الوالدة ... والبعد ... وليلة العيد

[حبيبها]

دنق على الماطى غلا.. تمرغ باطهر ثرى
ياشــوق اضنـاه البعاد .. اليالفيت وضمها

سبق مراسيل العيون اللي تهيض اليا انبرى
قبل المنـام لخـاطـري .. شـوق يهـدد دمها

مع نسمة المسرى سرى من خاطري له ماسرى
لهــايب بـروح تـروح .. اليـا بطت عن امها

قبل جبين الطهر ياشوق الصغير اللي درى
انه بعيـد مادرى .. عن شـوقهـا اللي لمها

ياما حلا ذيك اليدين اللي ترجعني ورى
صغير اكـبر في ذرى .. ذيك اليــدين وشمها

شمس الحنان بكفها وبكفها الثاني ذرى
وبحضــنها شهقــة غلا .. ابـو الحياة وامها

بعيونها برق السنا لامن تحدرها وجرى
كن العيون بهالفضا .. تكدرت لهمــومها

منبع غرام الكون يا ام لها الخاطر برى
من علة به لاغـدت .. عيني تمــوج بخمها

يا اول اشواق الصغير اللي تربى وكبرا
وياآخر اشــواق الكبير .. اللي يموت لغمها

كل القصيد اللي انكتب ماظنتي له ينقرا
خوفي على جفـن الحياة اليا التقى به كمها

ياعلها وافراحها وسعودها دوم خشرا
ذباحة سيوف الهنا.. تقضي على اصغر همها

http://www.dewanee.8m.com