PDA

View Full Version : cooki قولي سوالفك اللي تخوف

ألأعرابي
04-04-2001, 01:04 AM
صراحه أنا عاجبني الموضوع و أبغي أسمع
بنت الغربي
04-04-2001, 02:30 PM
وانه بعد

يالله ياكوكي :)
عطرالندى
04-04-2001, 06:52 PM
مع اني مب عارفه السالفه

بس يله دام شي يخوف:)

:):):):):):):):):):)
ألأعرابي
05-04-2001, 12:10 AM
افا يا كوكي
تردين لي الطلب؟ :(
cooki
05-04-2001, 04:25 PM
حبابيي الغاليين.. عطر الندى , بنت الغربي و الاعرابي ..
انتوا تأمرون بس..
الاعرابي ..... لا والله مااردك بس انا مافتحت النت الاالحين..
ومن عيوني الثنتين....


كان يا مكان في قديم الزمان كان في بنت حلوه وايد وايد ...

سوري ...لا بجد الحين..


في مرة من المرات كنت قاعدة مع وحدة من عيايزنا .. وقاعدين نسولف مع بعض.. المهم عقبها طلعت الحوش اتمشى شوي وكان الوقت ليل..جان اشوف العيوز تتمشى في الجهه الثانيه من الحوش.. كلمتها ماردت علي.. والمشكلة ان العيوز ماتقدر توقف بروحها..
رجعت داخل .. جان اشوفهاراقدة في فراشها .. طلعت مره ثانية
لقيتها واقفة اطالعني في الحوش ...

السالفة جد مو غشمرة .. السالفة صايرة من خمس سنين تقريبا وللحين اتذكر نظرتها لي...

بسم الله الرحمن الرحيم .. صج تخرع ..
ها بنت الغربي... شرايج تزورينا وتقعدين مع العجوز شوي ..
وانا متأكدة انج بتشوف شي يطيب خاطرج.....

شرايكم حبايبي ..!!!!!!
بنت الغربي
05-04-2001, 04:32 PM
صج صج صج صج صج يابختج واللللللله من قلب يابختج :)

انه ولا مره شفت يني جدامي...بس اسمع اصوات :)

ابي اشوووووووووووووووووووووف :(

اقووووووول حبيبتي كوكي :) انشالله لين ييت قطر ابيج توديني بيت هالعيوز وتراويني اوكي؟ :):):)
cooki
05-04-2001, 04:51 PM
فالج طيب حبيبتي ... بس خل يستعيلون بهالجسر...
على فكرة الاغرب من العجوز سوالفها....عندها سوالف من اللي يحبها قلبج وقلبي...منها..
كانت تسولف لي عن حياتهم اول ..
تقول ..
انها عقب مايتعشون لا تخم البيت ولاتغسل امواعيين.. ولا تتعب روحها بشي.. كل اللي تسويه انها تخلي شويه اكل ( الفضله)
في صحن وتحطه على جنب .. والشباب الله يعطيهم العافيه اقومون بلازم ... حتى عيالها كانوا هم اللي يرقدونهم ويغنون لهم اذا صاحوا في الليل.. الحمد لله اني انا مو بنتها جان الحين..مربيتني جنيه....يمه.....!!
ألأعرابي
06-04-2001, 12:04 AM
خرعتينا الله يهديك :)
cooki
06-04-2001, 02:28 AM
الاعرابي..........
انت اللي جايبة لنفسك...انت فتحت الموضوع مرة ثانبة..
وبعدين... (الربع ) مايخرعون... فحالهم لا لهم ولاعليهم..
في نوعية من البشر اسوء من الجن بوايد... الله يكفينا شرهم....
ألأعرابي
06-04-2001, 04:29 PM
ما عندك زود من هالسوالف؟
cooki
06-04-2001, 04:58 PM
الخير كثير....
اسمع السالفة هاذي... بنت الغربي انتبهي للسالفة هاذي .. صارت في البحرين..


في مره من المرات كنت رايحه البحرين وقاعدة مع اختي في سكن البنات تبع الجامعة.. وكنت انا وياها بس الموجودين في الشقة اللي احنا فيها .. وقافلين علينا الباب ومشيكين على كل المنافذ .. ومتأكدين ان محد معانا....

