يوميات ((حرمة)) تسوق سيارة

[المجهول331]

[التلفون] طوط طوططاط ..طيط ..طوط
[نوره] .....الو ...هلا والله لولوه كيفك عساك بخير؟

[لولوه] .....هلا وغلا بحبيبتي ...يابنت الحلال زين سمعنا صوتك

[نوره] لا من الحين ورايح مارح تسمعين صوتي بس الا راح تشوفيني عندك كل يوم

[لولوه] كيف؟؟!!!!

[نوره] باركي لي شريت لي سيارة وطلّعت رخصه سواقه بعد .. يعني من اليوم ورايح انا وانت مافيه الاتمشيات

[لولوه] وش لون انا صراحه ماني راكبه معك...اول ماتسوقين فيني اكيد تبين تدخلينا في تريله ..لاالالالا انا مانيب بايعه نفسي صراحة

[نوره] صحيح ان ماعندك سالفه صدقيني اعرف اسوق واعرف افحط بعد....بعدين ..طيب ممكن تقولين لي وش معنى خمسات وثمانيا ...وتكونين شاطره اذا قلتي لي وش الحّيات؟؟

[لولوه] هااااااه ...لا والله ماعرف

[نوره] هجل انثبري ماتعرفين شي ...هذا الكلام كله في عالم التفحيط.وانا صراحه من زمان وانا اعرف افحط

[لولوه] ..نويران وين فحطتي فيه ؟؟!!!

[نوره] صراحة ...صراحة ..لقيت لي ملعب كوره في البر وفيه شويت طين وقعدت افحط

[لولوه] الله يحفظنا بعقولنا ...مع السلامة اشوفك في المدرسه وراح اعلم زميلاتنا المدرسات عليك.

[نوره] هاهاهاها ...مع السلامة ياروح امك.

*** طبعا جا الصبح وشغلت نوره سيارتها وخلتها تسخن ...وحركت رايحه ...وين ؟؟!! رايحه للمدرسه...شافت انبير البنزين على (الاي) يعني فاضي راحت للمحطه...طاطاط ...طاطاط ..
[نوره] يارفيق يارفيق ...بسرعة عبي لي بعشرين ريال بس

[الهندي] اوكي مافيه مشكل

[نوره] رفيق اخلص الله يخليك ...تراني تأخرت على المدرسه

***الهندي يتكلم بينه وبين نفسه
[الهندي] هذي هرمه يقول انت الله فيه يخلي ...اكيد هذي هرمه تهب انا..علشان انا فيه هلو واجد ..يمكن ...يمكن!!!!

*** نوره تتكلم بينها وبين نفسها

[نوره] وش فيه هالخبل يتميلح لي وهو ياخذ قروشه ياوالله المهبول ...لا وكل شوي ناسفن قذلته على جنب اللي كلها زيت بريك


*** وصلت نورة للدوام متأخره شوي ...ولقت دش جيد من مديرة المدرسة ...طبعا خلصت شغلها وجات تبي ترجع للبيت ...طبعا شغلت السياره ...وبعد مااستلمت الخط السريع ...وحطت رجلها ...ولا صوت انفجار (طعععععععععععع) اووووووه بنشرت سيارتها

[نوره] يارببببي ...اوووف ...بس الحمد لله ان معي جوال ابي ازهم على ابو العيال يصلح البنشر ...(طوط طيط طاط طاط طاط طوط) ( لقد تعثر مرور مكالمتك نرجو محاولت الاتصال مرة اخرى وشكرا)

*** توهقت المسكينه تسمرت في سيارتها وشبكة الجوال ماهي راضيه تشبك ...عموما اول مانزلت من السياره واشرت ...سبعين الف واحد وقف ماتسمع الا (اووووووووووووووووءءءءءءء..اي يييييييييييي.........اااااااأأأأأأأأأأأ.240 ال ...كرسيدا ...ددسن غمارتين...الخ )

الله ستر وكانت في النهار لو في الليل الله يعلم وش بيكون الوضع !!!
من بكره راحت طبعا تبي تصلح البنشر ...ولا طلع البنشري (بويمن) صاره له 25 سنه ماراح لهله ...ولا ياكل الاعصيده و حلبه .

[نوره] لو سمحت ممكن تصلح الكفر

[بو يمن] ابشري ولا يهمك احنا نصلح كل شي ..

*** طبعا عيون الرجال مانزلت من الحريمه المسكينه ... طبعا هي ذابحها ريح الحلبه ...وهو ذابحه ريح عطر سان لوران
المهم المشكله ياليتها بقت على كذا امس جارهم صدم في السياره وهي لازم تروح للصناعيه تصلح الدعمه...طبعا نوره دخلت الصناعيه ولاّ شوفت عدوك ...كل واحد ماسك له زاويه من هالسمرمد وجالس يشبح في اللي رايح واللي جاي...شافت اول ورشه قالت ايه زين خلني اشوف هالورشه اللي في اول الصناعيه ...علشان ماادخل في العمق ولا اتوهق ولا شي.
دخلت
[نوره] السلام عليكم (صوت مرتفع) فيه احد في الورشه ؟!!

*** طبعا سمعها ريس الورشه وطلع من تحت السياره ...وعينك ماتشوف الا النور باكستاني شنباته يوقع عليها الصقر ...والصدر كنك صاف لك خمس طابوقات (بلكات) وله سنتين كفيله ماوداه لهله

[باكستاني] (الصوت تقول مكسرين في حلقه غرشت كوكا كولا) مرهبا ...كيف الهال ...ايش يبي انتا
*** نوره طبع تبلع ريقها من هالمنظر الغير مألوف

[نوره] انا سيارتي فيها صدمه وابيكم تصلحون لي السياره

[باكستاني] مافيه مشكل ...انا كلو مئلوم ...خلاص انت فيه روه استره في مكتب بعدين انا في خلص سياره...انا واجد مشغول بس ئلشان انتا كل شي يهون ...يامزيون.

*** طبعا المسكينه شافت هالصتيمه وطاح قلبها في ركبها قالت له خلني ابي اشوف السياره فيها شي ابي اخذه ...طبعا ركبت سيارتها وشغلت ورجعت ريوس بسرعه وقالت لابوكم لابو ورشتكم مجمعين لي مصارعين الثيران

شكلي ياشباب طوّلت عليكم..
لكن كل هالمشاهد بامكانها تتكرر مع جنسيات مختلفه (لبناني مثلا ..مصري ..سعودي ...وووووو)

لكن هذا الخيال سيصبح حقيقه اذا قادت المرأة السياره وخالفت قول الله عزوجل (وقرن في بيوتكن)

اللهم اصلح نساء المسلمين وارزقهن العفاف

[ذكي مجتهد]

أنا ضليت أضحك من بداية القراءة
حتى نهايتها .. كنت ولقف كدت أسقط
من الضحك ...........

