رسمت اللوحه

[مجنون ريما]

اخر مشاركه في سوالف لان صراحه مافيه ردود غير القراء بس يدشون ويقرون ويطلعون والواحد مو عارف اهو شنو قاعد يكتب شي حلو او شي سخبف
--------------------------------------------------------
تعلمت ارسم اللوحه على وجه احتـــضر بأوهاااام ***. وتعلمت اكتب الحـــسره على صفــــحة معاناااتي

تعلمت ارسم الخـــطوه دون كــفوف..دون اقدااام***. لكن ماقــــدرت ارســــم ملامــــح كل خطواااتي


أنا لوحــه من الاحزان... والريــشه بلا رساااام ***. الا ياريشتي يكـــــفي... مـــوتي في كتاباااتي


تصورت الحزن لحــــظه يــموت بصــفحة الاحلاااام ***. أثاري الحلم حتى الحلم... يرفــــض احتمالاااتي


تصورت الحزن عـــذرا ...عليها برقــعن ولثاااام***. الى من شفتها يرجع هــــناي .....وابتساماااتي


تصورت الفرح والد ...وانا واحــد من الايتاااام ***. أثاريه الفرح مبــــتور في كـــــل اتجاهاااتي


رسمتك للحــزن بسمه تـــزهى شـــــفة الاياااام ***. رسمتك للأمـــل موعد... يناسب كـــــل اوقاااتي


أنا اللي عمره اللوحه وانا المجروح والرساااام ***. تبـقى لـوحتي انـــــــتي..خلـــيها بداياااتي

[ROMANCY25]

مجنون ريما

في البداية أنا عضو جديد عليكم ولاأعرف سبب إعتذارك عن الكتابة لقلة الردود....
فلو أنك كسبت من هذا المنتدى عضو واحد فقط ولكنه صادق في رده لكان أفضل لك من عشرين عضو مجاملين....


بالنسبة لما قرأته لك فهو أول موضوع أقرأه في هذا المنتدى وقد أعجبني كثيرا لدرجة أني قرأته أكثر من مرة...


طبعا القصيدة بمجملها رائعه ولكن سوف أقول لك أكثر بيت أعجبني

تصورت الفرح والد ...وانا واحــد من الايتاااام ***. أثاريه الفرح مبــــتور في كـــــل اتجاهاااتي


لقد كان فيه تشبيه أكثر من رائع

سجل أعجابي بالقصيده وتأكد بأني سوف أكون من المتابعين لك
وان شاء الله يدوم التواصل ونقرأ لك في القريب

تحياتي

[مجنون ريما]

صراحه كلي فخر والله اني اشوفك ترد علي بس ياخوك المنتدى محطوط عشان تكتب وطور من نفسك وتشارك ناس اعلى منك مستوى من الشعر وتتعلم منهم مو انك تكتب قصيدتك ولا تدري اذا اهي حلو تستاهل انك نشرتها او انه مثل عدمها


وارجع اقول يعطيك الف عافيه ابوي ماقصرت والله وكلي فخر فيك

[بنت الأحزان]

مرحبا مجنون ريما..

يا اخوي توك في بداية الطريق.. وتقول آخر موضوع!:)
صبرك شوي ترى الدنيا بعدها بخير.. :)

-----

كلمات جدا حساسة تعبر شفافية الاحساس :)

لكن..سؤال لو ممكن تجاوبني عليه..
* هل هي من كلماتك أو أنها من قراءاتك.. ؟!
فإن كانت من كتاباتك.. فالموضوع منتهي..

وأماإن كانت من قراءاتك..
فأتمنى أن تضيف لنا اسم كاتبها..
حفاظا لحقوق صاحبها..

لأني سبق قرأت شيئا يشابهها في مكان ما
ولكن لا أذكر إن كانت هي أم لا..

