View Full Version : حبل الرجاء
كريم سبلا
23-12-2000, 10:13 AM
الي الاخ غايب بعد التحيه
ورينا نقدك البناءءءءءء
حبل الرجاء من دونك اليوم مقطوع
......حبل الرجاء بيني وبينك قطعنا
لاعاد انا احبك ولنته بمسموع
......خلاص يالغدار حبك نسيناه
أول معك امشي وانا فيك مخدوع
...... واليوم يالخداع سدك كشفناه
ذوقتني كاس المراره بلا طوع
...... والحلو من حبك ولا يوم ذقناه
واخر كلامي حبك اليوم ممنوع
...... واسمك من اعمااااق الضماير شطبناه
كريم سبلا
ولهاااااااااان
23-12-2000, 05:52 PM
1- سقطت الهاء من القافيه الاولى ......دورها
2- انا آسفه سبقت الغائب لانه الى الان غائب.....وبصراحة ما قدرت اقاوم القصيدة وحبيت اشارك............ممكن؟؟؟؟؟
شكرا......شكرا........ما قصرت وكلك ذوق واتفضل:
ياشاعرٍ يشكي من الغدر مفزوع*
كم عاشقٍ جرَّح فؤاده بيمناه
هذي سلوم العشق بالغدرمطبوع*
والبين واللوعه وحنا قصدناه
وش الذي خلاك للحب مدفوع*
لولا الحلا اللي تنكر اليوم مجناه
اترك مخارج يمكن تقول مرجوع*
القلب صعب انك عن الحب تنهاه
درب المحبه كله اشواك ودموع*
يا ليتنا قبل الندم ما مشيناه
اختك:.........................وله
كريم سبلا
23-12-2000, 06:46 PM
الى الاخت وله بعد التحيه
حياك الله وانا اخوك وهذي الساعه المباركه
مشكوره على الرد وصح لسانك القصيده حلوه ولي رجعه لها بس
اصبري شوي
اما الها والله مدري كيف نسيتها كنت حريص على الموضوع انه يطلع
باحسن صوره لان علامة الشعر بيرد عليه وينقد نقد بناءءءء
بس عاد حظه نسيت الها رغم اني مراجع النص اكثر من ثلاث مرات
تقبلي تحياتي اخت وله
ولي رجعه مع قصيدتك الليله انشاء الله خلاص المغرب علي الابواب
اخوك
كريم سبلا
الغائب
23-12-2000, 09:24 PM
الى هالدرجه انا اخوف
ياحليلك كريم اضحكتني كثيرا
المره هذي نسيت حرف بكره كله من الروعه وانت مراجع القصيده عشرمرات
:)
لا ابشرك قصيدتك مضبوطه ولافيها شي ويعطيك العافيه
كلمة الحق تنقال
بس انشاء الله بيجي يوم واحفل فيك
كريم سبلا
24-12-2000, 04:48 AM
هلا غايب
لاوالله بس رايك مهم عندي مهم عندي وانا اخوك ورضاك بعد مهم عندي
ومشكور على ابدا رايك
وتقبل تحياتي
اما الاخت وله فاقول لها
الحب كيفي دايم امشيه بالطوع
.............مير البلا غروٍ عرض لي وجيناه
حبه علي عيني وبالقلب مطبوع
............خسارة ايامي ودربٍ مشيناه
وتقبلو تحياتي
اخوكم
كريم سبلا