حوار بين حبيبين بس شي تحفه ........

[الرومنسيه]

الحوار بين محمد وحبيبته هند ...

م- تأخرت ؟

هـ- بس لك يومين تدور أعذار

م- انا مشغول ، ما يكفي هالعذر؟ المكتب ماخذ وقتي كله

هـ- عساهم يبون يرقونك بس

م- الله يسمع منك

هـ- شكل شغلك يبي يصير ضرتي

م- ابدا ، يبي يصير افضل وسيلة للعيش الكريم

هـ- الكريم ؟! طيب ..الله كريم ..!!!..

م- شلون امك ؟

هـ- تسلم على أمك

م- من جد شلونها الحين ؟

هـ- احسن ، شلون أمك انت ؟

م- مبسوطة منك ، تمدحك دايم ، بس تقول عصلا .... !!! ..

هـ- وش بعد ؟

م- ابد ، وتقول مهيب حياوية ...!

هـ- مهيب حياوية ؟ والله مهيب سهلة ، وش قالت بعد ؟

م- تقول شاههيهم حالي ، وعصيرهم كله موية ، وعودهم مهوب اصلي ...!!

هـ- والله من القشر ، انا خايفة من أمك

م- لا تخافين تراها طيبة وعلى نياتها ..

هـ- واضح .. قللي بس ، متى الملكة ؟

م- متى ما قرر أبوي

هـ- هو اللي يبي يعرس والا انت ؟

م- انا المعرس وهو الشركة الراعية ..!!.. .. قراره هو اللي ماشي ، هو ملك البيت

هـ- حشا ، لاين كنج

م- لا تطنزين بأبوي

هـ- انا امدحه ، ابوي دايم اسمية الليث الأبيض

م- صادقة امي ، والله تنقطين حيا

هـ- وعسل بعد بس فكنا .. خلصنا يله ، مليت تراي ولك مهلة شهر والا بأدور غيرك

م- ما تقدرين ، من وين تبين تلقين واحد أرقامة متوازنة ، طول ووزن وراتب ؟

هـ- ولا يهون خشمك

م- عن الغلط

هـ- لا تمدح روحك

م- أبوك شكله ما هضمني ، يطالعني بنظرة ذات مغزى

هـ- انا اقول لك مغزاها .. مغزاها انه مقهور منك ، ماخذها بارده مبرده ، يوم نقلوني قبل اسبوعين للرياض من عقلة الصقور اللي مش عالخريطة بعد دوام سنتين ، جيت حضرتك وكنك موقت بالدقيقة ، وينك فيه قبل سنتين ؟؟؟؟؟

م- كنت أكون نفسي ، وانقطع نفسي وانا اكون نفسي ..

هـ- مهركم كم يابو الشباب ؟

م- أشوف دخلنا بيزنس ؟

هـ- لا بزنس ولا حاجة ، هذا التعاطي مع معطيات الواقع بشكل عملي .

م- مدري كم ، لاين كينج هو اللي يقرر ، وتعتمد كثير على تقلبات الإقتصاد العالمي ، وعلى كم عطينا مهر لأخوي اللي أكبر مني .

هـ- شف عاد ، والله ثم والله ، اذا اكتشفت انكم معطين مرة أخوك أكثر مني لأخلي عاليها سافلها

م- فيك رومانسية مفرطة ، انتي عاطفية بشكل صعب التصديق .

هـ- فلسفتك هذي موسمية والا مستديمة ؟

م- فلسفتي وجعانه ويبي لها علاج ، مصابة بحمى المتصدع ...

[mr.m]

هاهاها حلوة

[سموحة]

هاهاها

إذا كانو قبل الزواج كذا عجل بعد الزواج كيف بيكونون

صحون طائرة وكراسي متحركة وسكاكين متعطشة

فعلاً منتهي الرومنسية

http://www.swalif.net/sforum1/images/icons/icon10.gif http://www.swalif.net/sforum1/images/icons/icon10.gif http://www.swalif.net/sforum1/images/icons/icon10.gif

[ammar_art]

اسجل حضور وانا حاضر ومحضور مين حاضر يرفع رجله

[ammar_art]

اسف تعديل يرفع ايده

[توتة]

الله يعينهم بعونته

بس تصدقين لايقين على بعض

كل واحد ادفش من الثاني ... :):)

ههههههههههههه حلوووووووووووووة يا سنسن :)

اديلوووووووووو

[بنت الغربي]

هههههههههههههههههههههههههههه حلوه :)

يعطيج العافيه حبيبتي :)

[الرومنسيه]

mr.m

:):)

-----

sajsm:)

شفت اشلون الله يكون بالعون

-----

ammar_art

:)

علم

------

ammar_art:)

علم

-----

توته حبيبت قلبي :)

شفتي اش كثر لايقين على بعض يهبلون

شعانين والله :)

------

بنت الغربي :)انتي الاحلى والله

هلا وغلى والله

وينج حبيبتي صالي فتره ما اشوفج

وينج عن الماسنجر تولهت عليج واجد;)

[زيزو]

ههههههههههههههههههههههههههههههههههه
حلوه والله يعطيك العافيه

[ابو الفياصل]

صراحه الحوار في منتهى الرومنسيه:)

ومنتهى الحنيه:)

ومنتهى الأدبيه:)

بس ناقص كل واحد منهم فردة زبيريه:):):):):):):):):):):):)

صراحه الحوار رائعععععععع:)

وتسلمين يا الرومنسيه:).

[الرومنسيه]

زيزو :)

الله يعافيك :)

-----

ابو الفياصل :)

تسلم اخوي

واكيد حاس بالمعنى الرومانسي فيها :)

[عطرالندى]

حلووووووووووووووووووووووووووووه
منج يا رومنسيه:)


تسلمين:)

[زهر الليالي]

فيك رومانسية مفرطة ، انتي عاطفية بشكل صعب التصديق

فلسفتك هذي موسمية والا مستديمة ؟

:):)

[الرومنسيه]

عطر الندى :):)

تسلمين حبيبتي

----

زهر اللليل :):)

اعتقد موسميه

[شرخشين2000]

الى الأمام دائماً :):)

تحياتـــــ للجميع ـــــــي