المهم .... يوم صارت الساعة ثلاث تقريبا دخلنا نرقد .. وكنا بين وبين يعني مو نايمين ولا صاحين عدل ....

الا باب الغرفة ينفتح ... ودخلوا علينا ثنتين .. لابسين قمصان نوم ووحده فيهم تشبه فراشة السكن بس اصغر بوايد... قاموا يطالعونا.. ووحده تقول حق الثانية.. اششش ..خليهم الظاهر رقدوا...
.....وصكوا الباب وظهروا.. انا واختي صادتنا حاله تشنج وماقدرنا نتحرك الاعقب طلعت الشمس .. والله وحدة العالم شلون كانت حالتنا... ومتأكدين..ان اللي شفناهم مو من اللي في السكن
وبعد مو هلوسه...لأن احنا الثنتين شفنا وسمعنا نفس الشئ...
ومن عقبها ما طبيت البحرين لليوم ...
بنت الغربي
06-04-2001, 05:08 PM
الحيييين هم ياااو ليييين عندكم وماتقومييين تسولفييين ولا تقعديين معاهم!!! والله انج خوااافه!!

من باجر انه في السكن مال الجامعه :)
cooki
06-04-2001, 07:11 PM
بنت الغربي .. الحين انتي من صجج.. تبين تشوفينهم ولا وتسولفين معاهم بعد...
على فكرة ...وجودهم يسبب للانس نوع من القشعريرة وتحسين الموقف مو طبيعي.. وغصب عنج اتحنطين مو بس تتيبسين في مكانج... وبعدين لا تمين تقولين جذيه ... ترى صج بيونج.. وانتي اللي طالبتهم..

روحي حق المطاوعة ... بتشوفين اللي ما ينشاف.. وتحملي اتخافيين.. ترى يدشون فيج ( اسمله عليج وعلى السامعين)...
ألأعرابي
06-04-2001, 11:54 PM
أعطينا مما عطاك
زيدي أنا مستمتع بالسوالف اذا مافي كلافه يعني
بعدين أنا متأكد أن اللي شفتيه بشر
cooki
07-04-2001, 12:59 AM
الاعرابي ... هلا والله...وينك انت ...
بعدين ايش اللي يخليك متأكد ان اللي شفتهم بشر مو جن ...
فسر ها لي لو سمحت..
لعلمك ...انا انسانه عمليه ومنطقية لأقصى درجة.. مو كل شي اصدقه... بس احيانا..في ظواهر غير طبيعية.. تعطل العقل ومافي غير ان احنا انتقبلها.. كم هي ,, ولله في خلقة شؤن..!!!

وبعدين انت تأمر ..مو تطلب بس...



ولك هاذي السالفه....انا اعرف وحدة من اهلنا..كنت اسمع ان لابسها جن.. وكنت دايما.. اتطنز واخذ الموضوع بستهزاء وسخريه ..
ومو مصدقتها كلش.. كنت اعتقد انها تتعير وتبي اللي حواليها يهتمون فيها شوي..
وفي مره من المرات كان عندناعشى... وهي من ضمن المعازيم .. ولسوء حظي كنت اتعشى وياها في صينيه وحده.. ومعانا مجموعة من الاهل.. وماوعينا الا ..بلاخت .. قامت تلعب بالعيش.. وتنثره على الحريم.. وعقب شات الصينية وقامت تلحقني بها..مادري ليش..!!!
وفعلا شكلها تغير 180 درجه وبذات عيونها..وتتكلم بصوت مختلف
صوت ياهل صغير...
المهم يودوها الحريم وقاموا يقرون عليها ليمن هدت ونامت.. وعقب فترة عرفت ان اللي ساكنها جني صغير (يقولون)..
وانها درت اني مو مصدقتها فزعلت وجاتها الحاله..واللي فيها كان محتر علي...

بصراحه.. من عقب السالفه هاذي... قمت انظر للأمور هاذي نظره ثانيه.. والله انهم مساكين.. ومبتليين ..عسى الله يكفينا ويشافيهم... السالفة هاذي صارت لي من 8 سنوات..
ألأعرابي
07-04-2001, 09:47 PM
والله ومستمتع أنا
لو أنا منك كان طقيتها
حزة الحزه ما أعرف أحد بعد
:)
توتة
08-04-2001, 12:16 AM
يوم كنت في الثانوية ...

