رهــــــيبه

[حبيبها]

هناك من سيعتب ..دفاعا عن الفصيح ..عليه رفع اصبع اتهامه في وجه شيطان الشعر.. فما انا الا متلق اعيته الكتابه!!


جت تقود دروبها لي ريح عود هل طيبه
واقبلت غيم تثاقل فيه للناظر مهابه

جت وانا رافع يديني اسال المولى يجيبه
واستحق الشكر ربي قبل هذا ويوم جابه

جت رهيبه واستهلت مثل ماجتني رهيبه
واستحلت واستظلت من رهابه في رهابه

اشرقت لي مثل شمس جات من اقصى مغيبه
لين دمع الشرق سال وهللت في صمت غابه

واكتسى هالكون صمت ماقطعه الا نحيبه
لحظة فيها تلاقت جرهديات وسحابه

مد وصل الغيم قاع ضامر ضامي قليبه
لين رويت مهمهات وحد الله من مشى به

هي حبيبه والليالي يوم جابتها حبيبه
عقب ماكانت بعيني يوم نحتها خرابه

الغريبه يالنشامى كون جيتها غريبه
في مذله في مهابه من غرابه في غرابه

=====================================

جرهديات : اراض قاحله
قليبه : القليب في نجد هو البئر
مهمات : يرمز بها للصحاري

[هند]

مبدع ..


تحياتي لك ..

[وليد اللحظه]

وانت كلك على بعضك رهيب ..
والأبداع عليك مو غريب ..

تسلم انامل افكارك الرائعة ويسلم قلمك الذي خطها...
تحياتي لك اخي حبيبها ..وانني في انتظار جديدك دائما ..

وليــــد اللحظة

[حبيبها]

اختي هند : تسلمين

وليد اللحظة :

ماعليك زود يالحبيب ..

وانتظارك للجديد شرف حملتني اعباؤه ..

تحياتي لكما..