عقدتهن يا شيخ ......

[عروبي]

يعد التحيه؛
يسمح قانون المرور في دوله الكويت للمراه بقياده السياره وذلك منذ صدور هذا القانون؛والكويت ممتلئه كذلك بنساء وفتيات كويتيات واجنبيات يقودون السياره لهذا استطيع ان اؤكد بان كل ماذكرته في هذا المقال الكوميدي جدا هو محض خيال ولايحدث بتاتا.
عدم رغبه البعض بالسماح للمراه بقياده السيارات يرجع اولا واخيرا الى اسباب فبليه تتعلق بنظره البعض للمراه لهذا لاداعي لالباس هذا الموضوع برداء اسلامي
والله المستعان

[سريع الذوبان]

الزمان :هذا الوقت الرديء الذي سمح للجهل ان يعلوصوته.
المكان:التفت يمينا ويسارا تجهدم هناك يختبئون خلف عقدة المرأة.
هاجسهم :تركيع النس بحجةالوصاية على الحق التي منحوها لانفسهم وكأنهم الهةصغار يدخلون من يريدون الجنة ويخرجون من يريدون .
طريقتهم :تصفية الخصوم بالقمع الفكري.
هويتهم:محترفوامصادرة العقل والاخر والحوار ولوي الادلة بما يناسب شهواتهم وافكارهم وتقاليدهم البالية.
الطريقة:لاصوت يعلوا فوق صوتهم حتى ولوكان الصوت الاخر هو الحقيقة المطلقة.
النتائج :بالتأكيد مخيفة فهم يعيشون حالة قلق دائم من خروج النور.
مصيرهم :مزبلة التاريخ بدون اسف.

[الغرضون]

ى امرأة صالحه, وربت بيت ناجحه, محتشمه, اصيله, متزوجه ,؟
زوجها يعمل , وهى مربية لاولادها , طلبت من زوجها ان تقود السياره وفى بلدهم هذا الشىء مباح؟
وافق الزوج مع عدم وجود حاجه ضروريه لذلك . لكنها اصبحت من جمال الدنيا الباهر,ومن شروط التمدن والتحضر ؟
المهم اصبحت الزوجه الصالحه تذهب فى حاجتها بالسياره مع لبسها الشرعى الكامل, لشراء اغراض البيت والتبضع للمنزل والاولاد؟

المهم فى احد الايام وقد كانت فى الطريق السريع , تعطلت سيارتها , وذلك بأن اطار السياره نزل هواه(بنشر)؟
وقفت فى جانب الطريق لعل احد المغاوير يساعدها وبالفعل,وخلال دقائق وقفت سياره للمساعده؟
عسى ماشر
الرجال يكلمها , عسى ما شر
فتقول لا مافيه شر بس الاطار تعطل.
بسيطه ولا يهمك عطينى المفتاح لاصلحه لك.
جزاك الله خير.
(فى الحقيقه كان الرجل جميلا , وسيما , ذو خلق عالى شهم ولد اصول.)
اخذت المرأه تنظر الى هذا الاخ فى الاسلام , هذا الاخ الطيب ماذا صنع معها , وكيف سلعدها .
وين المفتاح الفلانى
قالت فى مكانه
ما فبه شىء, المكان فاضى.
اقتربت الاخت من هذا الرجل لتريه مكان مفتاح علبة الاطار.
واجتمعوا بقرب الصندوق(الدبه),هذا هو.
شكرا , تصدقين ما شفته.
لا العفو كلها واحد
( نظرت اليه من قريب واستهواها جمال عينيه,وعرض منكبيه, وزين الشيطان تلك النظره , واصابتها فى مقتل)

واصبحت تلك النظره وقود شيطان , وباب فتنه فتح علىهذه المرأه.
وبعد ان انتهى من اصلاح الاطار شكرته , واثنت عليه خيرا.

فأخذ يسدى لها النصائح؟
لا تسرعين الله يهديك, الحمد لله انك ما كنت مسرعه والا صار شيئا اخر , انتبهى مره ثانيه, والمفتاح حطيه مكانه حتى لا تضيعينه(وكل هذا وهى تنظر الى عينيه)
لا... لا شكرا ما راح اسرع يعطيك العافيه؟

لا بالعكس انا حاضر وممنون وانت مثل اختى اساعدك وانا كلى فخر؟
ممكن لو سمحتى تاخذين هذا الرقم , اذا فيه الى خدمه انا حاضر؟

ترددت طويلا ثم اخذته ,؟
اتصلت به لتعيد الشكر له مره اخرى وما هى الا لحظات حتى يصارحها بالحقيقه الصعبه وبالعذاب الذى اصابه من اول ما راى عيونها ..............
وبدأ النصب والاحتيال؟
المهم اصبحت تلك الاخت بنت هواه , وقرينة شيطانه, وسلوته فى فراغه والعياذ بالله؟
قبض عليها فى احضان الرذيله, مع المومسات بعد ان كانت مع المصليات.
وجاءت الى المخفر متلبسه بالزنى, ولما رات المحقق وقد ظهرت عليه علامات الصلاح, بكت وصاحت وولولت,؟
قال : ما بك
قالت : لما رايتك تذكرت حالى ونفسى واولادى وبيتى, تذكرت العباءه واللبس المحتشم , تذكرت المسجد , والقران , تذكرت العمره فى رمضان, لقد كنت مثلك امرأة صالحه.................. واخذت تقص عليه ماساتها وما حدث لها ؟

اتدرى ما سبب مصيبتى انها خروجى من بيتى وركوبى السياره؟

انا لله وانا اليه راجعون ؟

هذا الكلام موجه للغيورين فقط .. ولمن لا يرضون ان يصيب اخواتهم , او زوجاتهم , ما اصاب هذه المراه المسكينه؟

[[جامبوجت]

شوف مين عم يحكي يا سيد عروبي ما ذكره الأخوة لا يحدث في الكويت ؟؟؟؟؟؟؟؟؟؟؟؟؟؟؟شو حضرتك نايم في الخيمة ؟؟؟ حدث ولا حرج .
إلا ما رحم الله
ولا أخص الكويت فقط ولكن هذا الشيىء عام يا جماعة .
مُسلم عربي فلسطيني

[الهزبر الكاسر]

الى عزيزي ..المجهول331

اسلوب ساخر ورائع..

كان بودي ذكر الرابط

[uae girl]

يوميات غير واقعية ابدا.....
ولدي سوال لكم:
ماذا لو كان زوج المرأة مريض او متوفي ماذا تفعل؟؟؟؟ اريد اجابة منكم يا اخوان....