كانت زميلتي اللي تجلس عدالي مستلبسه ( الله يعافيكم)

و كانت تخبرني باللي تعانيه ... :(

و مرة من المرات ... انتفخ بطنها(مو بالعادة.. هي ضعيفة)
حتى ملابسها كادت
أن تتشقق ... :(

قلت لها : مالك ؟
قالت : هذا اللي فيني نافخ بطني ... :(
قلت : اقري عليه
قالت : من الصبح و انا و امي نقرى عليه بدون فايده ....:(

و البطن كل ما يجيه ينتفخ و ينتفخ ......

و بعدين قامت تصرخ ... و الله ستر انها الفسحة ... يعني
نص البنات برع الصف .... :(:(:(

و طاحت عالأرض ... و تصرخ بصوت عالي .....

و احنا نتطالع ... مو عارفين شو نسوي ... :(

و بعدين لما لفت وجهها صوبنا ... لقيناها وحدة ثانية

يممممممممممممممممه

كانت عيونها خضرا و شعرها صار احمر ووجهها صار حلو و
ما يشبه وجها القبلي موليه :(:(:(

ما تشوفين غير رجلنا تيبيب ... ركضنا ركضة ( العمر يا شامان)
كانت مأساه فعلا .....

بنات الصف الثاني سمعوا الصريخ....

و جو الصف .. لقوها بروحها تصارخ

كسرت خاطرهم ... وودوها عند النيرس اللي في المدرسة


و اثناء ما ودوها ( على كرسي بو عجلات ) ... كانت تصارخ

شافوها بنات صفنا اللي ما شافوها في الصف ( كانت فسحة)

قالوا : " وحليلها مين هذي ؟؟؟؟؟"

قلت لهم : " فلانة "

و تموا البنات يصرخون بحيل .....

و اللي ماكانت مصدقة بالجن صدقت بعد ما شفنا بعينا
هالحادثة الشنيعة .....

لما ودوا البنت عند النيرس ... رجع وجهها الطبيعي ...
و قامت النيرس تصارخ من قمة راسها :(


و كل اللي في المدرسة ... حتى المدرسات ... عرفوا حالة
البنت .. و المصيبه انها ما غابت اليوم الثاني ....

فتمينا نتطالعها و نحاول نبلع السالفة .....

عسى الله يعينها

و يعين من ابتلى بهالشي ......





توتوة :( و تحياتي لكوكي و الأعرابي و اللي شارك
cooki
08-04-2001, 01:59 AM
اي والله وانتي الصاجه.. الله يكون في عون كل المبتليين..
لما كنت في الثانوي كانت اللي جنبي تعاني من اعراض مشابهه للي قلتيه..

كانت دايما تطيح على الارض وتتشنج .. وتظهر رغوه من فمها .. ويتغير شكلها وايد...

كنت اعتقد ان فيها جني او شي جذيه..كانت تكسر خاطري وايد ..
بس كنت اخاف اسألها عن اللي فيها وهي كانت تنحرج من الموضوع وتغيب وايد..
وللأسف في اجازة الصيف ذيك السنه .. سمعت انها توفت ( رحمه الله عليها رحمه واسعه ) واكتشفت انها كانت مريضة بالصرع ..

لاحول ولا قوة الا بالله العلي العظيم...
توتة
08-04-2001, 12:26 PM
:(

و تأكدت من هذا بشهادة نصف بنات صفي ..... :(

ما تتخيلين ....!

تخيلي سحر رامي يستوي وجهها وجه ليلى علوي ......!!!!


:(

كان الفرق شنيع ....:(:(


يالله تعافيها و تعافي المؤمنين .....


توتوة :(

خبريني بعد عن سوالفج ... بنفتحها ديوانية رعب :)
ألأعرابي
08-04-2001, 05:17 PM
يا جماعه معقوله الحاله منتشره بهذه الكثره شدعوه
cooki
08-04-2001, 11:10 PM
توتة الحلوة...الله يسمع منج.. ويعافينا اجمعين..


