومهم ... بس المهم انهم خليجيين ....
وقبل لانسى ... في واحد لازم اني اذكره .... تحياتي وتقديري لللاعب الهلالي نواف التمياط .... الي خلصها .... بتخليصه المحترفين ... ومايسويها الا البطل ... ومافي هلالي الا ويكون بطل ....
والسلام مسك الختام ...
( السعودي طير حر والكره عنده حبارى .... انا اشهد انها حبارى ) لووووووووووووول