View Full Version : إلى كل الإخوان في منتدى الشعر والأدب للأهمية
السلام عليكم ورحمة الله وبركاته.
إلى كل من يطلع على هذين البيتين يخبرني من هو صاحب هاذين البيتين ، وإن كان للقصيدة تكملة فليعطينياها .
أو يعلمني وين أحصلها .
لولا الزمن في نية الغدر شيمة
مـافرق أحبـاب ولابـعد أوطان
كـل خـصم ذاق لـوعـة خصيـمة
ومن خاصم الحب يابنت خسران
ــــــــــــــــــــــــــــــ
حنا العرب يا مدعين الــعـروبـة
وحنا هل التوحيد وإنتم له أجناب
حبيبها
19-01-2001, 08:18 PM
اخي ARAE
القصيد للامير بدر بن عبدالمحسن وقد صاغها في مستهل الثمانينات الميلادية ويقول مطلعها:
قلت المطر قالت من اليوم ديمه
لابه رعد لابرق ماغير هتان
ومنها ايضا :
ماللرجا في بعض الاحيان قيمه
وماللعمى صبح ولو بات سهران
او
ماللرجا في بعض الاحوال قيمه
واضافة لذلك اسمح لي بتصحيح البيتن الذين ذكرتهما في سؤالك :
لو للزمن عن نية الغدر شيمه
مافرق احباب ولا بعد اوطان
كل خصيم وذاق لوعة خصيمه
واللي خصيم الوقت يابنت غلطان
مع خالص تحياتي
حبيبها
حبيبها
19-01-2001, 08:37 PM
قلت المطر قالت من اليوم ديمه
لابه رعد لابرق ماغير هتان
عشق جمع مابين قاع وغيمه
فيض على صدر الثرى دمع الامزان
همس النديم اللي يعاتب نديمه
وصوت المطر كنه تعاتيب خلان
تبسمت لاجل الليالي القديمه
قالت تذكر قلت يابنت نسيان
نقض الجروح اللي تشافت ظليمه
لاعاد به وصل ولاعاد هجران
ماللرجا في بعض الاحوال قيمه
وماللعمى صبح ولو بات سهران
لو للزمن عن نية الغدر شيمه
مافرق احباب ولا بعد اوطان
كل خصيم وذاق لوعة خصيمه
واللي خصيم الوقت يابنت خسران
===================================
http://www.dewanee.8m.com
السلام عليكم ورحمة الله وبركاته.
إلى الأخ حبيبها.
يعطيك الف عافية وما قصرت ما تدري كم لي من وقت وأنا أدور على
هالقصيدة من زمان. وتعبت وأنا أدور عليها.
مرة ثانية يعطيك ألف عافية