الاعرابي ... انا في اعتقادي الشخصي... انا الواحد اذا حط شي في باله يصير صج ويتحقق.. وبذات في المواضيع اللي تتعلق بأمور الغيبيات وعالم الجن والروحانيات.. (اللي يخاف من البعبع يطلع له).. وهذي الامور منتشره في مجتمعات معينه واشخاص معينين..يعتقدون بهاذي الامور اعتقاد مطلق..
انا مره وانا في الجامعة .. سويت بحث في هذا الموضوع .. وبصراحه كان بحث رائع وكسر الدنيا ... بس الدكتور الله ايسامحه
ماقدر جهدي..وقال لي : اجري اجري .. اعملي لك حاجه تانيه فيها فايدة...( مع ويهه صج ما عنده ذوق)....


المهم ..
السوالف اللي صارت معاي شخصيا خلصت .. بس اذا تحبون باقول لكم عن السوالف اللي اسمعها من اشخاص اعرفهم...
اذا موافقين ردوا علي...ok
McGWIRE
08-04-2001, 11:22 PM
الله يسامحك يا كوكي
خرعتيني ما راح انام
ها الليله
ألأعرابي
08-04-2001, 11:27 PM
أوكي!
cooki
08-04-2001, 11:49 PM
ماك واير...عادي .. عادي عقب فتره بتصير عندك مناعه..
الاعرابي ...ياواد ياشجيع ... تعجبني..


اسمعوا السالفه هاذي....
مره وحده من جماعتنا كانت راقدة في الليل.. وعندها بيبي صغير نايم جنبها..عاد تقول انها اسمعت صياح ياهل في الصاله.. ويوم طلعت جان تشوف ولدها الصغير يحبي وما عليه الا حفاظه.. ولدها كان عمره.. أقل من شهر...
ونفس البيبي كانت امه دايما تقول انها تشوف فراشه يشب نار واليهال فيه..بس سبحان الله مايصيده شي...



والى اللقاء في الجزء الثاني...
اسمحوا لي .. عندي شغل لازم اخلصه وبعدين بارجع وباكمل لكم ...
(اذا الله عطاني عمر)..... باي يا عسسسسسسسسسسسسسسسسسسسسل
عمروبن كلثوم
09-04-2001, 08:40 AM
^1

بعد ألأذن من ألأخ : ألأعرابي صاحب الموضوع ؟!

أبخش عرض كذا لقافه واللي براسها شي تهاوشني راس براس , مو تجيب ربيعاتها معاها !! !!

ألأخت cooki : العجوز اللي شفتيها تمشي بالحوش وبعدين لقيتيها راقده بفراشها ؟! عادي وشفيها ؟! ماتخرع ؟!
يمكن العجوز تمثل دورين http://www.swalif.net/sforum/images/icons/icon10.gif
حلوه ذي خففي ياكوكي خففي:) !!

** أما سالفة الجنيه اللي تنظف الصحون !! وتربي عيال العجوز ؟! وشفيها ذي بعد ؟ ليش مستغربه ؟!
عادي مافيها شي يمكن سيلانيتهم http://www.swalif.net/sforum/images/icons/icon10.gif
عادي ماتدرين في بسرلنكا جنون ؟! روحي لأي مكتب أستقدام وجيبلك أحسن جنيه بسرلنكا بـ400 ريال ؟! كل المسأله فيزه وكفيل ؟!
الله يهديك بس ذي كبيره شوي :)

** ياكوكي دخلن عليكي بالسكن جنيتين ؟! وبس أنتي وأختك ؟!
عادي يدرسن بالجامعه ويبن ينقلن المحاضره :) وش فيها ذي ؟!
ألا على فكره وش تخصصهن :) هع هع
على بلاطه من يصدق هالسالفه http://www.swalif.net/sforum/images/icons/icon10.gifهع هع

** UP UP تلحقك ياكوكي وتبي تظربك بالصحن الدوار ‍‍‍‍!!
ذي جنيها طفل أعذريه أعذريه ياكوكي توه صغير ؟!
والمسكين متأثر بغرانديزر http://www.swalif.net/sforum/images/icons/icon10.gif
ليش ماشغلتوا له البلايستيشن وأفتكيتوا من شره :)
أعوذ بالله ؟‍! للهدرجه يعني حنا مانفهم !! مااقول الا الله يهديك ياكوكي :)؟!

