واصفات الرجل السعودي.اشهب الهب وعلى الحبلين يلعب ومافيه شي ي

[مستر]

انتسان فيه احد من الشباب فيذا يطلع تراه حتسي حريم وش تبون به
.
.
.
زين ظهرووو كلهم اجل اسمعو ابقولكم على نصايح لين طرى عليتس وانهبلتي وجيتي بتعرسين فلا يفوتس ذا الحتسي

1- عند رجلتس لاتنقدين على الثانيات وتحشين فيهم تراه يستصغرس ويقول ايه يالكامله ويقعد يتلقط عيوبتس
2-خلي كلشن في يده بس بشرط بعض الامور اللي تهمتس لا حتى مايقول وشذي ماتعرف تسوي شين ابد
3-لاتغارين بقوه تراه عاد يحس انتس ماتوثقين فيه ثمن يصير يخبي عنتس كلش
4-ياوخيتي ترى مايمنع انتس تجاملينه في بعض الاشياء حتى لو انها ماجازت لتس بس الرجال مثل البزر يحب المدح
هماه حتسي وش وراتس
5-لاتقعدين قبلتس فيه هذا خطأ مهوب تسذا تراه يتضايق من كثر انتقاداتس له ولو تجي حرمتن اخرى تمدحه طار في العجه وقال هاذي فاهمتني..قلت لتس مثل البزر
6-اقول انتبهي ترى الحياة بعد الزواج مهيب دلع مثل الخطوبه لاتصدقين ثمن تنصدمين وترى حتسيهم ايام الخطوبه زبده لين طلعت عليه شمس العرس ساح احذري لاتقولين وش بلاه
7-اختاري الحتسي المناسب في الوقت المناسب والا لاتلومينه لين لحقتس الزبيريه
8-خليتس قبلتس متسنعه ولابسه ومرتبه وديرمتس لاتطيح من ثمتس والله الله بدهن العود وجددي في شكلتس يومن اصبغي شعرتس اخضر ويومن بنفسجي ويومن حطي روج كحلي المهم بربسي قبل في عمرتس وخلاقينتس


ثمن عاد شوفي انتسانه قدر هاللي تسوينه وقال يا
ححبني لتس وياملحتس والا بالشلووووووووت ولايردس الا بيت اهلتس وش تبين بواحدن مايعرف قيمتس

اتمنى ياوخيتي تنفعتس هالنصايح وتجوز لتس ولا تصدقين تروحين لبيت اهلتس تصبري الشكوى على الله كوده يتعدل

[جاسم]

مواصفات للمقبلين على الزواج للبنات

احفظن ثم طبقن وعلى الله التوفيق

[بندق]

اقول مستر

لهجتك صعبه وايد

كل تستس

تس

لا زم اخر شي في المؤنث تس

[ابوموسى]

اقول بندق

هذي الله يسلمك لغه عصفوريه علشان حنا الشباب ما نفهما

بس ما عليه ترى كل الكلام فاهمينه وبعدين كل الكلام

اللي قلتي ما صار معي ولله الحمد ( اجل انا لُقطه ) لووووووووول