واليوم بنت الناس في بيت رجال

[الغائب]

مرت ثمان سـنين حل وترحال 000 مرت ثمان كلها مدلهمه
قضـيتها بالحب والشوق رحال 000 وبكل حب تحدى ياسه وهمه
وعقب الثمان الي تعبها برى الحال 000 جاب الزمان الكارثه والمطمه
جاني ولدها مبتسم بين الاطفال 000 ومن بسمته ذكرت انا بسمه امه
ركضت له ودمعي على الخد منهال 000 ومن كثر شوقي قمت بالحيل اضمه
ساعه حـضـنته والطفل بيدي مال 000 شـميت ريحتها على اطراف كمه
استلهمت نفسي مقاديرالاهوال 000 تم الضـياع واكدت لي المتمه
واليوم بنت الناس في بيت رجال 000 وحب على غير الشرف لي مذمه
برجع وحيد سكته بر ورمال 000 يموت يحيى يندفن مايهمه

[ولهاااااااااان]

قريت شعرك وصغت انا الرد في الحال*وجيتك اسلي القلب عماالمه
الحب يا غايب خطيرن وقتال*والصبر قبر القلب والبين سمه
لاترخص احساسك لمن في الهوى عال*وقلبن قتله الحب طالب بدمه
اقتل هواها وادفن الجرح لوطال*وابعد مزارك عن خواله وعمه
ولا غاب محبوبك ولاهو بينطال*روِّح في تالي الليل بالشعر يمه
وخلك حذر لا تمشي دروب الانذال*ترى الهوى يفنى اذا خنت ذمه
الله ياغايب يريح لك البال*ويبري جروح القلب ويزيح همه
وتلقى لكم في صادق الحب منزال*يعطيك من دره وتغرق في يمه
لو السعاده تنشرى نرخص المال*ما ينفع المحزون مالن يلمه

[الغائب]

الله الله

روووووووووعه ولهان يعطيك الف عافيه

شكلك ماشاء الله شاعر بالفطره

مشكور اخوي وفمان الله

بكل سبيل للنساء قتيل * وليس الى قتل النساء سبيل

[برق السحايب]

من اجمل ماقرءت هذا الصباح يعطيك العافيه اليوم . عساك تسلم

تقبلووو تحياتي وفائق احترامي
اخوك برق

[وليد اللحظه]

السلام عليك يا الغائب..
انت الغائب أو كلامتك الحلوه هذه التي كانت غائبة عنا ؟؟!!..
صح لسان من قال هذه الكلمات الجميلة ومن تبعثرت مشاعره فيها..
الله يوفقك ..وان شاء الله الى الأمام دائما.. بثوبك الشعري الزاهي الجميل ..نستمتع ابدا ودهرا..
تحياتي / وليــــــد اللحظة

[ولهاااااااااان]

الاخ غائب.....انا محب للشعر وانظم .ولكن لست بالحجم الذي وضعتني فيه..بل هذا من ذوقك....ولولا جودة شعرك وروعته ما ردينا
ولكن لك عندي مفاجأة..........

تبي تعرفها.........


قرب شوي......











قرب اكثر ما ابي احد يسمع.........







انا ولـــــــــــــــــــــه ماني الولهان

وإليك ابياتي التي اعلنت بها ذلك في منتدى القلعة بعد طول اغتراب عن انوثتي:
انا وله ما ني الولهان*وارجو من الناس تعذرني
شعرالغزل عيب للنسوان*تفكير بالحيل حيرني
وكل ما كتمته بقافي بان* الحب حاكم وسيرني
انا اطلب الصفح والغفران*مادام لي ظرف مجبرني

ولـــــــــــــــه

عفوا تقدر تعلمني كيف اغير اسمي في هذا المنتدى ......والله مليت من ثوب الرجل...ومشكور مقدما

[كريم سبلا]

والله مدري وش اقول لكن قصيده في غاية الروعه وصح لسانك


ولهان والله منت بهين صح لسانك بعد









تقبل تحياتي


اخوك
كريم سبلا

[الغائب]

الله يعطيكم العافيه ومشكورين يا برق السحايب ويا وليد اللحظه

وماانسى حبيب قلبي كريم سبلا اللي اسميه الانسان الغامض
لاتسألني ليش الحب من ربي يجي ماله اسباب

ـــــــــ

اما انتي ياوله لي معك حساب ثاني

:) من بسمته ذكرت انا بسمة امه (الله يخليها له)

انتي الشخص الغامض الثاني مع كريم
مدري احس بشعور غريب معكم

واهديك هالابيا111111ت

تذكر اني عاشقك والا نسيت
دايم الذكرى تنسيني خطاك
عادتي أنسى الخطا لامن هويت
تخطي وعذري معك انك ملاك
لو تسِل الموت بيدينك رضيت
والقصيد اغواه بعضٍ من حلاك ...!

[ولهاااااااااان]

اخي الغالي الغايب:
والله ردك هو الغامض ....وان كان بك ريبة اني شخص تعرفه فارقد وآمن..والله مالي معرفة باي شخص في هذا المنتدى.....
فلماذا المحاسبة وانا لم اخدع احد او اسيء لاحد....؟
وإليك هذه:

التسامح حق من هو له وفيت*وإن ضعف عشقه لزم له اشتراك
وصل احساسك لخلك لو عنيت*المحبة توردك درب الهلاك
واحذرالوان الزهر لامن جنيت*كم جمالٍ قد تعبث به سواك

وبعدين وين الرد على طلبي المساعدة في تغيير الاسم.......؟
الوله

[الغائب]

هلا ولهان

مدري وش اقولك بالنسبه لتغيير الاسم انا حاولت بس ماقدرت الظاهر لازم تسجل تسجيل جديد مااظن تقدر تغير اسمك

بس تكفى طلبتك لاتترك المنتدى


خلاص اتوب مااقول ردود غامضه يالغامضه
بس انطقي هنا

[كريم سبلا]

هلا غايب حياك والله وانا اخوك ما حبيت الا من حبك

اما مسالت الغموض ما اعتقد انها حاصله

علي فكره غايب

لامسنجر ولا ايميل مايصير الحكي ذا

البارحه حصلت قصه على قصيدتك ذي حبيت اقولك بس لالقيت ايميل

ولا مسنجر.


شوفلك صرفه اوكي

اول ماتقري ردي رح فكلك ايميل( دايركة ) اوكي


تقبل تحياتي

اخوك

كريم سبلا

[الغائب]

هلا اخوي كريم انت تامر وحنا نطامر

ابرسلك على بريدك ايميلي والماسنجر حقي

كم عندنا من كريم بس

انتظر منك رد باعلى الايميل


وفمان الله