View Full Version : هلا بكم من البحرين
بياع القلوب
01-03-2001, 08:22 PM
ايه البحرين
انا احين هناك
قلت خليني اشوف وش الفرق بين الانترنت عندنا بالسعودية والبحرين
:)
عسى ما فاتني شي؟
تحياتي
نجمة المساء
01-03-2001, 10:49 PM
سلم علي اهل المنامه
سعودية
01-03-2001, 11:01 PM
الحمدلله على سلامتك مرتين ..
المرة الأولى .. يوم طلعت بالسلامة من المستشفى :)
المرة الثانية .. يوم وصلت للبحرين :)
تحياتي لك وأسفة للـتأخير :)
Huda76
01-03-2001, 11:53 PM
أخوي العزيز بياع القلوب
هلا بك والله في البحرين :) :)
والحمدلله على السلامة ..
تحياتي
بياع القلوب
02-03-2001, 04:37 PM
سلم على البحرين دار الكرام
----أهل الوفا والي على الطيب يمشون
في وصفها يعجز بليغ الكلام
----عن مجدها عن عزها وش يقولون
هلا نجمة
يوصل السلام :)
هلا سعودية
الله يسلمك من الشر
وتشلمي والله والله يسلم لك كل غالي
وين هالغيبات؟
هلا هدي
شخبارك؟
وفعلا الله يهنيكم بديرتكم :)
والله يسلمك
هنا البحرين ..
نحية عطرة .. أبعثها اليكم
من البحرين نور العين ..
أهلا بك أخي بياع القلوب في البحرين ..
نحياتي وأشواقي لكم جميعا ..
بياع القلوب
03-03-2001, 04:29 AM
هلا شمعة
وهلا بك انشاء الله
ماشاء الله ديرتكم رائعه فعلا
بس المشكله ان الانترنت نفس الشي بطيء :)
تحياتي
الفرزدق
03-03-2001, 04:36 AM
ما تعطينا وجه:)
ولا خلاص ،،،
بس أنا كنت مهتم شوي فيك ،،، وأكرر لك ،،،
ألف ألف صحة وعافية وحمداً لله على سلامتك ،،،،
_________
على فكرة من يعرف عن الانترنت عبر الأقمار الصناعية:)؟؟
بياع القلوب
03-03-2001, 04:45 AM
هلا اخوي الفرزدق
تسلم على السؤال
ويسلم وجهك والله بالعكس انا موجود دائما بس اليومين الي راحوا سافرت وبعدين المسنجر صاير مره مقصر معي ما يشتغل ابدا الا نادر
وانا اطمنك اني بخير وعافيه :)
والله يسلمك من الشر وشكرا من القلب على الاهتمام :)
تحياتي
الفرزدق
03-03-2001, 04:52 AM
والله مو قصة الماسنجر ،،، حتى أنا ماأخش إلا أحياناً ،،،
بس أحببنا اإطمئنان على صحتك ،،،والحمد لله على أنك بأتم صحة ،،،
ولا شكر أخي على واجب ،،، وترانا مقصرين في حقك ،،،
والله يوفقك أخوي:)،،، تحياتي لك ،،،
بياع القلوب
03-03-2001, 05:00 AM
هلا اخوي الفرزدق
صدقني مابه قصور :) وتسلم لي يالغالي :) ويكفي سوالك عني :)
تحياتي
مدردش متقاعد
03-03-2001, 05:02 AM
طلعت بأي نتيجة؟:)
وين أحسن؟ إنترنت الدمام و لا المنامة؟:)
الفرزدق
03-03-2001, 05:05 AM
أنا أتوقع انترنت الرياض:)
Huda76
03-03-2001, 05:07 AM
هلا أخوي مدردش متقاعد
أعتقد الأنترنت في البحرين أسرع :)
يا ويلي من بياع :)
بياع القلوب
03-03-2001, 05:13 AM
هلا مدردش
شخبارك؟
