أكيد يهمك امر هالخاطرة تفضل ....ولاتنسى رأيك لو تكرمت

[ياكوياكو]

اسمي سعيد
عمري يوم
انا اول فرحت امي وابوي
ما صدقوا
اني وصلت
هذي عشر سنين من العمر
مرت عليهم
انا سعيد
عمري ثلاث سنين
امي لو الهوى فكر يمر
من عند طرف ثوبي
تصيح !!!
ولو اطلب الدنيا تجي
وابوي قبل ماقول اللي في خاطري
يقرى اللي على بالي خطر
**************
انا سعيد
عمري عشر سنين
عندي الحين اختيين
بس انا غير
انا ولد
تدري يعني شنو ولد
يعني ...امل
تاريخ كل اللي قبلي
في رقبتي
عمري عشر سنين
مدري منهو انا
مره انا عين امي
ومره راس ابوي
مره منسي في الطرف
هذول البنتين
طلعوا عيني
خسروني نص قلب مي
كل قلب ابوي
تدرون مايقدر على الرجال
الا المرة
وحده دلال
وحدة امل
خربطوا حسبت سنيني
************
انا سعيد
عمري 16 سنة
مراهق
لارضوا قالوا رجال
يبغاله مرة
ولازعلوا قالوا
بزر
آهههههههههه
بزر
هالكلمة تبريني بري
تاكل من عمري
ماتبي
بزر ...وانا احب
أيه احب بنت جارتنا
خديجة
موتن حمر
قلب خضر
هي الوحيدة اللي
سيحتني
صرت مثل عمود النور
عند بيت اغلى حبيبه
بزر
الله ياسامحهم
مراهق
يعني خطر
يعني مصيبة
او يعني بزر
****************
انا سعيد عمري 23 سنه
جامعي وتفكيري
غبي
ابي وابي وابي
بس مدري واش ابي
باقي سنه واتخرج
واعتمد على نفسي
واستقل
وافتك من دلال ومن امل
تخصصي
احياء دقيقة
الله يسامح التنسيق بهذلني
النسبة 70 علمي
حذفوني في كلية العلوم
من اول يوم
وانا اطيح واقوم
هذي كلية العلوم
المعدل خفس
ورفس
مرة انذار
مره احتار
شسجل الكورس اللي يجي
دكتور اصلع غبي
دكتور احول يبي
وش يبي ؟
تدرون وش يبي ؟؟
مدري وش يبي !!
أنأ سعيد
************
عمري 34سنة
متزوج وعندي مرة
وش فيهامن الحريم
والله مافيها ريحت مرة
واربع بنات
راس مالي في الحياة
على فكرة زوجتي اسمها
ابتسام
وياحرام
كانت غزال
كانت خيزران
والحين
كورة مدورة
ما ينفع معاها رجيم
تزعل تاكل
ترضى تاكل
الله ياخذها من مرة
أناسعيد
************
عمري 55سنة
متقاعد وأكل (خرى)
ديون ....وديون
وعيون
وابتسام واربع بنات
وحب خديجة
وذكريات ...الله
وأشياء صارت
وأشياء ما صارت
وربح وخسارة
ويوم حلو
ويوم ماله طعم
هذي الحياه
توريك العجب
هذي الحياه
ما يعجبها العجب
******************
انا سعيد عمري 66 سنه
اليوم ودوني المقبرة

[الالم المهاجر]

راااااااااااااااااااااااااااااائع00والله رائع
ياسلام عليك يا خوي هذا اللي كتبته 00انذهل عقلي وقلبي 00يوم شفته وقريته00تبي الحقيقه 00انت مبدع وللحروف عندك طريقه 00غصب تجمعها00وغصب يقراها 00انا وامل 00انا ودلال 00وكل منا يقولها للصديقه00
تعجبني00 والله لايحرمنا منك 00ومن وجود انسان مثلك0
كل الحب00اخوك 00الالم المهاجر00

[روح الليل]

أخوي ياكوياكو..

كلامك سهل وسلس ومن القلب عشان كذا طالع أكثر من حلو..

تدرون مايقدر على الرجال
الا المرة
هههه.. هذي أعجبتني

صرت مثل عمود النور
الله يعينك..

على فكرة زوجتي اسمها
ابتسام
أفااا.. يعني ماطلعت خديجة!!؟؟ ;)


موفق انشالله بأساليبك وافكارك الجديدة..

أختك/ ..<< روح الليل >>..

[ابو ذكرى]

قريتها وانا ميت من الضحك
اسلوبك رائع
يذكرني بالأمير الشاعر ((عبد الرحمن بن مساعد))

بس وش لون عرفت انهم ودوك للمقبرة؟؟؟؟

انتقاد بسيط ماينقص من جمال الموضوع!!! فيه كلمة بين قوسين ياريت تغيرها

تقبل تحياتي
اخوك ابو ذكرى