الحبيب
03-02-2001, 11:56 AM
السلام عليكم
السيرة الذاتية
الأسم : الحبيب
عضو قديم في سوالف منقطع من زمان بس حنيت للحبايب
التخصص الدوري الاوربي والدوري الهندي بعد
العمر: عقب هزايم فريقي المتوالية صار عمري نص قرن
الفريق : النصر الإماراتي
ليش أشجعه : لأنه موتي وحياتي
منوه أكره: دبل كولا منوه غيره
منوه أحب : لا لا آسف ما أقدر اصرح
الفريق الخليجي لايوجد
الفريق العربي : الأهلي المصري
الفريق العالمي : ليفربول واليوفنتس وبرشلونه وبورتو وغلطة سراي وووو
المنتخب العالمي : فيه غيره؟
دايما أقرأ للكتاب بسوالف وبالأخص ل مون كات
star2020
سيد الملاعب
وصلاوي
Hardware
المحتار
فهرنهايت
سيد سنوكر
الغريب1
والكثير ممن لايحضرني اسمه
مسيرتي الرياضية : في البداية كنت أشوف دعايا في التلفزيون عن الكرة " في البحرين شو يسمونها؟ جنها طبماخيه " ماعلينا بعد الدعايا كان طموحي الكبير اني ماخلي حد يمسك الكور غيري لايشط فكركم بعيد بس كنت أتمنى أني ألقط الكور من ورا الحراس ومرت الأيام وكل يوم أحلم إني أصبح مشهور لين مايتني الفرصة ياني ربيعي قالي تعال عدنا مباراة اليوم بالفريج ويمكن يحضرها واحد مهم قلت له على طول ماعندي مشكلة بس انا مصاب خشمي يعورني شو اسوي قال ماعليك بحطلك عليه باندج "لفاف مال الاصابات" الاخو على باله اني اقوله عندي اصابة بالعضلة الضامة والا شيء بااال مب خشم ها ولا عضلة زهير بخيت "حبيب الشعب" المهم ماطول سرنا ويوم دخلنا الملعب بصراحة كنت زايغ أول مرة أدخل ملعب جذه "اللي يسمع الحين يقول داخل سان سيرو حشا مب ملعب فريج"
كله هذا في صوب واللي يالس هناك بوشنب في صوب بصراحة انا خفت على عمري الشنب مكشه وانا بصراحة أعق الطير من السما "قوية هاي" شوي والا اتنافض لا يابويه كله ولا هالسوالف شافني كابتن الفريق بكنباور "ماعليكم ترا الاسامي ببلاش" شافني اتنافض قالي بلاك جان أأشر له بخشمي المصاب " أشهد انه مب خشم هالكبر ولا خشم **** هالنجوم بس علشان المراقب بس مايشل الكلمة هع هع"
على فكرة تعرفون أكبر خشم في دوري الإمارات؟ ها هذا سؤال محرج اللي بيجاوبه بعطيه جايزة
المهم نرجع للسالفة قلت للكابتن هذا بوشنب منوه وشو يبا "بصراحة زايغ على عمري" قال هذا مدرب في نادي *** وهاي بعد علشان المراقب علشان مايقول نسوي مشاكل يوم قال لي جيه الكبتن قلت في بالي هاي فرصتك يالحبيب وهاليوم مابيتكرر عليك به
شوي قبل المباراة تدرون قبل لاشي لاقمصان ولاجواتي عزكم الله
بكندورة تراك ترفعها جذه وتيبها على خصرك وتربطها "تستوي الكندورة تنورة مال الأسكتلنديين" ربطنا الكندورة عدل علشان مب بكل هجمة تحصل الكندورة تنفج الربطه مالها مثل ربيعنا واحد من الشباب اسمه خميس الله يذكره بالخير هالخميس يلبس قحفيه ومايعقها لو شو مايستوي بس ياجماعه لعيب هالولد صعب انك تقطع الكرة عنه بالطرق المشروعة وماعندنا الا الطرق الغير مشروعة "افا سار فكركم بعيد" الطريقة الوحيدة علشان توقفه انه يوم يمر عنك عليك بالقحفيه تناولها من على راسه وصدقني خبر خير الحبيب يودر الكرة ويلحقك يبا قحفيته ماعلينا منه وايد طلعنا عن السوالف بنرد عليه عقب
