View Full Version : خطاب عاجل من جرح السنين........اعتذار لتوتة الحلوة على الملا
شبوحة
18-04-2001, 12:30 PM
السلام عليكم..اسفة لانقطاعى عن المنتدى نظرا لظروف خاصة واللى رجعنى للمنتدى هى المشكلة الحاصلة بين حبيبات عمرى وروحى جرح السنين وتوتة
على هاى الوصلة نص الخطاب من جرح ارسلتة لية فية اعتذار لتوتة وتوضيح الامر
http://www.swalif.net/sforum/showthread.php?threadid=88342
الا هل ابلغت اللهم فاشهد
عمروبن كلثوم
18-04-2001, 12:55 PM
^1
والله نتمنى زوال ظروفك ورجوعك بأسرع وقت للمنتدى :)
اما الاعتذار ؟! وانا مالي شغل بالسالفه لكن ابي اقط وجهي مثل العاده:)هع
واقول ان توته معروف عنها التسامح , وكل اللي بالمنتدى يعرفون هالشي ..؟!
حتى انهم يسمونها صاحبة الكرش الكبير :) هع هع
والله جرح السنين طلعت رقيقه ؟! اخر ماكنت اتوقعه ؟!
ورسالتها تقطع القلب ؟! والله ماعرف شالي صار بينكم ؟! وعلى العموم انا دايم ماني فيها ولا اعرف وش السالفه ؟!
لكن دموع الندم تمسح الخطايا ..........أو على الاقل ارجو ذلك ؟
على العموم هن صديقات ومالهن غير بعض :)
ومصير المي ترجع وين ترجع والله ماني عارف المهم ترجع ؟!
وانشاالله مايفرق بينكم شي , وسحابة الصيف بتروح :)
يالله عاد ياتوته ترى جرح حبوبه وماتستاهل :)
يالله ياصاحبة الكرش الكبير !!
هذا اللي حبيت اقوله ؟!
متمنين ان ماحد يظربني بالطماط ؟!:)
هع هع هع هع هع هع هع هع هع هع هع هع
وردة بلادي
18-04-2001, 03:32 PM
الله يديم المحبة بينكم على طول
نتمنى العودة سريعا الى المنتدى
شاهيناز
18-04-2001, 05:03 PM
شبوحه الحمدالله على السلامه لك وحشه....
توته .... الكل يعرف عنها انها بنت خلوقه ولا تغلط على احد...الله يهدي الاخوات ان شاء الله لاني دئما اقرئ ردود توته على جرح السنين ....يكون من افضل الرود ولا يحمل الا كل حب...لااعرف سبب المشكله لكن دئما هذا حال الاصدقاء.. واحد يغلط والثاني يسامح وتوته متسامحه ان شاء الله....الله يهدي الجميع....
كيف ممكن انزع جزء من روحي ...
و الله ما اقدر ...
مكانتكم في قلبي كبيرة
أكبر من أني اوفيها بسطور أو كلمات بسيطة
يمكن ما توفي او تصف حبي لكم ...
فروحة :
و الله اني توني واعية من النوم ... و السبب سهري البارحة
... و لولا دموعي ارهقتني قبل مانام كان ما نمت ... والله
انج عزيزة وغالية ... و مع انج ظلمتيني لكن كان عادي
عندي اني استمر في ايضاح المسألة من حبي و غلاج في قلبي
... و لا تتخيلين ان الأخت ممكن تزعل من اختها ... أو الروح
تفارق روحها ... و الله حتى لو ما اعتذرتي .. تراني مسامحتنج
من قلبي.. اللي بينا اكبر من انه يتهدم في ثانية .. و الكلام
يشيله الهوا ... هذا كلام قلتيه في لحظة غضب .. و الانسان في
هاللحظة يخونه لسانه و تعبيره ...
