View Full Version : خاص الـــى / جاسم .......وبحرينيه ..........وبنت الغربي ..@
بندول
17-06-2001, 07:04 PM
السلام عليكم أهل البحرين الحبيبه
من المتوقع في يوم الأربعاء الموافق 3/6/1422 هـ
الموافق لـ 27/6/2001م..... أي في شهر june الحالي
من المتوقع أن أقوم بزيارة وللأول مرة في عمري الى البحرين
الحبيبه منفردا ولمدة ثلاث أيام
فأرجو منكم المساعدة على تسهيل هذه الرحلة وجعلها
ممتعه وذلك بارشادي لأفضل الأماكن للزيارة والاقامه
وذلك بكتابتها هنا أو على الايميل .....شاكرا ومقدرا
esamx@hotmail.com
عبودي 1
17-06-2001, 07:08 PM
شووووووووووف حبيب قلبي
الرحلة لشخص واحد وللسياحة ما تنفع
خذ معك على الأقل 2 عشان تصيرون ثلاثة
ولا تزيدون عن خمسة :)
**********************
بعدين شعندك في البحرين ؟ ;)
في السعودية مناطق سياحية جميلة جداً :)
تحياتي لك عزيزي وبالتوفيق :)
وعليكم السلام ورحمة الله وبركاته
يا هلا ومرحبا
البحرين ترحب بضيوفها الكرام
انا ما ادري انت الأماكن التي تبغي تزورها لكن بإذن الله بعطيك موجز عن كل شئ
خرجت من المطار
طبعا بتأجر سيارة او تاخذ تكسي وطبعا تبغي فندق او شقة مفروشه تروح شارع المعارض به كل انواع الفنادق وجميع درجاتها تطلع من وسط المنامة بتشوف فنادق افخم كمالمريديان والخليج والشيرتوان والريجنسي تره جميعهم بالمنامة مو بعيد او بالجفير المنطقة الجديدة بها فنادق جديدة
الزيارات الأثرية
متحف البحرين الوطني بالمنامة بالقرب من جسر الشيخ حمد
مدافن عالي بعالي
الصناعات الحرفية بالجسرة
قلعة عراد بعردا قلعة الرفاع بالرفاع قلعة البرتغال بالمنامة
محمية العرين بجنوب البحرين
شجرة الحياة بالصخير
لا تظن انهم ان كل منطقة بعيدة عن الثانية يمكن ابعد منطقة نصف ساعة
المجمعات ورؤية الشعب البحريني
يوم الأربعاء والخميس والجمعة مجمع البحرين ومجمع العالي ومجمع السيف بمنطقة المنامة وجميعهم بالقرب من الآخر سترى المواطنين من الطفل حتى الشايب وسترى اخواننا الخليجيين يعني بتكون بديرتك لأن النصف سيكون سعوديين
وشارع المعارض ايضا في تلك الأيام لن ترى سوى الكويتين والسعوديين والقطريين
وهذه اشهر المجمعات
ويوجد مجمع العلوي بسترة بالقرب من الرفاع وبه سنمات الماسة
ومجمع سار بسار ومجمع جواد بالبديع
ان شاء الله ما نسيت شئ
واذا تبغي اي شئ آخر انا حاضر
وتحياتي
وتمنياتي لك بقضاء أحلى الأوقات بربوع البحرين
بنت الغربي
18-06-2001, 12:17 PM
حياك الله في بلدك الثاني البحرين :)
وماظنتي اني اقدر اساعدك كثر جاسم...لكن بسوي الي اقدر عليه :)
Ba7rainia
18-06-2001, 05:09 PM
طبعا ما في داعي اقول حياك الله .. ولا ولا من هالكلام لانها ديرتك ومكانه دش واطلع متى ما تبغي .....
واذا تبي تسأل عن شي معين احنا حاضرين
وعاى فكرة اذا لك خاطر تقابل الامير عطني خبر :)
بندول
18-06-2001, 06:46 PM
شكرا على برنامجك السيا حي بس ناقص شيء مهم
ماقلتلي تفضل على بيتك ...
افا عليك حياك الله
والديرة ديرتك
وكلنا عرب
وتحياتي لك