[المجهول331]

اخوانها وابوها

[[جامبوجت]

الجميع / حفظهم الله
السلام عليكم ورحمة الله وبركاته ،،،
للضرورة أحكام ولكل ظروفه الخاصة هذا بالنسبة لرأيي الشخصي
وغير مُلزم على أحد . ولكن ليس أن تكون المرأة سراحي مراحي
كما هو الواقع الأليم .
مُسلم عربي فلسطيني

[uae girl]

واذا كانت المرأة مقطوعة من شجرة؟؟؟؟؟؟؟؟؟؟؟؟

[بندرالشوق]

بنت الامارات...


هؤلاء ينظرون لانفسهم فقط!! ويريدون ان يصبح جميع الناس مثلهم
حتى ولو اختلفت الظروف...
يعتبرون ان الناس مثلهم ولا تختلف عنهم حتى في طريقة التفكير..
يضربون بعرض الحائط العقل والواقع والمنطق والدين..
ويحورون الادله كيفما يشتهون ويريدون...

[الغرضون]

الآنسة .. بنت الإمارات .. أرجو توضيح مفهوم "مقطوعة من شجرة" لي .. ولك جزيل الشكر.

[uae girl]

مقطوعة من شجرة يعنى ما عندها احد من اهلها.
يعني وحيده في هذه الدنيا

[ذكي مجتهد]

أخواني .. أخواتي

أنا لا أرى في سواقة المرأة شيء حرام بتاتا ..
أرى أن الضرورة .. والضرورة فقط ..
هي التى تحدد الحاجة لقيادة المرأة و تعشمها
ما قد يكون أو لا يكون من احتمالات صعوبات أو مشاكل ..

الموضوع موازنه بين الحاجة من عدمها ..
وبالنسبة لتعرض المرأة لقلة الأدب ..
أو للحوادث ..

فهذا تعتبر صعوبات لا تتداخل مع مبدا
سواقة المرأة : تسوق ما تسوق .

أما ما يقال عن الشرف ..
فالمرأة هي التى تحمي شرفها ..
ليس زوجها أو حتى قريبها اذا نوت السوء ..
مثلها مثل الرجل ..

لذا بالنسبة لموضوع الشرف ..
فهذا موضوع تربيه و تمسك بالدين و الفضيلة
والخلق و الستر و الحرص أيضا ..
لا يجب ربطه بموضوع .. تسوق ما تسوق ..

أما التعرض من الشباب أو الحوادث ..
فهذا موضوع آداب .. له حلول برضه
لا تتعلق بالقول .. تسوق ما تسوق ..

والموضوع موازنة مصالحيه خاصة بمن
تحتاج هي و أسرتها قيادتها لسيارة .

تحياتي .

[الغرضون]

لو كانت المرأة تحمي شرفها بنفسها -وهي أضعف مخلوق- لـما نهى الإسلام عن سفرها إلا مع محرم.
بس لو كان الحريم عندكم -مسترجلين لا مؤاخذة- اليومين دول من كتر ما بيتفرجوا على أفلامنا المصارعة .. فهذه حاجة ثانية؛؛؛؛؛

[متكهرب]

من المحزن حقاًَ

أن يتكلم الواحد بدون دليل وحجة تؤيد رأيه

وقد ورد في الحديث مامعناه : اجرؤكم علىالفتيا اجرؤكم علىالنار

فقد تخرج علينا الرويبضة وتفتي لنا. اللهم لك الحمد

وقد يأتي العلماني ومن في قلبه مرض ويفتي لنا نسأل الله العافية.

ويورد رأيه العقلاني فقط ، ويتبع هواه فيضل ويضل الاخرين فيتحمل أثمه وأثم من يتبعه .

ولماذا نختلف ؟

وعندنا كتاب الله ( القرآن الكريم )
وسنة نبينا محمد بن عبدالله صلى الله عليه وسلم

فلنرجع لهما جميعا ايها الاخوة وبدون خلاف فنحن لسنا ناقصين خلاف وتفرق .

للجميع تحياتي

[ذكي مجتهد]

أنا لم أقل سفر ..
أنا قلت الضرورة و الحاجه ..
المرأة تبيع عندنا في الأسواق بالرياض ..
و تسوق السيارة على الطرق السفريه بالباديه الآن ..
ولا مشكله ..
حكم الضروره مع المحافظه على الآداب الإسلاميه
والمكارم العربيه ..

الأخ متكهرب .. مرحبا ..
أوضح .. فإن كنت تقصدني .. لعلي أفهم ..
و حتى إن كان رأي مشارك آخر ..
نحن هنا لنتحاور على أساس النيه الحسنه ..
و التعلم من الزملاء أيضا ..

تحياتي

[قاهر الدخلاء]

شر البليه مايضحك ؟؟؟؟

الاخ الغرضون

السلام عليك على الرغم ان موضوعك يدعو الى الضحك الا ان القلب ليتقطع الـمً وحسرة على ما تخبئه لنا الايام القادمة .

اخي وحبيبي ذكي مجتهد , المجهول بشخصه والمعروف بحكمته......

الم نتسأل يوم من المقصود في اعطاء المرأة حقوقها اهم الغرب ام نحن المسلمين نعم ان المقصود نحن المسلمين وما ذالك الا لأنهم فقدو نسائهم اقول نعم فقدو نسائهم بل ادهى من ذلك فقدو شرف وحياء نسائهم اليس شرف المرأة بقائها في بيت زوجها ولزوم طاعته الم يقول الرسول صلى الله عليه وسلم ( لو امرت احد ان سجد لرجل لأمرت الزوجة ان تسجد لزوجها ) معنى الحديث ...انهم احيبتي في الله يريدون من المرأة ان تتمرد على زوجها والا اي اضطهاد تجده المرأة العربية المسلمة من زوجها ان الاظطهاد عندهم هم الا تعلم بأن الاحصائية لدى المحاكم الامريكية تقول بأن اكثر حالات الطلاق هي من الخيانات الزوجية والضرب في المرتبة الثانية وما سبب ذلك الا بسبب دعواهم بتحرير المرأة



اخوتي...... اقول اخيراً بان صاحب المنكر والهوى لا يهداء له بال الا اذا اصبح من حوله مثله


هذا والسلام عليكم ( اخوكم قاهر الدخلاء )

[ذكي مجتهد]

أخي ما ذكرته أنت صحيح 100 % .

لكني أنا لا أربط المسألة هنا بما يسمونه
حقوق المرأة المدنيه الغربيه أو تحرير المرأة ..

هذه دعوى باطله من مجاميعها ..
و تنحوا الى الفساد و الدمار للمرأة المسلمه ..
و تدمير مجتمعنا العربي المسلم ..
لعنها والله و لعن الداعون لها ..


