مارأيكم بمستوى تحكيم الهلال^^الاهلي

[محامي الزعيم]

ماهو رأيكم لحكم مبارة الهلال والاهلي (((( عمــر المهنا )))
**&&^^
1- أخطائه واجده
2- كرت احمر لي المسعري غلط في غلط
3- بلنتي للهلال لم يحسبه خوفا من التوقيف
4- بلنتي الاهلي مو صحيح
5- كرت احمر لي اللاعب والله نسيت اسمه ( اللي اتهم الحكم المسعري انه طقه )
6- يعني بالعربي اذا لم يوقف فهاذي اكبر مهزله



للاسف لابد الاستعانه بحكام اجانب للمباريات الحساسه

السؤال اللحين هو يوقف اتحاد الكره المهنـــأ؟؟؟؟؟؟؟؟؟

[نايف1]

^1
المهنا وغيره من الحكام نجح رئيس النصر فى ارعابهم
وها نحن نرى نتائج ذلك عيانابيانا.

[خالدالفيصل]

اسمع انا قاعد اقرأ مواضيعك وحكمت عليك حكم لايق عليك مره وهو انك((شخص متحيز)) تحب الهلال لدرجة انك ****وش كرت احر للمسعري غلط في غلط من اي ناحية المسعري غلطان 100% والاحمد هلالي صح لو انك سمعت ناصر الاحمد بالاوربت قال بلسانه((حالةالطرد ماعليها غبار)) هذا رقم 1:) ..بلنتي للهلال لم يحسبه للتوقيف اي وحده هاذي اللي تقصدها يريت توضح هذا رقم 2:) بلنتي للأهلي غير صحيح ليه ما تشوف ذاك اللي كسره مدري من هو داخل عليه بوجهه مسوي نفسه يبي يقطعها وهو نصاب خاش بطوله على جسمه ولا قرب الكوره هذا رقم3:) اذا ما وقف اكبر مهزلة وش اكبر مهزلة الله يسلمك اذا هذا يبي له وقف اجل شلون معجب ****اللي حكم للهلال والنصر اسمع وواضح ان كلامك غلط في غلط عشان قاعد تقول اغلاط بس لصالح الهلال ما ذكرت وقلت ليه طرد السويد؟ صح ولا؟ يا محامي الزعيم اشوف انك تستقيل من المحاماه حقتك عشان ما في راسك عدل واذا سويت مشورتي بيكون هذا افضل قرار اتخذته طول حياتك وشكرا...وارجو انك ما تزعل بس الحق يقااال!!

[كوبرا]

خالد ****شف طرد المسعري

وخر الاعب الاهلاوي بيده لان الاهلالوي كان يعتدي

على المسعري طبعا الحكام لازم يحكمون كذا عشان يرضون

عبدالرحمن بن سعود عشان ما توقفهم الرئاسة...

[خالدالفيصل]

****كان يبي يعتذر لاعب الاهلي للمسعري بس المسعري قابله بالحقد ****والاخلاق اللي توعدنا الهلال عليها فهمت:)

[ماجد9]

هذه وجة نظر فقط لاغير.
1_ البلنتي الذي يطالب به الهلاليون هو ليس بلنتي وإنماخطأ على الخط .
2_ البلنتي بالنسبه للأهلي صحيح لا غبار عليه .
3_ طرد السويد صحيح .
4_ طرد المسعري عفوا لاأستطيع الحكم عليه .
ملاحظه : ياناس المباراة بين الأهلي والهلال فلم اقحام النصر ورئيس النصر فيها .
كلمة حق الرجاء من الأخوه الهلالين الإجابه عليها :
بعيدا عن الأخطاء في هذه المباراة هل الهلال يستحق الفوز أو على الأقل التعادل ؟
بالأمس في برنامج كل الرياضه تكلم الحكم الدولي السابق فودة عن مباراة النصر والهلال ووضح جميع الملابسات ومنها :


......هدف التسلل الواضح .........
......صوره مع التحيه للحكم الدولي (همس الليل).........


......مع تحياتي .......

[احلى من الاحلى]

ياجماعه انا اماراتي وشفت المباره....
وانا لا اشجع الهلال ولا الاهلي...
بس الكرت الاحمر لابراهيم السويد غير صحيح...
والكرت الاحمر للاعب الهلال بعد غير صحيح....
لانه كان احتكاك عادي بين الطرفين؟؟؟؟؟؟؟؟؟؟؟؟

[بىبىتو]

وآنه بعد كويتى وبصراحه الطردين غير صحيحين للاعبى الأهلى والهلال
بس اعتقد ان الأهلى استحق الفوز فى المباراة

وأعتقد أن الهلال ماله حظ فى بطولات الدورى المحلى حاليا
والمستوى متواضع ...

[محامي الزعيم]

أخ خالد الفيصل


أمـــــــا ارجنتيني يعتذر فا كثرلي منها
لوووووووووووووووووووووووووووول

[cobra]

المحامين يقولون أشياء مالها داعي.......
أصلا الفوز جا صدفه للأهلي ولا طول عمر الهلال هو الي يفوز.

[الميزان]

الحمد لله الي اصبح الهلاليون يشتكون من سوء التحكيم

كم تجرعت الانديه من التحكيم ولم يطلبو من احد المساعده اوابداء الراي0