و الله مسموحة يا فروحة ... اقولها من قلبي لأغلى الناس
لأعز خواتي فرحرح .. و لا تلومين نفسج فيّه .. تراني
راضية والله راضية .. و ما في قلبي ذرة زعل عليج والله
الشاهد ...
انتي تعرفين سعة صدري وعاطفيتي و انا اعرف طيبة قلبج
و حساسيتج الزايدة ... يعني اوراقنا مكشوفة لبعض ونعرف
عمارنا عدل .. فكيف ممكن الومج او تلوميني ؟
و يقول الشاعر :
يعتب عليك اللي يحبك ..... و لي ما يحبك ما يحاتيك
و هذا اللي استوى من المحبة و المعزة اللي بينا ...
و اللي بتستمر بعون الله .. انا اختج و انتي اختي
و اعزج و تعزيني ... و فوق هذا :
((( انا وانتي و شبوحة روح وحدة )))
والله عزيزة و غالية يا فروحة ...
و اعتبري اللي استوى ملح الصداقة
و كل شي حاصل بين الصديقات ...
و يمكن الحين بعد اللي استوى تأكدنا انا فعلا نحب بعض اكثر
و اكثر و اكثر من قبل ...
و زادت المعزة و تضاعفت ..
صافي يا لبن .... حليب يا قشطة :) < على قولة هريدي >
أبغي اشوف فروحة اللي تبتسم ..
و لا ودي شي يكدرج او يحزنج :(:)
شبوحة :
======
الدال عالخير أجره على الله سبحانة ...
جزاج الله الف خير حبيبتي ... و اللي سويتيه مب غريب
على اخت و صديقة غالية مثلك ... عسى الله لا يحرمنا من
شبحبح توأم الروح :)
ما تتصورين فرحتي بسعيج الجميل للصلح بينا ... و انج
نعم الاخت و الصديقة ... مثل ما عودتينا...
و بعدين شو هالغيبة كلها ... :(
يالله ترانا والله تولهنا عليج حبيبتي :)
و عسى الله لا يحرمني منج انتي و فروحة و الرومنسية ....
تحياتي القلبية :
توتة
الرومنسيه
19-04-2001, 01:45 AM
توأم الروح
فعلا يوم اخترتج توأم الروح ما كنت غلطانه
الله يدون المحبه بينكم ولايدخل الزعل ابد :):)
----
توته بنت خالتي :(
شو السالفه انا صايره مثل الاطرش بالزفه
عارفه ملقوفه بتقولين بس شاسوي طبع الله يفكنى منه يالعرب
:):)
----
جرح السنين معى اني ما اعرف شو السالفه
بس الى اعرفه توته عدل اعرف طيبت قلبها
واعرف ان الزعل مو من طبعا
حتى لو وقتها اخذت بخاطرها بدقايق يصفى
لان قلبها اصفى من الماي
حبيبت قلبه توته ماتزعل من احد اعرفها زين
الاني عاشرتها وجه بوجه وشفت خفت دمها وعرفت من تكون توته
هذا جزء من اوصافها ولو اكتب فيها عشرات الصفحات ما اوفي
او اوصل لطيبت قلبها اوجمال روحها
بعدين نسيتو اننا شعنونات مانحب الزعل والزعل ماله طريق علينا:)
بسم الله الرحمن الرحيم
ابدا ابدى
لايوجد خلاف ولايوجد زعل او شئ من هذا القبيل
اختلاف وجهة النظر للطرفين لا يفسد للود قضية
فاختنا جرح السنين واختنا توتة
لا اعتقد انهم زعلانين او شئ من هذا
هم اكبر من هالاشياء
والله يكمل عليهم فرحتهم
وما اعتقد انهم بيقولون كلام غير اللي قلته
والا ايش رايك يا جرح و توتة وانا جدكم
وتحياتي
الله لا يحرمني منكم كلكم ...
و خاصة عيوني الرومنسية ....
جزاكم الله الف خير
و يعجز لساني عن التعبير ....
أخجلتوني والله :(:)
توتوّة