يالسين نسخن هاها "اللي يسمع يقول منتخب موزمبيق" نتريا الحكم"الا سعود شمبيه هوه بوجسيم زمانه" وين الحكم مابين مايا شو الحل ياجماعه شو نسوي شو الصرفه قالوا ماشي غير بوشنب "هيه هيه هذاك اللي بالي بالكم" بحطه حكم وهو انسب واحد , خبروه الشباب وقال أوكي ماعندي خلاف دخل الملعب وطلع من جيبه " لا مب درهم" طلع قوم بوآنتين تعرفون شو هاي؟ الجيل اليديد مالحقتوا عليها جنكم" قال اللي بياخذ شو كان ياربي عليها اظني صورة شراع والا ميداف والله مااذكر نحن خذنا الملعب وهم خذوا الكرة وبدت المباراة لين الحين ماتعرفون انا وين العب صح؟ بخليها في قلوبكم ولابخبركم انا بديت المباراة وكل هدفي اني ألعب في النادي الفلاني "مانشستر يونايتد اونه" أركض منيه وأفتح سبرنت مناك "ولا بن جونسون زمانه" يتني الكرة ياسلاااااام هاي هيه والحين شو اسوي جدامي وايدين تلفت يمين يسار مافي حد الشباب كلهم مسكرين عليهم"يموع بوركبه وعبود واويه كوستاكورتا وكنفارو" توكلت على الله وأسحب لين وصلت خط الثمنطعش بعد مالفيت كم واحد والحين شو اسوي اشوت "المشكلة كابتن ماجد ماطلع على ايامنا والا كنا تعلمنا الضربة الملتفة والا الصاروخية خلوني بغصص بكم شوي " عندي احتمالين يااشوت يا اني العب باس يااني اكمل والف الحارس"صاروا ثلاث احتمالات وانا اكتب شدراني فوتوا" قلت ان شت الكرة مادري وين بتسير هينيه في ثلاث احتمالات يابيزخها الحارس يابتطلع اوت ياتضرب الدفاع"إحم ربيعي عدالي يقولي يمكن تدخل قول , انزين صاروا اربعه"
هذا لو شت الكرة اما لو لعبت باس شو بيصير؟ فيه ثلاث احتمالات يابينقطع الباس وبترجع هجمة مرتده علينا يابيكون تسلل "مع انه مافي حكم راية بس كله على راس بوشنب" ياانه بيوصل الباس وبتكون هجمة خطيرة وهنيه في احتمالات بعد هاها خلاص مابقول ادري لوعت بجبودكم
الشي الاخير مثل ماخبرتكم اني الف الأثنين اللي جدامي والحارس واسجل قول"بيكون مثل قول مارادونا على انجلترا بكاس العالم"
طبعا انا يومها كنا في وقت قبل مارادونا وكاس العالم
في لحظة خذت القرار
شو كان القرار؟
تابعونا في الحلقة القادمة
مع تحيات الحبيب
السيرة الذاتية
الأسم : الحبيب
عضو قديم في سوالف منقطع من زمان بس حنيت للحبايب
التخصص الدوري الاوربي والدوري الهندي بعد
العمر: عقب هزايم فريقي المتوالية صار عمري نص قرن
الفريق : النصر الإماراتي
ليش أشجعه : لأنه موتي وحياتي
منوه أكره: دبل كولا منوه غيره
منوه أحب : لا لا آسف ما أقدر اصرح
الفريق الخليجي لايوجد
الفريق العربي : الأهلي المصري
الفريق العالمي : ليفربول واليوفنتس وبرشلونه وبورتو وغلطة سراي وووو
المنتخب العالمي : فيه غيره؟
دايما أقرأ للكتاب بسوالف وبالأخص ل مون كات
star2020
سيد الملاعب
وصلاوي
Hardware
المحتار
فهرنهايت
سيد سنوكر
الغريب1
والكثير ممن لايحضرني اسمه
مسيرتي الرياضية : في البداية كنت أشوف دعايا في التلفزيون عن الكرة " في البحرين شو يسمونها؟ جنها طبماخيه " ماعلينا بعد الدعايا كان طموحي الكبير اني ماخلي حد يمسك الكور غيري لايشط فكركم بعيد بس كنت أتمنى أني ألقط الكور من ورا الحراس ومرت الأيام وكل يوم أحلم إني أصبح مشهور لين مايتني الفرصة ياني ربيعي قالي تعال عدنا مباراة اليوم بالفريج ويمكن يحضرها واحد مهم قلت له على طول ماعندي مشكلة بس انا مصاب خشمي يعورني شو اسوي قال ماعليك بحطلك عليه باندج "لفاف مال الاصابات" الاخو على باله اني اقوله عندي اصابة بالعضلة الضامة والا شيء بااال مب خشم ها ولا عضلة زهير بخيت "حبيب الشعب" المهم ماطول سرنا ويوم دخلنا الملعب بصراحة كنت زايغ أول مرة أدخل ملعب جذه "اللي يسمع الحين يقول داخل سان سيرو حشا مب ملعب فريج"
