زيارة مريضة في المستشفى..... اللي هي دااااانة

[سنفور غبي]

شوفوا البارحة كنت لازم أداوم... يعني المدرسة من الساعه 10 للساعه 12 لأني مشتركة في جماعة الكيمياء.. أوكي

أنا سرت وأختي اللي مشتركة بعد ما سارت اللي هي نملة اللي في سوالف.. طبعا تعرفونها :)

المهم... أنا قلت لها أنا بسير المدرسة وأنت رتبي كل شي على انكم تاخذوني من المدرسة الساعه 12 وعلى طول نسير المستشفى نزور دانة... دانة اللي في سوالف طبعا..:)

وصلوا على حسب الاتفاق... على الساعه 12 .. وركبنا السيارة وشفت البنيت اللي ويانا... قلت أكيد بنسير لدانة... واستانست وايد :)

الزائرات.. (أنا ونملة وبنيتين..)

المهم.. الحين ونحنا في السيارة كل واحد ينغز الثاني... منو بيقول لأمي (لأنها هي اللي تسوق) تودينا مكان نشتري هدية لدانة (المريضة يعني) وما يصير نسير لها من أول مره وايدنا فاضيه... لكن محد قال لها ... كلنا سكتنا.. قلنا أوكي مب لازم:) (يأسنا:()

وبعدين نزلنا المستشفى.. ومدخل المستشفى يعدلونه وكل تراب وعفسه ... وماشي مكان نمر عشان ندخل داخل المبنى (المستشفى يعني) فشفنا هندي يأشر لنا عشان نمر من طريق ثاني.. عاد سرنا وفرحانين نحنا الأربعة :) ومستانسين.. وسرنا ونمشي على الحشيش الأخضر ومرة وحده أشوف ريلي خاصت في الطين .. طخ طخ طخ ويييييييع... خيست ثيابي ونعالي كله طين وهم العباة تخيست وحالة..

قلنا ما عليه بنسير لها كما نحن بالطين.. شو بنسوي بعد... ما شي حل ثاني..

واحنا داخلين شفنا محل اللي يبيع هدايا وهالأشياء... سرنا عشان نشتري.. أوكي

عاد أنا وأختي نملة اشترينا حلاوة.. يعني خذنا من كل شي (منوعات يعني).. والبنيت اللي معانا اشتروا باقة ورد.. واشتروا كرت وكتبوه وكل شي..

وشلنا الحلاوة والورد.. وسرنا ركض... وقفنا عند الرسبشن.. نسألهم عن رقم حجرة دانة وقسمها.. قالوا لنا.. وسرنا وكل وحده تسحب الثانية عشان ما نتأخر على أمي في السيارة..

والحين وصلنا للمكان اللي في دانة... ممممم منو بيدق الباب الحين.. آخر شي وحده منا دقة الباب.. محد فتح الباب.. والملف اللي عند كل باب من أبواب المرضى ما كان موجود على هالباب..

سارت وحده تسأل الممرضات عنها... وقالت لها الاسم وكل شي... قلنا يمكن غيرت الحجرة.. فيتنا فكره.. وهي كما يلي:
أنه نتصل لدانة على الموبايل.. ونشوفه وين يرن.. يعني الصوت من وين ينسمع ونسير للحجرة... رن التيلفون لكن ما سمعنا شي..

ردت علي دانة... الو... السلام عليكم... شخبارج دانة؟.. الحمدلله بخير ردت علي.. أنت في أي حجره.. رقم كم يعني...

جان تقول.. انا لا خلاص رديت البيت.. هههههههههههههههههههههههههههههههههههههه قلت لها أوكي... وعطيت اختي تكلمها ويلست أضحك على عمري وعليهم ههههههه... لا وقبل ما ندخل المستشفى أمي قال اتصلي يمكن ردت البيت.. قلت لا أكيد هني.. (شفتوا عاد) وفي السيارة نتنقاش كيف بيكون شكلها.. لأنه ولا مره شفناها.. وكل وحده تخمن..

وبعدين.. نزلنا.. وفي ايدنا كيس الحلاوة (كيس مال المستشفى ههههه) والوردة.. اللي طلعت ذبلانه.. وقلت لهم الناس يدخلون في ايدهم شي ونحنا طالعين وفي ايدنا هالأشياء.. أونه بنمر على أي مريض بنعطيه.. ههههه :)

ردينا على مال الهدايا وقلنا له... خلاص با نرد الأغراض... قال لا ما يصير.. انصدمنا.. قلنا أوكي ما عليه... بناخذ الحلاوة لكن الوردة الذبلانه شو بنسوي فيها (أونه قلنا بنعطي اختي العوده ههههه ;)) بعدين بدلوا الوردة بالحلاوة... يعني ساروا ياخذون حلاوة بنفس قيمة الوردة..

