View Full Version : الكامري GLi أم الماكسيما j30 أم الهوندا LXi أم اللومينا LS
كابريس
06-06-2001, 01:16 PM
الإختبارات انتهت الحمد لله بس ودي نصيحتكم الله لايهينكم
قبل ما أشتري السيارة :)
أبو غازي
06-06-2001, 01:23 PM
أنا أنصحك بالكامري
لأن اللومينا الله يعينك على البنزين ..
والماكسيما يا تاخذ فل كامل .. وإلا لا تاخذ
والهوندا ما آفهم فيها ..
لكن إذا تبغى من ناحية جمال الشكل :):)
فأنا أشوف اللومينا :):):)
أجمل وحدة ..:)
كابريس
06-06-2001, 01:45 PM
ليه الماكسيما ايش فيها
بعدين سمعت انه الكامري تعبانه بسبب التجميع الاسترالي فهل هذا صحيح؟
وأنا أميل إلى اللومينا أكثر فإيش رأيكم
انا اشوف الهوندا لاني اقول حتى لو حبيت تحط زوايد ولا تعدل بعدين او اي شي من اشياء الزينة فالهندا هيا احسن وحدة تتعدل
و واضح انك بتشتري شي سعره معقول بس كمان الواحد في يوم نفسه يعدل السيارة و ما راح تلقى في اي يوم اي تعديل مماثل للهوندا
و انت ما حددت بس الظاهر واضح ان قصدك ACCORD صح?
كابريس
06-06-2001, 02:33 PM
نعم أقصد الأكورد
لكن زوائد مثل ماذا؟؟
وبعدين أنا شفت ناس مركبين ديكور خشبي على المسجل والمكيف
فكم قيمته؟؟؟والأجزاء الباقية كم سعرها؟؟(( الديكور الخشبي ))
وشكراً
انا ما شفت الخشبي و ما شفت للاكورد كثير بس شفت للسيفيك بدل الخشب شي احلا ( انا شفت كروم) و سعرة 300 ريال
و قصدي زوايد مثل هذي :)
http://spoilers.com/images/autos2/ACCORD377f.jpg
http://spoilers.com/images/autos2/ACCORD377r.jpg
http://spoilers.com/images/autos2/ACCORD475f.jpg
http://spoilers.com/images/autos2/accord381r.jpg
او انك تركب شبك امامي مثل هذا
http://spoilers.com/images/ACCESS/accord475eb.jpg
الكامري للتحمل ( ماراح تلقى أحسن منها إمش بدون ما تسخن السيارة و إكل مطبات و إنت مطمئن و قطع غيار بسعر التراب )
الماكسيما للسرعة ( بس ما أنصح أحد فيها )
الأكورد ممتازة ولها مميزات خاصة ( بس العيب في قطع الغيار (( نار )) و الصيانة في الوكيل عندنا زفت ( حتى ما عندهم كمبيوتر يدخلون البيانات فيها )
اللومينا ................................................. ؟؟
كابريس
06-06-2001, 03:00 PM
والله حيرتوني :)
وأما بالنسبة للزوائد فشكلها بشع للغاية :(
ومشكورين
كابريس
06-06-2001, 03:05 PM
شوفوا هذي الصور وهل هي موجودة عند الوكيل أم لا؟؟
ديكور خشبي للدركسون
http://www.handa-accessories.com/accwgstw01.jpg
وديكور خشبي مثل هذا
http://www.handa-accessories.com/accwgap01.jpg
علامات ذهبية
http://www.handa-accessories.com/accgld01.jpg
http://www.handa-accessories.com/accsedanwing01.jpg
وكل هذا تجدونه هنا
http://www.handa-accessories.com/accext01.html
وهنا
http://www.handa-accessories.com/accint01.html
MAX GV30
06-06-2001, 03:29 PM
إذا تبغي نصيحتي فلا تاخذ إلا
MAX GV30
كابريس
06-06-2001, 04:04 PM
بس قالوا لي انها ورقة
يعني أقل صدمة أوديها التشليح صحيح؟؟؟
صحيح هي ورقه لكن فيها امتصاص للصدمات غير طبيعي
كابريس
06-06-2001, 09:18 PM
على كل أنتظر رأي الباقين وأنا سأستخير انشاء الله ثم أقرر
pajero
07-06-2001, 08:11 AM
سيارة لك وللزمن : هوندا اكورد
اذا ناوي تبيع بعد فتره : تويوتا كامري
اذا تبي سيارة للسرعة والقومات : نيسان ماكسيما
اللومينا SS والا لاتاخذ
كابريس
07-06-2001, 11:33 AM
هوندا اكورد LXi جير اتوماتيك بـ 60.000 ريال
كامري GLi جير اتوماتيك بـ 65.400 ريال
لومينا LS جنوط معدنية بـ 66.000 ريال
ماكسيما 30j ماأدري كم؟
وعلى فكرة ايش رأيكم في الكورولا فل ابتشن ؟؟؟
سعرها 55.400 ريال
أفا الى الأن ما شتريت سيارة؟؟؟؟؟؟
أنا بسألك سؤال وياليت تجاوبني بصراحة ، أي وحدة من هذي السيارة تجذبك أو أنت ترتاح لها أكثر من غيرها؟؟
كابريس
07-06-2001, 11:04 PM
أنا أرتاح أكثر للأكورد :) من جميع النواحي ماعدا الشكل الخارجي بعد ما جربت قيادتها مع أحد أقربائي
بو مروان
08-06-2001, 02:31 AM
بصراحة انصحك بالكابرس الجديدة ممتازة وحلوة
كابريس
08-06-2001, 12:03 PM
هي حلوة وفخمة لكن غالية
كابرس LS بـ 75.000 !!!