كله هذا في صوب واللي يالس هناك بوشنب في صوب بصراحة انا خفت على عمري الشنب مكشه وانا بصراحة أعق الطير من السما "قوية هاي" شوي والا اتنافض لا يابويه كله ولا هالسوالف شافني كابتن الفريق بكنباور "ماعليكم ترا الاسامي ببلاش" شافني اتنافض قالي بلاك جان أأشر له بخشمي المصاب " أشهد انه مب خشم هالكبر ولا خشم **** هالنجوم بس علشان المراقب بس مايشل الكلمة هع هع"
على فكرة تعرفون أكبر خشم في دوري الإمارات؟ ها هذا سؤال محرج اللي بيجاوبه بعطيه جايزة
المهم نرجع للسالفة قلت للكابتن هذا بوشنب منوه وشو يبا "بصراحة زايغ على عمري" قال هذا مدرب في نادي *** وهاي بعد علشان المراقب علشان مايقول نسوي مشاكل يوم قال لي جيه الكبتن قلت في بالي هاي فرصتك يالحبيب وهاليوم مابيتكرر عليك به
شوي قبل المباراة تدرون قبل لاشي لاقمصان ولاجواتي عزكم الله
بكندورة تراك ترفعها جذه وتيبها على خصرك وتربطها "تستوي الكندورة تنورة مال الأسكتلنديين" ربطنا الكندورة عدل علشان مب بكل هجمة تحصل الكندورة تنفج الربطه مالها مثل ربيعنا واحد من الشباب اسمه خميس الله يذكره بالخير هالخميس يلبس قحفيه ومايعقها لو شو مايستوي بس ياجماعه لعيب هالولد صعب انك تقطع الكرة عنه بالطرق المشروعة وماعندنا الا الطرق الغير مشروعة "افا سار فكركم بعيد" الطريقة الوحيدة علشان توقفه انه يوم يمر عنك عليك بالقحفيه تناولها من على راسه وصدقني خبر خير الحبيب يودر الكرة ويلحقك يبا قحفيته ماعلينا منه وايد طلعنا عن السوالف بنرد عليه عقب
يالسين نسخن هاها "اللي يسمع يقول منتخب موزمبيق" نتريا الحكم"الا سعود شمبيه هوه بوجسيم زمانه" وين الحكم مابين مايا شو الحل ياجماعه شو نسوي شو الصرفه قالوا ماشي غير بوشنب "هيه هيه هذاك اللي بالي بالكم" بحطه حكم وهو انسب واحد , خبروه الشباب وقال أوكي ماعندي خلاف دخل الملعب وطلع من جيبه " لا مب درهم" طلع قوم بوآنتين تعرفون شو هاي؟ الجيل اليديد مالحقتوا عليها جنكم" قال اللي بياخذ شو كان ياربي عليها اظني صورة شراع والا ميداف والله مااذكر نحن خذنا الملعب وهم خذوا الكرة وبدت المباراة لين الحين ماتعرفون انا وين العب صح؟ بخليها في قلوبكم ولابخبركم انا بديت المباراة وكل هدفي اني ألعب في النادي الفلاني "مانشستر يونايتد اونه" أركض منيه وأفتح سبرنت مناك "ولا بن جونسون زمانه" يتني الكرة ياسلاااااام هاي هيه والحين شو اسوي جدامي وايدين تلفت يمين يسار مافي حد الشباب كلهم مسكرين عليهم"يموع بوركبه وعبود واويه كوستاكورتا وكنفارو" توكلت على الله وأسحب لين وصلت خط الثمنطعش بعد مالفيت كم واحد والحين شو اسوي اشوت "المشكلة كابتن ماجد ماطلع على ايامنا والا كنا تعلمنا الضربة الملتفة والا الصاروخية خلوني بغصص بكم شوي " عندي احتمالين يااشوت يا اني العب باس يااني اكمل والف الحارس"صاروا ثلاث احتمالات وانا اكتب شدراني فوتوا" قلت ان شت الكرة مادري وين بتسير هينيه في ثلاث احتمالات يابيزخها الحارس يابتطلع اوت ياتضرب الدفاع"إحم ربيعي عدالي يقولي يمكن تدخل قول , انزين صاروا اربعه"
هذا لو شت الكرة اما لو لعبت باس شو بيصير؟ فيه ثلاث احتمالات يابينقطع الباس وبترجع هجمة مرتده علينا يابيكون تسلل "مع انه مافي حكم راية بس كله على راس بوشنب" ياانه بيوصل الباس وبتكون هجمة خطيرة وهنيه في احتمالات بعد هاها خلاص مابقول ادري لوعت بجبودكم
الشي الاخير مثل ماخبرتكم اني الف الأثنين اللي جدامي والحارس واسجل قول"بيكون مثل قول مارادونا على انجلترا بكاس العالم"
طبعا انا يومها كنا في وقت قبل مارادونا وكاس العالم
في لحظة خذت القرار
شو كان القرار؟
تابعونا في الحلقة القادمة
مع تحيات الحبيب