وردينا من حيث أتينا... طريق الطين ههههه :) وردينا للسيارة.. وأمي شافتنا وقالت.. أنتوا داخلين ما شي في ايدكم شي.. هذا من وين من عندها.. قلنا لها هيه من عندها.. وقلنا لها السالفة وقهقهنا على عمرنا كع كع كع

وسلالالالالالامتكم... أدري إني طولت عليكم :)

دانة... GET WELL SOON :) وما عليج من السالفة

[LEENA]

هههههههههههههههههههههههههههههههههههههههههههههههههههههههههههههههههه
ياحليلكم والله …احلى مافي الموقف اسلوبك الي يجنن
وبعد ياحضكم امك الي تسوق السياره …الله احس انه وناسه …
تصدقين سنفور انا عندي امنيه ابصراحه هي سخيفه بس ودي فيها … انا لمن نمر على عسكري ينظم مرور تقاطع ارفع ايدي له عشان نمر ؟؟
لا تبخلين علينا من مواقفك
صديقتك لينا

[بندول]

الله يشفيها.
ماأدري ارسلت لكم على الايميل باقة ورد ان شاء الله وصلت

وبعدين اختي سنفور لاتقولي( حشيش أخضر) بلاش مشاكل

قولي عشب اخضر , وسلميلي على نمله ترى انا أحب النمل كتير

[عيون دبى]

هاهاهاهاهاهاهاهاهاهاهاهاهاهاهههههههههههههههههههههه:):):):):):):):):) آآآآآآه يا بطني هاهاهاهاهاهاه(أخاف أنفجر بس )
اتصدقين يا سنفورة ان السالفة تموت من الضحك :):):):):)ياليتني كنت موجودة وياكم :):):):علشان أضحك على أشكالكم :):):):):)يعني انتي الله يهداج لو اتصلتي قبل ما تروحين .....شان ما بيستويلج هالموقف....بس هاي جزاة اللي ما يسمع رمسة أمه......
خيرها في غيرها .....................::):):):):):):)




عيــ اتصدقين يا سنفورة في خاطري أشوفج ويه بويه ـــــــون دبي

[شاهين]

كل مقلب وانتوا بخير

[سنفور غبي]

لينا...محد غيرج اللي يجنن :)

بندول... عشب أخضر خلاص ولا يهمك :).. بس أنت أرسلت على ايميلي مب على ايميل دانة :)

أهليييييين عيون دبي.. :) تبين تشوفين ويه بويه.. ههههههه شكلي عادي مثل السنافر..;) تعالي مدرستنا وبتشوفينا إن شا الله :) قولي لهم اييبونكم رحلة :)
وعن الموقف... شبنسوي وبعد... وآدي جزات اللي ما يسمعش كلمة ماما تؤولها :)

شاهين... هذا مب مقلب... موقف مضحك... (المعنى يختلف:)) المقلب لازم يكون مدبر من شخص... لكن الموقف بالصدفة... أصلا \انة ما تعرف أنه نحنا بنزورها :)

[أهات ا لنور]

سلامت دانة و ما اتشوف شر ان شاء الله
........ وأنتي صراحه رهيبهه............

[سنفور غبي]

أهلين بآهات النور... أنت الأرهب :)

إن شاء الله ترد دانة سوالف... ونقوم بالواجب :)

[سنفور غبي]

احم احم....

[حنون]

الحمد لله على سلامة دانه

ومشكور يا سنفور على كتابة الموضوع وعلى حسن اختيار الكلمات وجمال اسلوب الطرح

لو اني اشك ان لينوه فاهمه اي شي من السالفه

اذا القريشي تسميه قريشة

[جاسم]

هاهاهاهاها

تستاهلين يا ينفور غبي

انتي وين والزيارة وين

بس فيك الخير انك زيرتها

لا أول مره ادري ان نملة اختك
ليش ما تشارك بالطرائف

لكن كان خوش مغامرة مب زيارة
هئ هئ هئ

خيرها بغيرها

كان رحتوا لها البيت

وحياك الله

[نملة]

هلوووووووووو جميعا...شسوي كل ما اقول نكته سوسو تسبقني وتكتبها ههههههههههههه

تحياتي نمولة يا جسوم

[LEENA]

حنون..اول شي سنفور بنت …
وثاني شي .. وش ذا القريشي انت وجهك؟

[بندول]

>
المهم انه وصل لكم بالسلامه

وإذا تتكرمي عطيني إيميل دانه وأرسلها مرة ثانيه وثالثة بعد

panadol2002@swalif.com

[جاسم]

اهلين نملة

وانا اتقبل تحياتك

ويا هلا فيك دوم مو يوم

[سنفور غبي]

أشكر الجميع على الرد... :)

بندول.. خلاص انا قلت لها عن الايميل وهي تسلم عليك وعلى الكل...

وأنا ما أقدر أعرض الايميل... يمكن هي ما تبا ينعرض على الجميع.. :)