اطرف موقف ... حصل!!!!!

[cooki]

مرحبا يالاحبايب... شلونكم عساكم بخير.....
بما ان القسم يمر بفترة كساد موسمي شرايكم تشرفوني بمشاركتكم بهالموضوع.... المطلوب انكم تكتبون اطرف موقف صار معاكم... .. وخلونا انفرفش شوي....
راح ابتدي بنفسي....

في مره من المرات كنت في الجامعه ... وميته من الجوع ومن
سوء حظي كنت مفلسه.. والجيب يصفر .. المهم .. وانا ماره
صوب الكفتيريا جان المح شنطة اختي وكتبها على طاوله من الطاولات
رحت وقعدت انطرها .. وما جات.. وانا الجوع قارصني..


... المهم ....

قلت اختي ماراح تزعل اذا فتحت شنطتها وشريت بفلوسها..
المهم... توكلت على الله وطلبت لي بيتزا وصحن جبس و فيمتو وتبوله .. وعقبها حليت بكنافه وقفلت بكوب نسكافه ..



وعقب ماتوتبت.. وماعادت اريوي تقدر تشيلني.. الا بوحده جايه صوبي .....


شلت شنطتها وراحت.........!!!!!!!!


اطلعت مو اختي ولا حتى اعرفها...........!!!!!!!!!!!!!!!!!

[زيزو]

^1
أنا والله مره رحت البقاله ودخل معي واحد مجنون اشترى ماء وبعدين طلع من البقاله وقف بمكان وتفصخ وقاعد يتروش يرمي عليه مويه ويضحك وأنا ميت ضحك :):):):):)

[بنت الغربي]

كووكي واااااايييه علييج!! ههههههههههههههههههههههههههههه

بس بسألج انتي خذتي فلوس من شنطتها ولا لا؟؟ :)

[moon cat]

كنت مره رايح ألحلاق مضايق شويه !! وقلت للحلاق ألهندي حسن أللحيه على ألعموم وهو يحلق حاط قناه sony ألهنديه عمليه أطلاق قمر صناعى هندى ألصنع ميه ألميه أف ألهنود وصلو لمرحله أطلاق أقمار صناعيه !!! وألحلاق ألى يحلق لي تافخ صدره وايد وأنا جول فى نفسى (( بل وصلوا قوم ألبراته وألكيما ألمواصيل يطلقون أقمار وصواريخ !!!)) عموما وهو يحلق لي ألهنود نفس ألامريكان كمبيوترات وترقب !!! وألقلب يخفق بشده وعلى ألهواء مباشره وبدأ أللحضه ألمنتظره
(( دو ! أيك ! جا ! )) عد عكسى للأرقام بلهندى !!! :) وقبل مايوصل ألعد ألى خمسه أشوف خزان من ألخزانات شب قبل مايقلع ألصاروخ!!!!! هاهاهاهاها ونقطع ألارسال وحطولي مباراه كريكيت ودعايات ونا ميت من ألضحك ومن كثره ما أضحك شويه شعر دخل حلجى !!يلله من ذاك أليوم :) أسميه ظريف بشكل جبت ألصاروخ يامون كات !!!!! هاهاهاهاها :) تقبلو تحياتى وأنتمى يعجبكم ألموقف عمليه أطلاق فاشله لقمر صناعى هندى من عند ألحلاق!!!!!!!! mooncat

[squall]

وانا مواقفي لاتعد ولاتجصى :)
بقولكم واحد منها :)
مره كنت بالسوق مع الوالده الا والتفت عليها ومعاي غرض وأقول(وش رايك بهذا اللبس؟) الا مشت..
رحت وراها وقلت:وش فيك تطنشين؟انت بتشترين ولا لا؟
سوت نفس الحركه قلت بنفسي وش فيها الوالده اليوم ماهي طبيعيه؟
وقعدت وراها وراها...
وفي الاخير ماطلعت أمي وأكلت من الحرمه ذيك التهزيئه الله لايوريكم :) :) :)

[جاسم]

موقفك يا كوكي لا يحسد عليه
بس عسى رجعتي الفلوس

زبزو
المجانين ليس عليهم حرج

مون كات
مساكين تخربت عليهم فرحة اطلاق الصاروخ

اما انت يا سكوال
كنت في موقف لا تحسد عليه
الحمدلله انها ما ردت عليك او قالت شئ

موقفي او مواقفي

اقول لكم بعدين

[cooki]

بنت الغربي .. اقول لج توتبت... يعني .. شريت لي غداء وحليت وتقهويت بفلوس البنت... ولا مرتزه وقاعده احذا شنطتها...



بس ثاني يوم اعتذرت لها ورجعت الفلوس..

والله كانت بنت حلال بس... ماتت من الضحك يوم درت بالسالفه... وانا كان ودي الارض تنشق وتبلعني.... بس لاحول ولا قوه...

[بنت الغربي]

ههههههههههههههههههههههههههههههههههههههههههههههههههههههههههههههههههههههه

والللله ذبحتيني من الضحك ههههههههههههههههههههههههه
مسكييينه..والله فشيله من قلللللب :)

[تعبان]

بصراحة مواقفكم حلللللللللللللوة مرررررررررررة
وخصوصًا مو قف cooki و squall
انا ما اقول ان باقي المواقف مو حلوة بس هذيلا احلى شىء
اانا ما اتذكر اكثر مو قف محرج مر بي بس ان شاء الله اذا اتذكرتو بخبركم



التوقيع :( (((( انا من اتعبتني الدنيا ولم اجد لها دواء ))))

[عطرالندى]

cooki:
أهلين كوكي والله موقف لا تحسدين عليه:)

زيزو:
مسكين والله هالمينون وانت بعد ميت من الضحك
وااااااي ما أتصور هالموقف:)


moon cat:
أهلين وسهلين بعتوي الليل:)
ولا الهنادوه والفضاء ةالصواريخ والأقمار
الصناعيه شي عجيب صراحه:)

سكوال:
صج موقف لا تحسد عليه:)


وها قد حانت الساعه:)ساعه الفضيحه:):)

المهم يا جماعه انا أطرف موقف حصل لي إلي
انا متذكرته ألحين والمنسي أعظم وأعظم:)

وإليكم القصه:
من سنين يعني يوم كنت صغيره خمس ست سنوات
كنت انا والعايله الكريمه:)طبعا كريمه:):)
مجتمعين انطالع التلفزيون وفي مشهد من المشاهد
(فلم مادري مسلسل)المهم إلي حصل في المشهد ان الممثل
كان دمه يسيل وإلا اتلاقوني يا أهل الخير أفزع وأجيب
كلينكس وأمسح التلفزيون إلا ألاقي العايله الكريمه ميته
من الضحك وانا طبعا مادري شالسالفه وباقه العين فيهم
وأقول لهم شنو؟؟ليش تضحكون؟؟



وبعد أفكر في مواقف ثانيه وأقول لكم:)

[cooki]

مرحبا للجميع.....
عطر الندى ...
ايه عليج والله انج حنينه( حنونه) من قلب...بس الموقف يذبح من الضحك...!!!!!!!!!!!!!!!!!!!!



شدعوة يعني الباقين حياتهم كلها ميلودرما... وين المواقف ...........يالله خلونا نضحك عليكم( قصدي معاكم)!!!!!!!!!