** ألأخت توته : ( عارف انك مروعبه وتقولين هالمجنون شيبي يقول هع هع :))

توته : أنتفخ بطنها وكادت ملابسها تتشقق !! هذا كله من أفرازات الغزو الفكري الغربي ؟!
ربيعتك ياتوته متأثره بالرجل ألأخضر ديفد ‍!! http://www.swalif.net/sforum/images/icons/icon10.gif
أو يمكن جاها الطلق أدخل على الله ؟!
لا وألأمر من هذا كله يبنا نصدق سوالفهن ؟!
والله الجو بارد عندكم:) ؟!

لا وتغير شكلها وصارت حلوه مثل ليلى علوي ‍!! !! !! !!
لا ياتوته بس أنا سمعت روايه أخرى تقول : حدثنا حماد الراويه فقال : حدثني أبو عبيده فقال : بينما كنا جلوس في داري أنا وخلف ألأحمر أذ أتانا ألأصمعي , فقلنا هات ماعندك ياأصمعي ,
فقال : كنت قبل قليل جالس عند أبو رشيد ( هارون الرشيد بس خبركم ألأصمعي يتفشخر عليهم !! يعني أمون عليه :) )
فستأذن ابو نواس بالدخول فأذن أبو رشيد له !! فقال له ابو رشيد : أنبأني وأخبرني بالامر الذي قد أرسلتك في طلبه ؟! فألتفت ألي ابو نواس , ففهم الرشيد مايعنيه ( يبي يصرف ألأصمعي بس الاصمعي لزقه !!) , فقال أبو رشيد ياابا نواس ماعندك غير خواتك :)( شكل الاصمعي زودها ؟!)

فقال ابو نواس : أن ربيعت توته أنقلبت باسكال مشعلاني http://www.swalif.net/sforum/images/icons/icon10.gif!!

تابع الرد كالعاده السيرفر ماتحمل ؟؟؟؟؟؟؟؟
عمروبن كلثوم
09-04-2001, 08:41 AM
وخبركم ترى الروايه ذي مي أكيده ؟! فيها حماد الراويه ويوصف بالكذب وقيل أنه أخترع سالفة المعلقات لما شاف الناس زافته ومهي معطيته وجه :)!!
وخلف قيل عنه كذاب وابو نواس ماجن عربيد لايؤخذ برأيه !! والله مالمسكين ألا ألأصمعي الضايع بين خلف وحماد !!
وانا الضايع بين توته وكوكي :(?!هع هع

وماشاالله علينا انا وياه كلنا نتفشخر شكل الاصمعي مثلي خواله لبنانيين ?! ليش لا كل شي جايز ؟!

** ياسلام شوفوا كوكي بعد رد توته جابت سالفه على نفس الوزن والقافيه :) واضحه ياشباب ويابنات , درعن فينا ليش ساحة تفحيط حنا ?! أحترمن عقولنا ؟!

ولا أقول ألا كما قال الشاعر :

تصلخون وصلخكم كبار الهوادي *** تقطعون الراس وأنتم ما تجونه ?!
الهوادي = الحجاره الكبيره ?!

http://www.swalif.net/sforum/images/icons/icon10.gif هع هع

هاه وش رايكن أستاهل الضرب ولا لا ؟

والله امزح ووالله ووالله :( قصدي المزح وونسكم ؟!
حرام عليكم كل ماقلت شي هزأتوني :(
الرومانسيه وبنت الغربي , والظاهر انتن بعد :(

والله مااكررها ثاني مره :(

خلاص مو انا تمصخرت كل ماامر بموضوع الا في واحد يهزأني :( كاني واقف على جسر المشاه والرايح والجاي يضربني على مقفاي :(

حرام عليكم انا يتيم :( هيء هيء هيء :(

والله والله مااعودها ولا اكررها بس لااحد يقولي شيء :(

عادي الشتايم على البريد مو مثل ماسوى ذاك بالقسم الرياضي :( يوم سوى موضوع كامل يشتمني فيه :( واااااع هيء هيء :(
بس اشوى المراقب حذفه بسرعه :)