أنا أتحدث بدقة عن حاجة المرأة أو أسرتها ..
بقيامها بما فيه مصلحتها و أسرتها ..
دون مخالفة لأحكام الشرع أو لمكارم الأخلاق
أو للحشمة و الحياء ..

أنا لا أقول أن للمرأة الحق في سواقة السيارة
لكي تستعرض بالشوارع .. و تعمل مانيكان في
أسواقنا و أعمال إغراء للشباب ..
لا أخي لا أقصد ذلك بتاتا ..

تحياتي و تقديري ..

[قاهر الدخلاء]

نعم اخي ..... ذكي مجتهد

استوضحت وجهة نظرك لي ولمن قرأها انا معك فيما تقول ولكن ما قاله العلماء انه ( هذا الامر يؤدي الى مفسدة ولذلك حرم )

تعلم يأخي هناك امر مهم الا وهو انه عندم نمنع شيء لا نوجد له البديل

فمثلاً اقول لأبنائي التلفاز حرام او الغناء حرام ثم اتركهم ولا احاول ان اقدم لهم بديل مباح يغنيهم عن ما قلت انه حرام فأتركهم في حيره يجب ان يكون هناك بديل لكل منع ...!!!

اخي اتمنى ان يكون هناك من الاخوة من يتشبه بمثل خلقك الراقي ...

[الآنسة عنقاش]

شو علاقة ها الموضوع بآخر الأخبار والسياسة؟؟؟؟؟؟؟؟؟؟

[الغرضون]

لأن اللدينيين يتمسحون بأهداب السياسة .. ونشرات الأخبار .. والأهم أن صحيفة السياسة هي من الصحف التي تتولى كبر هذا الموضوع.. هذا هو السبب؛؛؛

[المنكوب]

بصراحة يا اخوان أنا مع قيادة المرأة للسيارة في السعودية
أفضل بكثير من السواقين اللي أصبحوا يرافقون النساء كظلهم وأصبحوا يحفظون أسرار النساء ويلعبون في حسبتهم حتى أن بعض الأسر أصبح السائق أقرب للمرأة من زوجها وهذا شيء لايستطيع أحد نكرانه
وماهو شرط أن تخرج خارج المدينة أو أن تكون لوحدها وأيضاً مو لازم يحصل بنشر فأنا عندي سيارة لها سنة ونصف ما قد حصل لها بنشر
وأخيراً هل قيادة السيارة هي التي تقود المرأة للرذيلة فقط ؟
الصلاح من الله !!!!!!!!!!!!
وصدقوني في يوم من الأيام رايحة تسوق السيارة شئتم أم أبيتم
والله يستر علينا ...

[الغرضون]

أولا:أي امرأة تسمح لأسرارها بأن تعطى للسائق .. فهي ليست امرأة سوية .. يعني ما لقتش تفضفض إلا للسواق!
عربية ((سيارة)) حضرتك لها سنة ونصف لم تبنشر ..
حلو .. نخلي تصريح القيادة لسنة ونصف فقط.
ثانيا وعاشرا:هل أخذنا رأي العلماء في قيادة المرأة للسيارات؟؟ أم أننا فقط نأخذ فتاوى منتديات الانترنت؟؟؟
الفساد يأتي من خروج المرأة للعمل .. يأتي من إهمال المرأة لزوجها وللأولاد .. من التأثر بالأفلام والمسلسلات؛؛

[bint_alriyadh]

الاخوان تناولوا الموضوع بطريقه متعصبه بعض الشئ ليس هذا اسلوب للنقاش اخواني الافاضل اود ان اتحدث بطريقه مطوله ...في السابق كان خروج المراه لوحدها مع السائق اسلوب مرفوض ولاتوجد عائلات يسمحن لبناتهن بفعل ذلك وكانت نظرة المجتمع لهذه الفتاه على انها (ليست متربيه) ثم.....بعد فتره صار الموضوع طبيعي وكان السائق اصبح محرما للفتاه ولو بنشرت السياره او تعطلت كما قال بعض الاخوه فان الذي يحدث هو ان السائق يوقف ليموزين وتروح البنت لبيتهم...بصراحه اكثر وجود السائق مثل عدمه انا اسال الشباب الموجودين انتم شايفين ان السواق راد الشباب عن مطارد البنات؟؟؟؟؟؟انا بنت واشوف وامر في مواقف والله ما ردهم عن شي كله يرجع للبنت والشاب.. الشخص النظيف والله ما يغلط لو حطوه في اسوأ مكان واللي نيته عاطله ومو نظيف من جوا (سواء امراه او رجال) لو تسكر عليه في غرفه بيغلط ...بعدين ان في رأيي لو سمح بهالموضوع ما يسمح لاي وحده تعرف تسوق انها تاخذ رخصه لازم تمر باختبارات للمواقف اللي مثل كذا وشي ثاني انا من زمان وانا اطالب الدوريات تتوزع بالشوارع مو عشان البنات اللي يسوقون بس لاء عشان الشباب اللي أذوا البنات وهم يطاردونهم والله الدنيا كلها مصايب وقيادة المراه للسياره مو اكبرها وحكاية التمشيات واللعب الفاضي هذا صايره الحين والشوارع مليانه بنات يتمشون مع سواويقهم ويجيبون لنفسهم الكلام...ورحم الله امرئ عرف قدر نفسه

[bint_alriyadh]

نسيت اقول شي اخواني هاذا منتدى لنقاش الامور السياسيه والله عندنا في عالمناالعربي عموما والسعودي خصوصا اموووور اعقد بكثير من الامور اللي نناقشها ومشاكل يشيب لها الراس ياريت تكون هي موضوع النقاش في هالمنتدى وهالمواضيع اللي نناقشها الان لها مكان ثاني وتم تداولها اصلا ...تحياتي للجميع

[الغرضون]

لماذا الهروب
طبعا الهارب عارف نفسه@!!

