الناس حالات

[بوسناد]

متعود تزعل و أراضيــــك .. وغيرت أنا لي بعض عــــادات
لا تنتظر مني أراشيــــــك .. ولا تظن أنا لي شين نيــــات
لا أنا خطيت ولا بعاديــــك .. و مسموح عن كل الخطيـــــات
وإن كنت متشوق أناجيـــك .. لا تنتظر مني بدايــــــــات
لاهو كبر أو عند ذا فيـــك .. طبعي اختلف و الناس حـــالات
أشوف حولك ناس تكفيــــك .. خذها بدل ثم عيش راحـــــات
لاول أغار و صعب أخليـــك .. والحمد لله مات ما فـــــــات
قد ضاق صدري من تغليـــــك .. و اليوم صدري فيه ساحــــات
ما باتصل و لا بجافيـــك .. و الصلح يبغيله علامــــــات
مايكسر الخاطر تباكيــــك .. حالف أنا ما عيد عـــــادات


............................................................شعر : عبدالله العويس