** أخيرن متى ماضايقكن الموضوع انا راح امسحه بنفس الوقت ,
والقصد منه المزح لا أكثر .

انا بروح اللحين للكليه وراجع الساعه 12 ,,,, بااااااي هع هع

بس لااحد يقولي شي كلش ولا التهزيء انا حساس هع هع :)

ولكم باك على قولة خوالي :)

هعععععععععععععععععععععععععع

القائد ألأعلى للمهعهعين في مركز الكون ومجرة درب التبانه وحارة خوالي وعلى المقيمين خارجها مراعاة فروق التوقيت ؟!

بويك جايك بس لما رجع من الكليه ,

على فكره أعجبتني سالفة ( العمر ياشامان ) :) هعععععععع


هعععععععععععععععععععععععععععععع

هععععععععععععععععععععععععععععع
توتة
09-04-2001, 11:54 AM
داخل تستعرض توقيعك الجديد يا واكل الثوم .... !
هذا مو توقيع .. هذي نكتة جديدة ...

هعععععععع
هععععععععععع
هععععععععععععععععععععععععععع :):):)

أجل احنا فاتحين ساحة تفحيط ....
ما عليه يا واكل الثوم .... !

بسلط عليك لعنة توت عنخ آمون .........
بتتسبب لك بظهور فقاقيع حمراء مصدية في وجهك .... هععععععع


يوم انت ما شفت جنانوة ===> احنا شو ذنبنا ؟؟؟

موت من القهر يا واكل الثوم .. هععععععععععع

لأنك ما شفت عفاريت ... و لا مستلبسين ... و لا شفت شي من
ما وراء الطبيعة .....

حرة ... حرة .... حرة ....

حرهههههععععععع



توتوة :)
cooki
09-04-2001, 03:26 PM
عمرو ... يا عمرو.. حبيب البي..
انت اكيد مو مصدق هالسواف ولا تطمن روحك علشان تنام الليل..!!!!!!!


اعترف بس .. وبعدين اشحقه تنام واليت والع.. وباب غرفتك مفتوح على مصراعيه... على ماما يا بابا...


على العموم.... انت ماينخاف عليك..!!!
ينخاف منك..!!













.... و ياشين اللقافه...
ألأعرابي
09-04-2001, 05:37 PM
بعد ما في سوالف زود؟
و طلبوا العلم و لو كان عند كوكي :)
cooki
09-04-2001, 08:19 PM
عمرو .... ياعمرو...
انت الحين من صدقك مو مصدق الموضوع ... ولا تطمئن روحك علشان تقدر تنام الليل....
بعدين في سؤال وجيه يفرض نفسه....
انا سمعت انك تنام والليت والع.. وتخلي باب غرفتك شوي مفتوح.... ممكن اعرف ايش..... عى ماما يا بابا....
وبعدين....
انت ما ينخاف عليك.... ينخاف منك....






المهم.......











ياشين اللقافة....
cooki
09-04-2001, 08:26 PM
الاعرابي..... (ولو كان من كوكي)...!!!!!!!!
شتقصد....؟؟؟؟؟؟؟؟







عمرو الحره خلتني اعيد الرد مرتين.. وبعدين التكرار يفيد...

( من غير زعل)...اخبرك coooooooooooooooooool
]
ألأعرابي
09-04-2001, 09:07 PM
يعني علمينا زود من قصصك اللي تعرفين
بنت الغربي
10-04-2001, 05:15 PM
ابي اشووووووف :(:(
ألأعرابي
10-04-2001, 07:50 PM
تبين أتشوفينهم؟
روحاي راس البر نس الليل أهما بروحهم بيراحبون بك على طريقتهم :)
بنت الغربي
10-04-2001, 09:49 PM
المشكله رحت والله رحت هناك وبتنه بعد بس ماشفت شي :(
وحتى الجسره رحت الي يقولون متروسه وبعد ماشفت شي :(:(
عمروبن كلثوم
12-04-2001, 12:21 PM
^1

مي مشكله ياتوته بطاط امي موجود :) ؟!