[bint_alriyadh]

لست اهرب بالعكس انا ناقشت الموضوع معكم وطرحت رأيي تفضل واطرح رايك ....:)

[الغرضون]

يا بنت الرياض
تقولين :إن خروج المرأة لوحدها مع السائق كان أمرا مرفوضا من المجتمع .. لأ .. الحكاية دين ..تربية .. إنما اللي بيحصل دلوقتي .. لا دين ولا تربية .. ولا حتى نخوة عربية.
*ولا يوجد شخص نظيف وآخر قذر .. لأنه لو كان هذا المنطق صحيحا .. لما كانت هناك حاجة لفرض العقوبات .. ولما كانت هناك حاجة لتشريع الأحكام المنظمة لحياة الناس .. وإلا فما فائدة العقوبات التي فرضت لتنظيف الأشخاص القذرين؟؟!!!
وبعدين المعاكسات دي معروف حلها من زمااااااان أوي .. البنت اللي ماشية ومحتشمة ومغطية .. لا يمكن حد يقربلها .. ده حتى اللي بيعاكسوا ينكسفوا على دمهم وما يقربولهاش .. إنما اللي ماشية على حل شعرها .. وعاملة فيها عارضة أزياء .. فهذه تعرض نفسها للمشاكل والمعاكسات.
وبعدين في قاعدة :"درء المفاسد مقدم على جلب المصالح"

[bint_alriyadh]

ممكن اسأله....اولا اخ الغرضون من وين اقصد من اي البلاد العربيه
ثانيا...لو كنت من البلد اللي انا انتمي لها كان ما قلت هالكلام لان الشباب اللي مو كويس عندنا ما تفرق معاه البنت كيف..اهم شي انها بنت وبس احنا هنا سياراتنا مظلله وما يشوفون اللي داخلها اهم شي انهم يلمحون ظل عبايه سوداء وهات يا مطارد ..ديرتي وانا اعرف وش يصير فيها ولله الحمد مو مدح في نفسي لكن متأكده اني انظف من غيري بكثير واخاف ربي في كل حاجه وبالرغم من هذا اتعرض لمواقف سببها شباب طايش وانا مع السواق لوحدي انا ما اتكلم من فراغ انسانه اعيش الموقف واتكلم عنه مو احكي وبس ..اتمنى تكون فهمت قصدي..

[راعي البعارين]

اولاهذا القصة من موقع دخلته خطا

لكن اعجبتني


في البداية احب ان اشير الى ان كل ماسيرد في هذه القصة هو من وحي الخيال ولاينم عن فكر او هدف او أي شيء من ذالك .... هذه القصة لايجب الاطلاع عليها ممن هم دون السادسة عشرة لاحتوائه على الفاظ وعبارات غير لائقة...........BLACKHORSE



لي خمس سنين وانا نومي غير طبيعي يعني مرة انوم انا اطالع التلفزيون ومرة انوم على السرير بالعرض ومرة انوم وانا اكل ومرة ومرة...واذا جا الصبح تصحيني امي بالتليفون او ترسل لي الشغاله(عيب لاتفكرون كذا معها كوب الحليب)الا في هذا الصباح صحيت على صراخ وطق ودز وصراخ ولاهو صوت امي ولاصوت شغالتنا ولاصوت واحد من عايلتنا حتى وافتح عيوني المغمصة والا اربع عسكريين (ماعرف شي في الرتب العسكرية) المهم هذا يجرني من يدي وهذا يشد شعري وذا يشدني من رجلي بغى يسحب السروال الى ان فزيت بعد كل ذا وما افز وانا اسئل وش فيه والا رئيسهم يقول اسكت بس وتعال معنا يالله هناك تعرف والجيزاني اللي فيهم يقول امشي كوذي وانا اتلصق في الارض وش السالفه وامي تصيح واخواني الاثنين المتزوجين يتفرجون ساكتين واحد منهم يقول للثاني جهاز اوربت لي والكمبيوتر لك وابوي يترجاهم –العسكريين-على الاقل يلبس ثوب الخروج وشماغه (ياهوووه يايبه ياابرستيج انتا ايش هالثقة كلها ...هذا اللي قدرك الله عليه ...كلامي)والشغاله ياحياتي بكوب الحليب وتسئلني ايس يبي على غدا متفائلة صح المهم بعد مالبست الثوب الابيض وخذيت شماغي رجعوا يجرجرون فيني ساعتها ابليس لعب في راسي راح تفكيري على موقعي وقلت لروحي الله ياخذ الساعه اللي فكرت اسوي فيها موقع وش فيه موقع كله لينكات يعني الا اتفلسف واحكي في مواضيع اكبر مني وانتقد مالت علي واتخيل ذاك الجيب الاحمر(المباحث العسكريه)ولا الفان الاسود(من وراء الشمس)ولا اطلع معهم واشوف ذاااك ذااااك ذااك شوقتكم صح ماعلينا اشوف ذاك الاتوبيس المليان شباب على اخره مو معقوله ان ذولي اصحاب مواقع ارتحت شوي واطمئنيت وقلت لنفسي حشر مع الجماعه عيد....ركبت الاتوبيس بالدف والطق والتشويت.

وطول ماحنا في الاتوبيس نسئلهم وش السالفه وش القصة وش سووينا الا ان شفنا اتوبيس ثاني معبا شباب زينا واتوبيس ثالث ومسكنا طريق ديراب واحد يتفلسف قال شكلهم بيطبقون التجنيد الاجباري ساعتها ولد دبي ربي يخلييه لاهله اسمه نايف قال لهم انا واحيد امي وابوي والا يشوته العسكري مع بطنه انقلع هناك يالله بس نايف ماسكت سوا حركة حلوة قال لهم مافي شي اكله جوعان والله قال له رئيسهم (كل...........)كل واحد وذوقه يفسرها المهم الساعة الاولى انتهت وانتهى الخوف معها وبدت السواليف شفت شلة شباب كويحات(عبندة=سوووود)بدوا يطبلون ويغنون اخووكم مااصدق خبر خش معهم جو وغنينا كل الاغاني لنا الله زنجبار ودلووعه ماخلينا اغنية في بالنا الا غنينااااها والا توقف الاتوبيسات عند ارض فاضيه مسوورة بسوور شبك ونزلونا فيها ارض فاضيه مافيها شي الا خيام كبيرة وطاولات عليها اكل وموية والا يطمر نايف كما الفهد في سرعته لايسبقه أي شي ....المهم تقريبا وصل 55 اتوبيس كلهم محملين شباب.

وبعد نص ساعه طلع لنا واحد عسكري ذو جسم رياضي (مكرش )باين عليه ان رتبته العسكريه عاليه طق الكل له تحية عسكريه تقدم الصفوف ومسك مايكروفون قديييم من حقات العروووس القديمة وبدا يتكلم اول شي ماكنا نسمع وش يقول وبدينا نصارخ عليييه صوت ..صوت ..صوت

