ظلمتينــــــي

[وجد الكتابة]

السلام عليكم ورحمة الله وبركاته
هذه اولى مشاركاتي بينكم
اتمنى ان تقبلوني ضيفا بينكم
وبعد 3 ايام نتفاهم على الطردة
:)
--------------------------

لا ترحمينه..دام قصدك تكرهينه
اكرهيــــــــــــــه
لكنه ابد ما خـــــان
معروف على مر الزمان
هيل ومسمار وزعفــران
لا ترحمينــــــــــه
لا ترحمينه..دام قصدك تطعنينه
اطعنيــــــــــــه
اطعني القلب الحنون
اطعني العشق الجنون
اطعني طعنك يمـــون
لا ترحميــــــــنه
لا ترحمينه..كان ودك تبعدينه
ابعديــــــــــــه
اخذيه كله وانثريــه
جمعي بقاياه وبعثريـه
ان شفتي به حياه دمريه
لا ترحمينـــــــه
لا ترحمينــــه
لا تغرقنا السفينه
لا نتوه في المدينـه
لا تظل الدمعه حزينه
لا يضيع الحب فينا
وما نشوف المراسي
لا يموت احساس داخلنا
ونبقى كراسي
ما نحس
في ليل قاسي
وشتى جمد انفاسي
لا ترحميني
ربي يرحمني كبير
علمني امشي صغير
والحين اختار المصير
لا ترحميني
لكن اعرفي قبل الرحيل
والله ما خنتك
والله ما هنتك
والله ما شفتك
الا ورد وزهور
فجر ونور
عطر وبخور
امال في صدر الثرى
احلام في عبق الورى
لا ترحميني
بس قبل كل شي
لا تظلميني
________

بمظلمـــة/ وجد الكتابة

[أصيل الليل]

لو كنت جديد زي ما تقول

فقلمك سوف يحيي الميت

وبعدين مين اللي طردك لا يكون أنت ...... عضو قديم

بس بإسم ثاني

عموما مرحبا بك

(رحبت فيك وأنا ما راح أشوف ردك للأسف)

[وجد الكتابة]

يا مرحبا اصيل الليل
طبعا يؤسفني انك ما راح تقرى الرد
وانشاءالله يكون المانع خير
انا طبعا جديد في النت وجديد في هذا المنتدى وغيره من المنتديات..ومحتار وين احسن منتدى
فعلشان جذي قاعد اجرب
:)
يعني لو حصلت تجاوب من الاخوان بستمر وان ما حصلت
بطرد نفسي بنفسي
:)
اخوك/ وجد الكتابة

[ثواني]

.....

[ثواني]

أهلا فيك ..
ابسط ما أقول عن هذا الشعر .. حلو ومتكتك ..

[وجد الكتابة]

هلا ثواني
شكرا على رأيك المتكتك
:)
فكرة الاسم حلوة يا ثواني
الله يخلي لك هالعائلة الكريمة
:)
اخوك/ وجد الكتابة

[ثواني]

كلك تكتكة ..

[وجد الكتابة]

العفو يا صديقي
الله لا يحرمنا من تكتكاتك
:)
وجد الكتابة

[عشاق]

أرجو مراعاة انها آنسه وليست شاب .. قل لها صديقتي

[وجد الكتابة]

انت شايف جذي
:)
اخاف تزعل مني.لا توهقني يا صديقي
:)
وجد الكتابــة