هع هع هعععععععععععععععع

تقولين ياكوكي انت وتوته انا ماشفت جنون هع هع هزلت ؟!

انا ابو الجنون هععععععععععععععععععععععع

كوكي انت ماتدرين ؟! بس توته تعرف ؟!

اني مخاوي جنيه ؟! اسمها شيطونه وادلعها شوشو ؟!

وانها بنت ملك الجن بيبو ؟!

ابليس بس انا ادلعه ؟!

هذا طبعا بعد ماناسبته ؟! وتزوجت بنته شوشو ؟!

بعد قصة حب عظيمه ؟! وجبنا ولد ؟! واسمه مومي ؟!

على العموم وحده تتكلم برسلها افراد العائله الكريمه ؟! وعلى فكره ياكوكي ترى مومي يحب لعب البلاستيشن ؟! وانت ياتوته شوشو تشبه ليلى علوي هع:)

يعني اسكتن افضل ؟! احسن ماارسل لكم جنوني يجننونكم من قلب ؟! مو بالسوالف والضحك ؟! انا مااعرف جنون هع هزلت ؟!

وعلى فكره انا ماازعل صدري وسيع coooooooooooooooold تكتب كذا صح او غشيتها من كوكي غلط ؟!

هعععععععععععععععععععععععععععععععععع
توتة
13-04-2001, 10:36 AM
شو هالخريط المجمع ,,,,,
يا مثبت القلوب .....


هع عليك :)



توتوة :)
cooki
13-04-2001, 08:19 PM
اسمحي لي توتة...
باستعير منج الكنية الجديدة ل الحبيب ...
واكل ثوم... خخخخخخخ... والله حلوه..


الحين يا الطيب .. تهددنا بنسباك... يبه احنا قدها... ارجوك طرشهم لي ... علشان انسوي رباطيه عليك.. والله لعفسهم واردهم لك .. وذيك الساعه.. بتصدق ان كلامي مو شلخ وخرابيط...



وبعدين مين اللي كاتب coooooooooooooooooooooooooooooooool غلط ... اكيد مو انا.. اشفيك معاك بكالوريوس ادب انجليزي..



.. على فكرة ..



سالفه الاخت اللي كان فيها الصرع.. رحمه الله عليها... صحيحه.. ةانا ذكرتها لأنها مشابهه لقصه توته ... فهمت ولا اعيد ..
مو انت اذا ماكل ثوم ... الله يعين بس...
محبوب
14-04-2001, 09:29 AM
ابي قصهههههههههه تخرع وبعدين بقولكم سر لمن تقولون القصه يالا يا كوكي
توتة
22-04-2001, 04:31 AM
يالله خبرونا سوالف تزيغ ......

بارك الله فيكم :)


توتوّة :):(
cooki
22-04-2001, 02:51 PM
هلا والله ... انتو للحين فاتحين الموضوع.. انا ظنيت انا انتهى..
انا من فتره قريت موضوع عن الجن في جريده اسرارالناس وكانوا حاطين معاه صوره يقولون لنوع من الشياطين كتن ودي اسمع رايكم فيها بس الصوره مو راضيه تطلع معي .. سوت لي عقده... بحاول الحين مره ثانيه علشان خاطركم ....للاسف مافي فايده...‍‍‍‍‍‍‍‍
محبوب
22-04-2001, 05:39 PM
ابي قصه تخرع كووووكييي






<B>محبوووووووب</B>
توتة
22-04-2001, 05:42 PM
أحب سوالف الجن

و لو عندج صورة خير و بركة ....

حاولي فيها ... يارب تطلع ...


:)
توتوة
بنت الغربي
22-04-2001, 05:58 PM
اي كوكي الله خليج حطي صورته... :)
cooki
22-04-2001, 11:32 PM
والله .. حاولت فوق العشر مرات بس علشان خاطركم بعد بحاول ....

واذا مو راضيه تطلع معاي ... والله لااجيب مهندس كمبيوتر ...


يطلعها غصبن عنها..

افااا والله انتوا تامرون بس....!!!!!!!
توتة
24-04-2001, 12:58 AM
نسخيها بالسكانر ... و خلي الباقي علي ....


توتوّة