ورفع صوته وقال(كلكم مايعرف ليش احنا جبناكم هنا لاتخافون مو علشان فضايحكم وبلاويكم وكل اللي كنتم تسوونه ...لا بس نظرا لان مجلس الوزراء قرر السماح للمرأة بقيادة السيارة وللحفاظ على الامن تم وضع خطة لتنظيم هذه العملية قررت وزارة الداخلية اعتقال جميع الشباب العزاب لمدة اسبوع ولاتخافون راح تلقون هنا كرم الضيافة ونرجو الالتزام بالقواعد والتعاون معنا...ولكم الحق في استخدام جوالاتكم او التليفونات الموجودة هنا للاتصال على ذويكم)هو قال هالكلمتين وقلنا كلنا بصووت واحد يااهووووووووه مااقصرت المهم طلع نايف قال ياحضرة الضابط (خسف بالتاج والنجوم اللي على كتفه) ممكن تجيبون لنا كنتاكي وهارديز وبرجر –اووتش طمب-طاحوا طق هالضعيف قبل مايكمل .......ماعلينا كل راح يكلم اهله دقيت على بيتنا رد علي ابوي يبه خل امي تجهز لي شوية ملابس وخل واحد من اخواني يوصلها لي ما امداني اكمل كلامي الا سمعت ابوي يبكي قال امك من الصبح يوم سمعت بالقرار خذت موتري وتوها طالعه به الاتصدم بموتر مرة الجيران وسلموا على بعض ورجعت امك خذت سيارتك الكراون فيكتوريا ...قلت نعم نعم نعم ليه تاخذ سيارتي قال ابوي قالت لي بروووح اتمشى يكفي كبت 30 سنة قلت له طيب ليه ماخذت سيارة واحد من اخواني والا اسمع صوت اثنين يجرون البكوة جنب ابوي قلت عندك ضيوف قال ابوي ذووولي اخوانك حريمهم خذوا سيارتهم وطلعوا من الصبح ولا رجعوا الى الان –كان وقت صلاة العصر-واسكر السماعه وانا منصدم والا واحد ماصل ولد نعمه كان يدرس معي بالثانوي اسمه فواز يناظرني ويضحك ويطلع جواله ويدق على رقم تطلع رسمة قلب على الجهاز معه (يعني خويته)ويتمتم بموسيقى ماصله زيه وشوي ولاحد يرد وينتظر وينتظر اخرتها رد صوت ناعم (نعم )رد عليها حياتي قالت له مشغولة مشغولة يووه انت ماتفهم وتسكر السماعه في وجهه والله اللي انا فطست من الضحك عليه...مشى وقال بروح اخذ لي سندويتشه وانا اضحك عليييييه .

مرت سنة (مو اغنية محمد عبده)قصدي مر اسبوع كانه سنة عايشين على سندويتشات وفي الليل يعطرنا نايف وثله من ذوي الاوزان الثقيله بروائع العطور الفرنسية ....المهم جمعونا للافراج ويرجع لنا ذاك المكرش ماغيره وبمايكرفونه الاولاني ويقول(قبل مانطلعكم بنقول لكم لوائح القيادة اللي تغيرت وذالك لمراعاة السماح للمراة بقيادة السيارات:

اولا:أي تعرض لفتاة تقود مركبة (مركبة زي ماترد في نشرات دله) مهما كانت كيفية التعرض يعني حد او تكبيس او شربكة بالبوري على قولة اهل الخليج الهرن او بالترقيم فعقوبتها غرامة 5000 الاف ريال وسجن شهر.

ثانيا:المسار الايمن للرجال والايسر للنساء والاوسط يترك فارغا الا اذا ارادات امراة تجاوز امراة ثانيه اما الرجال لايحق لهم ذالك علشان لايقربون من المحارم

ثالثا:في حالة تعطل او بنشر كفر سيارة امراة وحب رجل ان يفزع لها فعليه ان يوقف سيارته بعيد عن سيارتها بمية متر ويحط اللطمة قبل ان يقترب منها.

رابعا:احقية المرور في الدوارات اصبحت للنساء مو للي في الدوار

خامسا:على المراة نص عقوبات الرجال في كل شي وللعسكري حرية الغاء اعطاء المخالفة للمراة بس اما على الرجال فيلزمهم.

سادسا :طريق الامير عبدالله وشارع التخصصي وشارع الثلاثين يومي الخميس والجمعه للعوائل يعني يارجال وزوجته او نساء فقط.وياويل شاب يدخل هناك.

وطلعونا وركبنا الاتوبيسات اللي ماقصرت نزلتنا في معارض الشفا وقالوا كملو انتم الباقي اللي خذ ليموزين واللي ركب اتوبيسات خط البلدة واللي كملها مشي المهم رجعت للبيت وانا اغني راجع بشوقي ولهفتي لبيتي وسيارتي وانا اتوقع ان امي بتنتظرني بالاحضان والدموع ايه هين يالدموع وادخل البيت الا والكراون فيكتوريا مليانه حكات مع الجنب صرخت وش ذا وتطلع امي واجي بانط في حضنها والا تقول لي تخبر ورشة زينة قلت يمه وش سوا بالسيارة كذا قالت يوووه اسمع الكلام بس قلت خلاص بكرة وبعد بكره برووح بسيارتي للجامعه والاتهب فيني امي ايش ايش سمعني سيارتك اسمع الكراون فيكتوريا هذي لي لين ابوك يعقل ويشتري لي سيارة ولااي سيارة بعد يا فياجرا يا بي ام وان مرة مرة لينكولن قلت يمه طيب من يوديني للجامعه بكرة قالت لي الوانيت اللي برا وش ناقصة ولاانشالله تبيني اخذه علشان تتطنز علي ام مساعد وام عبدالرحمن قلت لها بس هذا وانيت موديل 78 بركة فيه انه ما انقرص ولاتبخر من حرارة الشمس قالت امي وصلك الكلام بس....قلت باخذ سيارة واحد من اخواني قالت اخوانك قسموا مواعيد السيارة بينهم وبين زوجاتهم ياقلبي يازجاتهم مثل حالاتي.