والا شقول لك ؟
ماكو فرق بصراحه
نفس الشي :)
تحياتي
هلا اخوي الفرزدق
ما قد جربت انترنت الرياض الى احين :)
على فكره اخوي الفرزدق ترا الانترنت عبر الاقمار الصناعيه موجوده بالديره بس يبغالك حوالي 8 ريال بس :)
تحياتي
هلا هدى
ايه هين اسرع :)
اصلا المسنجر ما اشتغل من هناك موليه :)وعلى بالي ان هناك بيكون اسرع حتى من انترنت لندن وامريكا :)
تحياتي
جرح السنين
03-03-2001, 05:13 AM
اهلا اخي بياع
ما فاتك شئ انشاء الله و هذا انت معانا
و لا تطول الغيبة
___________________________________________
&& جرح السنين && ( فتاة من القمر )
انا هنا في هذا الموقع تعال الى عالمي
http://www.moveed.8k.com/images/java/hhh/b6.gif
http://www.topgulf.net/userpages/Jar7-Alsnen.html
مدردش متقاعد
03-03-2001, 05:16 AM
المشكلة ثلج و برد... علشان كذا صوتي يقطع:)
ألوووو. تسمعوني؟!!
الفرزدق
03-03-2001, 05:17 AM
بس تعال ،،، شو اللي ثمان ريال ،،،
ممكن توضح أكثر:)
لايكون الساعة:(
الدكتور ريان
03-03-2001, 05:18 AM
تحية عطر مهداة الى البحرين وناسهم والى بياع (هو نفسه عطر )
مامعاكم خبر زين يارسول السلام ..لاتخيب ظنوني
باسلك عن البحرين كيف اهل المنامة عاد هم يذكروني
قلهم يامسافر..اني باليل ساهر ماظن الذي حابيتهم يذكروني لا ..حرام يتركوني
في السويداء لهم دار عامر بلاحاسيس بس ليه سيبوني ...باشتكيهم الا ..الله يبتليهم بغيري مثل ماهم بلوني ..
ياهلا ...فيك وباهل البحرين ...صراحة تمنيت اكون معاك لاني احب البحرين ..مع كثر ماسمع عن اهتمامهم بالتراث ومدنهم وطبيعة اهلها ..ونفسي ازورها ..استمتع بجوها ..حاول يابياع تزور كل مكان فيها وخصوصا البحر ...لاتنسى سلملي عليه
بياع القلوب
03-03-2001, 05:28 AM
هلا جرح السنين
شكرا لك :) وانشاء الله ماين مطول :)
تحياتي
هلا مدردش
وين انت بالاسكيمو يعني ؟ :)
تحياتي
او عفوا اخوي الفرودق قصدي 8 الآف ريال :)
عسى وضح الامر احين :)؟
هلا اخوي دكتور ريان
ماشاء الله عليك :)
تسلم يالغالي هذا من ذوقك :)
ولاتشيل هم ببلغ سلامك انشاء الله :)
تحياتي
الفرزدق
03-03-2001, 05:34 AM
ثمان آلاف حقة أشتراك ،،، ولا كيف ؟؟؟
لاتكون شهري بس:)
أنبئونا بعلم:)ترونا رايحين فيها مع الاتصالات المسوين زحمة:):)،،،
بياع القلوب
03-03-2001, 05:51 AM
هلا اخوي الفرزدق
حسب علمي انه مثل الدش له صحن وجهاز استقبال وهذا هو بمبلغ 8 الاف ريال
لكن كيفيه الاشتراك مدري عنه بسأل لك بكره وارد لك خبر
تحياتي
الفرزدق
03-03-2001, 05:55 AM
وإنه جهاز ديجيتال ،،، بس الظاهر فيه أشتراك شهري للانترنت ،،،
كما سمعت 200دولار ،،، بس ماني متأكد ،،،
لكن أذا حصلت على معلومة ،،، فأرسلها طيران:)
تحياتي لك ،،،