سوالف للجميع - قصه غرام

alrewesh

23-01-2001, 12:24 AM

بحكي لكم قصه غرام....
عن اللي بها عشقي هيام....
بحكي لكم عن حبها وعن عشقها....
وعن احلي ايام العمر ...
اللي قضيته بحضنها....
وهذي انا وهذي هي .....
وحبي لها ما ينتهي....
حبي لها مثل الشجر ...
ثابت من عروقه دهر..
وهي المطر...
وكل ما تزيده يرتوي...
ويظهر على اغصانه ثمر...
وهذي انا وهذي هي...
وحبي لها ما ينتهي..
حبي لها ما هو جديد ...
وبكتب لها احلى قصيد....
بكتب واقول انت الهوى...
وعشق من عروقي ارتوى....
انت السحاب وانت المطر ...
انت الربيع وانت الشجر...
وهذي انا وهذي هي...
وحبي لها ما ينتهي...
جيت ابغي اكتب ما كفيت...
وجيت ابغي اوصف ما وفيت...
ما ينوصف حب....الكويت.....
ومهما اغيب وابتعد ...
شوقي لها زايد بعد...
وهذي انا وهذي هي....
وحبي لها ما ينتهي.....

روح الليل

23-01-2001, 05:53 PM

الله يديم هالحب المقدس..

ومهما اغيب وابتعد ...
شوقي لها زايد بعد...
وهذي انا وهذي هي....
وحبي لها ما ينتهي.....

أوطاننا هي مهد أحلامنا.. وفيها تكبر آمالنا.. ومنها تتجدد أعمارنا.. وبها تتعلق أفكارنا..

تحياتي لما خطت يدك..

أختك/ ..<< روح الليل >>..

عشاق

23-01-2001, 07:02 PM

لو انها ماهي اهي000
كانت حياتي تنتهي000
أنا أغير من البشر000
حتى من أغصان الشجر000
حتى البحر000
لاداعب الخصله أغير000
ايوه أغير..طبعا كثير000
لكن علشان الكويت000
هي عشقك آنا ما نكويت000
ولا ما نويت000
أرحل عن اترابها بطوع000
فيها قنوع000
أصابعي لأجل تضوي شموع 000
ما غيرها آنا هويت 000
حبي الكويت000
هذا أنا وهذي اهي000
وحبي لها ما ينتهي000
معشوقتك ومعشوقتي000
الكويت اهي امويمتي000
وانتي حياتي ودنيتي000
لو كان ما فيه الكويت000
كنت أنا ما غيرج هويت000
وكنت أنا ما عنج ابتعد000
وان غبت باللهفه أرد000
لكن تصاريف القدر000
والله قهر000
لا صار ما بيدي احتويج000
وتدرين كم آنا أبيج000
وتدرين كم أوله عليج000
وحرام قلبي ما نسيج000
هذا أنا وهذي اهي 000
وحبي لها ما ينتهي000

[تم تعديل الموضوع بواسطة عشاق يوم 24-01-2001 في 04:10 PM]

alrewesh

24-01-2001, 02:55 PM

شكرا لك ياروح الليل على مشاركتك الجميله
وانت يا عشاق صح لسانك صراحه غطيت على قصيدتي بس ما عليه دامه انت كل شئ يهون

عشاق

24-01-2001, 05:15 PM

لو مافيه على وجه الأرض كلام كنت آنا اخترعته00
لو كان ما فيه بالحدائق ورد آنا زرعته00
لو كان ما فيه بالقلوب حب آنا ابتدعته00
لو كان ما بقلبج حب آنا عشقته00
لاجلك أنا عشّاق وطيفج سرى بي 00 أسري مع هاجوس ماحدن درى به

عشاق

05-04-2001, 06:50 AM

نعم لابد 00 وحشتيني
http://www.bluemountain.com/eng3gifs/kersten/val004/val004cp.gif