وثمانية سليندر!!
اسمحلي أغير اللومينا LS باللومينا S
الحين برتبهم لك وهذا إختياري الشخصي
ماكسيما 30J (أعتقد إنها أرخص وحدة أو مقاربة للأكورد)
لومينا S (سعرها تقريباً 65 ألف درهم)
هوندا أكورد LXi
تويوتا كامري GLi
M.A.M
08-06-2001, 03:53 PM
شف ياخوي انا ابعطيك رأيي :
1-الاكورد (اذا كنت تبغى سيارة حلوة وتتحمل وحلوة من داخل واذا كنت ماتهتم بالسرعة)وعيبها قطع الغيار غالية شوي
2-الكامري (اذا كنت تبغى سيارة حلوة وتتحمل بس الشكل الداخلي لك عليه شوي ) عيبها انها استرالية والباب حقها اذا فتحته يبغا له عزم علشان تفتحه:)
3-ا للوميناS (وهذي حلوة ووسيعة ومريحة وشكلها من جوا حلو بس بالتحمل مافيه مقارنة مع الياباني ) عيبها انها استرالية وفيه كلام كثير عليها ماندري وش صحته
4-الماكسيما 30J (وهذي حلوة وسريعة وتتحمل لكن الشكل الداخلي بايخ تقول انك راكب وانيت:) ومثل ماقالوا لك الشباب يا 30GV ولا بلاش واذا كنت بتحط ال 30 GV في المقارنة فانا ابعطيها المركز الاول) وعيبها الارتجاجات الداخلية البسيطة واعتقد هذي قلت في الموديلات الجديدة
والله يوفقك ويعطيك خير السيارة اللي بتشتريها ويكفيك شرها
الليزر
08-06-2001, 05:04 PM
خذ كامري وانت مغمض
سيارة لك وللزمن
لو تمشي فيها مليون كيلو صدقني ماراح تتأثر
كابريس
09-06-2001, 01:15 AM
طيب
وايش قلتو على الكورولا؟؟
هل عزمها ضعيف فعلاً؟؟
^1
بعد التحية للجميع ،،
شوف يالحبيب ..... اذا فعلاً ناوي تشتري سياره فأسمع كلامي :
1- من ناحية الشكل الخارجي والداخلي انا أشوف انك تستشير ذوقك الخاص ...
2- من ناحية الأداء .... ماكسيما أو لومينا ، والمكسيما أفضل .
3- تبغا تبيع بعد كم سنه ،،،، أكورد أو كامري ..... والكامري أحسن .
4- من ناحية الخدمه الطويله وقلة الأعطال ،،،، أنا الحقيقه مجرب الأكورد ، وما أدري عن الباقين ،، لكن انا أقول الأكورد .
5- يهمك الدفع الخلفي ..... لومينا .
6- سعراً ، المكسيما نسبةً الى المحرك .
7- سياره تحمل جميع هذي المواصفات ......... مــــســـتــــــحــــيــــل .
8- اذا ودك بنصيحتي خذ لك أوميغا V6 أقل نوع بـ 58.000 فقط !!!!
تحياتي ،،
كابريس
10-06-2001, 02:49 PM
أبشركم نزلت وشفت الماكسيما أمس في المعرض
والله رهيبة
بس لوكانت راسية وماكانت ورقة لكانت أول سيارة آخذها
لكن صرفت النظر عنها
مسيطر
10-06-2001, 03:03 PM
اول شي مساء الخير,,
بصراحه المكسيما سياره مايحتاج,,
لكن زي ماقالوا الشباب يا فل يابلاش:)
وبعدين اول مره اشوف وحد يشبه سياره بورقه!!
على العموم إذا تبي نصيحتي,,
أسمع كلام أبو عبد الله M5,,
____________________
ALBARQ FORD2002
12-06-2001, 09:52 PM
أخي كابرس ان كنت ناوي تتورط وتشتري سيارة جديدة فرأي أن تأخذ
كراون فكتوريا (ستاندر) سعرها معقول وقطعها أرخص من الهوندا
وقوية في فئتها محرك 8 سلندربقوة 265 حصان عند5250
دورة/دقيقة وسعة المحرك 4.6 وسعرها حاليا 74500 ريال
وأسأل الله العظيم أن تتوفق في شراء السيارة المناسبة ومبروك
مقدما ويعطيك الله خيرها ويكفيك شرها . والمعذرة على الاطالة
وشكرا للجميع .
كابريس
13-06-2001, 01:35 AM
مشكورين شباب
على فكرة ايش رأيكم في المستعمل؟؟
واحد قريبي قال لي ممكن تحصل لكزس 98-99 ES300 بسعر حوالي 65.000 ريال