المهم زي العادة.......رضخت للامر الواقع وخذيت مفاتيح الوانيت واصبح الصبح الجميل واركب الوانيت وبعد ساعة من المفاوضات قرر الوانيت انه يشتغل واروح به على اقرب محطة بنزين واقول للهندي عبي فل الا وتجي جنبي سيارة صني فيها بنتين خبز بر-يعني كويحات او سوود اللي يريحكم- واحدة تسوق والاخرى مرتزة جنبها وانا اطالع للمحل اللي وراهم وتجلس واحدة فيهم تطالع فيني شوقوني لايام الترقيم بس من يرقم كويحات وبوانيت بعد الا تنزل البنت النافذة وتقول لي لو سمحت قلت هلا واللي في خاطري اقول لها لعنه وش تبييين قالت معك 50 ريال قلت خير على بالي طرارة متطورة قالت لي نسيت جزداني عبده وتقول جزداني شنطة ويخب عليك قلت مامعي الا مية ريال 50 للبنزين الرخيص وخمسين مصروف اكلي في الجامعه قالت لي بنزرة يعني ماراح تعطيني قلت لها لاوالله اسف قالت كذا قلت كذا الا وتلفت الثانية علي قالت الظاهر انك ماسمعت بقانون التعرض قلت الا قالت تهقا الحين اننا نصارخ ونتهمك انك تعرضت لنا قلت انااااااااااا قالوا ايه قلت بس بس قالت الاولى هاه تجيب الخمسين ولالا توني باقول ايه غصب عن ابو اللي جابني وتقول لها الثانية وش خمسينه قولي المية يالله هات المية قلت طيب وبنزين سيارتي من يدفع حقه قالت ماعلينا منك بتجيب ولا شلون قلت لاخلاص امسكوا ورهنت ساعتي كضمان للهندي لين اجيب ثمن البنزين ومشيت للجامعه ووصلت الى مبنى كلية الطب ورحت للمواقف الوسييييييييييعه المظلله اللي محاااطة بالاشجار وتووني بادخل الا طابور من السكيرتي هبوا فينيي هناااك ابعد ورى ورى (وين نرقص في عرس)حسبت ضيف كبير بيزور الكلية نزلت نافذة الوانيت بيدي وقلت له خير وش فيه قال الصفوف العشر الامامية للطالبات بس والخلفية الخمس للطلاب والطالبات قلت له بس الطلاب اكثر عدد قال ان مارحت كلبشنا سيارتك قلت لهم لاوش عليه خلاص وادور لي موقف ورى وزجمة وسيارات لاصقة في بعض وتوني نازل من سيارتي اغني (ارفع راسك انت سعودي)والا اسمع ذاك الصوت(نييييييييييييئ)والتفت الا بدوية معها صالون صحن فتحت باب سيارتها بقوة وحك بباب سيارتي وطلع مخش وش كبره توني باصرخ فيها وجع تذكرت القانون ونقطة التعرض قلت الله يعوض وبامشي الاتناديني ياورع ياورع قلت تناديني قالت هو به غيرك هنا قلت خير قالت وش بك توقف سيارتك كذا عند الحريم قلت لها الله يصلحك مواقف الحريم على قولتك قدام قالت اترك هالهرجة الان وشلون بتزين سيارتي ولا اشتكيك عند المرور قلت تشتكيني!!!!! قالت ايه المهم تعوذت من ابليس كتبت لها رقم بطاقتي وتليفون بيتنا وجوال امي وقلت صلحي سيارتك وانا ادفع لك بعدين توني ماناوله الورقة الا وينطوون على السكيورتي صدناه صدناه صدناه تعرض تعرض تعرض شهر سجن وغرامة يابن الحلال وش تعرصه تعوذوا من ابليس انا باغازل هذي وما امداني اقول هذي الاوهدت فيني البدوية وش فيها هذي وجع يخلخل عظامك ويقطع اصلك ياقليل الادب والحيا ايه ياحضرة الضابط قلت أي ضابط هذا سكيورتي مو ضابط وانا قلت كذا ومادريت الا هالسكيورتي تشاقلوني وجرجوني الى مكتب العميد وتلفقت القصة على اني ملاحق البدوية من الدايري ولازّ(ملصق) سيارتي بسيارتها في المواقف وبعدين رقمتها ويوم حاولوا الضباط قصدي السكيورتي نصحي ولا اعتدي عليهم واشتم في الكلية والعميد .........حصلت بعد كل هذا على انذار و توقيف عن الكلية اسبوع وفوق كل ذا الزمووني اصلح سيارتها وتوقيف في المرور اسبوع مع الشفقة وفعلا قضيت اسبوع ولا اروع في توقيف الناصريه قابلت خلال ذيك الفترة مجموعه من الوجوه الشابه التي لم تستوعب القوانين الجيدة المهم بعد ما مر الاسبوع مرني زميلي واخذني من الناصريه وجلس يهدي فيني وقال ولايهمك يابو سعود باعشيك في المطعم الفلاني (لو قلت اسمه صارت دعاية) في الملز قلت له بتهكم حي القطاوة قال لي ايه وفعلا رحنا الملز ملتزمين بالمسارالايمن وماشين بشويش والطريق كان فاضي وفي سيارة كاديلاك على المسار الايسر (يعني بنت) والا فجاة تلف علينا بكل قوتها مو حد لفت علينا ماكان عند خويي الا انه يلف الى اليمين زيادة وتخش سيارتنا في الزباله الكبيرة الله من ايقاف لزبالة وياقلبي تصبر وبين اه وايه واووووه والاتنزل البنت وهي متحمسة الحمدلله ماصار شي –بس وش هي من بنت جرح يمشي-شفتها مقبله صوبنا قلت لخويي بعد ارفع صوتك تميوت والا تبعد عنا وتشوف قطوة تقول الحمدلله يا بوسي اني ماصدمتك مرة ثانية انتبهي وانتي تقطعين الشارع وتشيله وتحطها على الرصيف الثاني وتركب سيارتها وتمشي قال لي خويي عبدالعزيز بوسي مو زوجة نور الشريف قلت له الا قال طيب ليه شكلها كذا قلت له هذا المكياج ومايسوي وجلسنا ربع ساعة ننضف انفسنا من الزباله والجروح الدامية في كل جزء من اجزاء جسمنا جا راعي كابريس ولد حلال شالنا لاقرب مستشفى وضمدونا من الوجع نسينا الاكل وحطني زميلي في البيت ولاجت الساعة 12 منتصف الليل ويقرصني الجوع بزوود قلت ياولد مالك الا الكراون فيكتوريا دام امك نايمة ولاعندها عرس الليلة واخذ المفاتيح الاحتياط الي عندي واطمر بسيارتي للتخصصي ابي اتعشى في مطعم وارجع ايام من عمري مضت ولاتوني واصل الاوذاك التفتيش و على يساري بنية متلثمة معها هوندا 99 ويسئلها الضابط رخصتك ياقمر قالت نسيتهاا آسفه قال لها وابتسامته شاقة وجهه عادي تصير كثير طيب الاستمارة ياعيوني قالت لها يوووه بعد آسفة هذي سيارة ابوي وابوي ماخذ الاستمارة رد عليها هههههههه الابهات دايم كذا اخس عسكري اسمه فيحان ويقول الابهات المهم قال طيب يا ام احلى عيون شفتها في حياتي معك أي اثبات للشخصيه قالت له تصدق (بنعووووووووومة)رد وهو خار تماما هلاااااا قلت ابوي توه مارضى يطلع لي ابوي متخلف مررررة مو قال لها مووووين والله ياعيووني كان ودي لقانا يطول بس اخاف اعطلك قالت له ايه انا مواعدة زميلاتي بنتعشى في المطعم.....قال لها ياليت بعد ماتتعشين تمرين وتقوليين لي بس هاي يا خالد قالت انت خالد ولا فيحان رد عليها فيحان اسم الشهره ردت عليها بضحكة جنان على العموم خالد ولافيحان كلهم حلويين اما على اني امرك باحاول انشالله بس ما اضمن لك ....ودقت سلف وفيحان قلب رشدي اباظه يلوح لها مع السلامة يا احلى عيون الا وش اسمك ماقلتي لي والبنت دعست انا كنت بعدها طلعت الاستمارة والرخصة وبطاقة الاحوال وقلت تفضل طال عمرك ولاهو يمي السيد فيحان يانقيب يا لواء المهم مدري وش اللي خلاني انقهر واضرب بيدي على البوري(المنبه-الهرن) وطلع صووت طااط وينرعب فيحان ويبدا بالتهزيء نعم خير وش تبي احترم نفسك وانا اعتذر له وقدمت له الاوراق قال صف على جنب قلت له خير قال صف بعدين اعلمك اجل خير المهم صفيت على جنب وبعد مالطعني عشر دقايق جاني قال ماتدري ان المرور من شارع التخصصي ممنوع على الشباب ولاماتقرى قرارات وبيانات وزارة الداخلية قلت الا طال عمرك بس القرار يقول قبل الساعة 12 وانا الان الساعة 2 ونص الفجر قام فيحان يتلعثم وقال بس ولو انا وش يضمن لي انك ماكنت تدور قبل الساعة 12 المهم اكتشفت ان الشرح للوح اصرف من الشرح له وبعد نص ساعة اقنع فيه قرر ان يسمح لي ان امشي ومشيت ونصيت مطعم ....... ورحت مع شباك طلبات السيارات ولا 3 دقايق مو جا دووري الا شدووني من علباي(العلبا = اعلى الياقة في الثوب) صدناك صدناك صدناك والتفت الا اربعه من رجال الهيئه معهم عسكري فيه نوم صاف بعييد لو مالبسه كان حسبته سواق ماسكينه قلت خير وش صار وليه صايديني قال يعني ماتدري انت ووجهك قلت له لا بس ايش وش سويت ...يعني داخل هنا وملاحق سيارات البنات قلت لا ياشيخ الله (طالب ثانوي او متوسط واقول له ياشيخ حسبي على اللي مسكهم صوالين)هذا شباك طلبات السيارات جزاك الله خير قال اكبرهم ايه وماتدري ياخوي انه صدر قرار من الامارة بمنع الشباب من الطلب بالسيارة قلت له والله ماعندي خبر قال اوه اسفين طال عمرك المفروض مبلغينك شخصيا بالقرار ولاياخذون رايك فيه قلت لالالا مو كذا بس انا وش يدريني قال المهم بلا كثرة حكي تطلع سيارتك الان ابتسمت ابتسامه صفرا قلت الله يرضى لي عليك ماقدامي الا سيارة ووراي سيارتين يعني اصبروا وتجملوا وعدوها غلطة سفيه ثانيا انا والله جوعان ماكلت شي ومابقى على الفجر الاربع ساعه قالوا ابدا تطلعها يعني تطلعها ومن ورى بعد وفعلا طلعت سيارتي وحككت بالجدران وماعلينا ياقلبي المسكين وفيما جلست زي انسان مغلوب على امره اتحسر على سيارتي الا واذن الفجر وطار العشا ةالجوع يزداد ويالله يابطني سرينا ضاقت الدنيا علينا ورجعت للبيت وانا احاول ازرع البسمة على خشتي واغني راجعين الا واحنا عند الاشاره واشووف ذاك اللكزس فيه بنت تعوذت من ابليس وجلست اطالع بالدريشة الا راعية اللكزس تنزل النافذة وتبي تكلمني قال عقلي لا قال قلبي يمكن ضايعه تبي واحد يدلها وانزل النافذة قلت لها هلا امري أي خدمه قالت لي ياهووووووه الى الان انت مرسم بالثقل ياشيخ فك النشا شوي قلت عفوا انتي تعرفيني قلت نسيت يوم انتم في شارع العليا في الصالون الاسود صالون تركي (هو مو تركي صالون فهد صديقي بس مسمسي نفسه تركي) وتلحقون اللكزس هذي ولا كل يوم لكم صيده قلت لها لاوالله قالت اسمع بصراحة خويك سخيف وانا راسمه عليك من اول بس انت زودتها بالثقل حقك قلت اناااااا قالت ايه وتطلع لي كرت وترش عليه عطر (تذكرت اللي يبيعون في محل )ماتلاحظون طولناها شوي اصلا مطوفين الاشارة وانا شيطاني يقول لي يعني 3 مرات وانت ماشي في حالك واكلت تبن جرب هالمرة صيده ولااحلى قلت بس هذي خوية صديقي ...ماعلييك هي تقوول انه سخيف يعني كذا ولاكذا بتتركه طبعا كل هالكلام لشيطاني اللي معي وامد يديني الا وعينكم متشوف الا النور 3 دوريات وصالونين هيئه ونزلوا كلهم علي ولا احد فكر يشوفها ومردغوني مردغه بعد ذا كله سئل ضابط فيهم البنت (صح هو ضايقك وتعرض لك وحاول يعتدي عليك صح صح لاتنفعلين في البكا خلاص بنوريك شغل الله فيه) ورجال الهيئه يصارخون يامجرم يازنديق اتريد ان تشيع الفاحشة في ارض المسلمين انا بصراحة تقبلت الامر بروح رياضيه سكرت السيارة وفتحت الباب يعني كملوا مردغتكم فيني البنت للامانه ماقالت ايه حتى ومشت بسيارتها اما انا فتم ايداعي بالحبوس بالتهم التالية:

اولا:التعرض لفتاة بريئة مسالمة في الطريق في منتصف الليل

ثانيا :تعطيل حركة المرور

ثالثا تهديد الفتاة وابتزازها بطريقة او اخرى

الحكم الايقاف شهرين في سجن الحاير وغرامة مية الف ريال .....تم تنفيذ الحكم وتوني طالع امس وعن اذنكم الان بارقد وعلى قولة الشاعر (يامدور الهين ترا الكايد احلى وهيك ياما هيك مش لايئة عليييييييك).



ارجع اقوول هالصفحة ليست اكثر من صورة فنطازية على قولة نجدت انزور لفكرة لم تطبق بعد ولاتعبر عن راي واذا رات الدولة ان النساء يسوقون السيارات فنعم القرار والنساء يستاهلون امهاتنا واخواتنا عيوننا وقلوبنا لهم اما اذا رات ان الوضع الان افضل فذي ديرتهم والنساء رعاياهم وعادي بناقص الملايين اللي يشفطونها السواقين والمشاكل اللي يسببونها...



الى شباب مدينة الملك عبدالعزيز كيفكم شفتوا كيف ماشي حسب النظام ولاطولت لساني ولاشي ماشاالله علي عاد بما ان عيد وسعيد في اجازة نبي فزعتكم ولاتسكرون هالموقع او هالصفحة حتى....وتقبلوا خالص الشكر........BLACKHORSE2000

اخيراهذا القصة من موقع دخلته خطا

لكن اعجبتني