View Full Version : مطارحه بين ماكسيما 200 او كامري 99
Ferrari^_^love
13-05-2001, 04:00 PM
شاهدت مره مطارحه بين كامري غراندي 99 وماكسيما 2000 وقد رأيت انه الكامري تطوف الماكسيما ...وقد تعجبت من هذه المطارحه مع العلم انه الماكسيما سياره ذات محرك قوي ..مع العلم انه السيارتين غير معدلتين
فايبر
13-05-2001, 04:05 PM
يا فيراري أنت شفت كامري 99 بس أنا شفت كورولا 2000
تتطلع على المكسيما
الصراحه أنا أقول بأن الحسد و المدح الكثير للماكسيما هو
الي يخلي السياره كذا
Ferrari^_^love
13-05-2001, 08:13 PM
والله أو انت الصاج يا أخوي فايبر ...الصراحه من كثر ما مدحو الماكسيما او قالوا مكينتها قويه ...عطوها عين الصراحه اللي كورولا طافتها
LM.SS
13-05-2001, 08:30 PM
من الشي الغريب ان الكامري تطوف المكسما:)
Ferrari^_^love
13-05-2001, 08:48 PM
والله هذا اللي انا ما كنت اتوقعه يا اخوي لومينا اس اس لانه من المعروف انه الماكسيما قويه بس الكامري اللي كانت تتطارح مع اللومينا كانت 6 سلندر
bmw740il
13-05-2001, 10:15 PM
والله اعتقد انها معجزه ان الكامري تطوف المكسيما
ولا وبعد الكورولا تطوفها
انا قبل فتره منزل مطارحه بين بريميرا وايكو ولا حد صدق وجاني كلام ماله داعي انه يقال لي انا بس حبيت اعرف مونزلت الموضوع على اساس شي
ممكن المكسيما ماكان يسابق
احتمال واحد من الإثنين
يا إما المكسيما جير اوتوماتيك والكامري جير عادي
يا إما صاحب المكسيما .... لك عليه شوي :)
أبو نايف
14-05-2001, 01:34 AM
لك عليه... وايد وايد..... يا E55 .....:)
المميز
14-05-2001, 06:32 PM
^1
مهوب لان معي ماكسيما لكن الماكسيما مكينتها افضل من الكامري وعزمها خيالي....ماشاء الله....لكن مستحيل اصدق انها تطوف على قير عايدي......صدق والا لاتصدق ان الماكسيما طافت على gs300
جايب لي كامري......
*****ملاحظة*****كل ما جيت عند اشارة ولقيت جنبي كامري وشاف
الماكسيما لف يمين......!!!!
Ferrari^_^love
14-05-2001, 07:28 PM
والله هذا اللي شفته ...صدقتوا ولا ما صدقتوا ...انا مو قاعد اطيح من سمعه الماكسيما بالعكس الماكسيما من السيارات المحببه لي بس هذا اللي صار
أبو نايف
14-05-2001, 08:35 PM
أنه كل شيء ممكن..
حتى ممكن هايلوكس غمارتين يقوم على فيراري اذا كان صاحب الفيراري...
سبيكه...يعني غشيم..:)
....وما نقدر نعتبر هذه مقاومه
لان الموضوع محسوم بالتجربه الميدانيه وكذالك بالمعلومات التقنيه الخاصه بتسارع أي سياره .
وسمعة الماكسيما أكبر من أنها تطيح بسبب سواق سبيكه..:)
ولك تحيه.
Ferrari^_^love
14-05-2001, 08:45 PM
كلامك عدل يا أخوي بو نايف يمكن السايق غشيم ...لانه القومات يبيله سايق خبير ...مو أي واحد أيقوم حتى انا ما صدقت انه الماكسيما اتطوفها الكامري لانه من المعروف انه محرك الماكسيما الاقوى في فئتها