وتقبل تحياتي أخي الكريم .. :)

[عشاق]

وسع صدرك يا أخوك00 ترى كلنا ابتدينا جذيه وفيه أحيان حتى الى هذا اليوم نكتب مواضيع ما أحد يرد عليها ولكن هناك سببين 00 الأول يمكن المشاركه غير جيده وهذا دافع لأن تكتب الأحسن00 والآخر من كثر المشاركات الواحد ماهو لاقي الوقت انه يقرى كل المشاركات00 ولكن أثبت جدارتك ورح تلقى لك قراء وأنا من أولهم ولا تزعل نفسك ومو مجامله والله أنا دخلت اليوم خصيصا علشان أقرى مشاركتك لأن مجنون ريما اسم أعجبني وحبيت أعرف شنو ورى هالاسم

[مجنون ريما]

هلا والله اختي بنت الاحزان مشكوره على وصفج للقصيده
وشي يسعدني

واذا اني باول المشوار او اخر ما يمنع الواحد يساعد او ينتقد او يشارك عشان الواحد يعرف اهو شنو كاتب


واتمنى لو تعرفين وتتذكرين اذا كانت هي القصيده او لا اذا كانت مو اهي فالموظوع منتهي
واذا كانت اهي اتمنى تقوليلي وين قريتيها

ويعطيج العافيه

[مجنون ريما]

الله يسلمك اخوي عشاق

وشي صراحه يشرفني اني اسمع منك هالكلام الحلو اللي كلي فخر فيه والله طال عمرك وانشالله راح تشوف مشاركات انشالله

[بنت الأحزان]

في البداية أعتذر على تأخري الشديد بالرد على سؤالك..
وأطلب اسموحة منك :)

وبالنسبة للأبيات.. .. قلت لك بأني قرأت شيئا يشبهها
وما قلت اني قريتها هي.. :)
على العموم،، اقرى اللي بكتبة تحت وانت قرر !! :)

----------------------------------

في كتاب قصائد عشق.. ( شعر شعبي) من إعداد عبدالله حمير القحطاني .. وفي الصفحة 77 من الكتاب قرأت التالي..

** ** ** ** **

لوحة الإنسان.. >>>> لـ خالد الراجي..



تعلمت أنظم اللوحةعلى وجه احتضر بأوهام .**. وتعلمت اكتب الحسرة على لوحة معاناتي

وأنا اللي هم عمري حزن في ريشة بلا رسام .**. وأنا اللي تسهر جروحي وحزني راقد بذاتي

تصورت الحزن لحظة يموت بصفحة الأعوام .**. واثاري فرحة اللحظات.. ذابت بانفعالاتي

تصورت الرحزن ريم.. عليها برقع ولثام .**. إلى من شفتها يرجع هنايا وابتساماتي

تصورت الفرح والد.. وأنا واحد من الأيتام .**. واثاريه الفرح.. مبتور في كل اتجاهاتي

تصورت الليالي شوق وقلوب العذارى حطام .**. واثاريه الهوى غادر كتب بالحب مأساتي

رسمتك ( لوحة الانسان ) وبروازك كسور عظام .**. ودهشه تسكن المتحف تزّهي صدر لوحاتي

وكتبتك للهوى حبْ عظيم يرفض الاعدام .**. وقصة للملا تبقى,, وتحفظ في سجلاتي

وأنا للي عمره اللوحة وانا المجروح والرسام .**. وتبقى لوحتي انتي ويميها بداياتي




....................

لأني شبهت على الكلام قلت اللي قلته..
وبعد ما راجعت الأبيات.. شفت الشبه بينهم.. :)
والكلمة الأخيرة لك.. وتقبل تحياتي .. :)

[مجنون ريما]

صراحه شي اثلج صدري اني القى ناس متابعين الا هذي الدرجه لاكن اتمنى انت تسعي وراء هذي القصيده وافهمي شنو موظوعها
وراح تعرفين الموظوع عدل :))))))))))

[ولهاااااااااان]

لو سمحتم وقبل ما نعلق على هذه القصيدة الرائعة ونمتدح كاتبها
هل انت خالد الراجي................ولا............؟؟؟؟؟؟؟؟

الرجاء من الجميع الامانه..ونسب كل قول الى قائله
فهذه لوحة فنية قيمة..............والاطراء لها يجب ان يوجه لمن رسمت انامله المبدعة خطوطها.....

[بنت الأحزان]

ممكن توضيح أكثر لردك أخوي @_@
لأني أخاف يدخل الموضوع في بعضه :)

تحياتي وعساكم من عوادة العيد :)