رهف

[النواسي]

رهف نجمة وضوّت في سماهـا
.. .. .. .. .. .. .. رهف معنى سألت الوصف عنها
وصف بعض الجمال اللي حواها
.. .. .. .. .. .. ..وقال الزين كلّه مـن حسنهــا
صرف حاله وماله واشتراهــا
.. .. .. .. .. .. ..وسكنّها القصور اللـي سكنـها
نزف دمعٍ تصبب في حشاهــا
.. .. .. .. .. .. ..وخلا فرحها يسـرق حزنــها
عصف ريح المحبة يوم جاهـا
.. .. .. .. .. .. ..وسن الشوق من بسمات سنـها
عرف قدره وانه ما نساهـــا
.. .. .. .. .. .. ..وان الغالي ما يوصـل ثمنـها
جرف سيل الوهم لمن وطاهـا
.. .. .. .. .. .. ..وغرّق دنيتـه حتـى شحنـها
سرف كل المشاعر يا عساهــا
.. .. .. .. .. .. ..تنال العز مـن جنـّة عدنـها
عزف ناي الحزن يطلب رضاها
.. .. .. .. .. .. ..يصوغ ألوان من نغمة لحنـها
ترف ينهال من بسمة شفاهــا
.. .. .. .. .. .. ..سكن في غربتي وآنا وطنـها
ملف افتح وأخطه من حلاهــا
.. .. .. .. .. .. ..وازيّن ملمسه من روح فنـها
نزف حبي على صفحة ثراهـا
.. .. .. .. .. .. ..وخلا الليل نقشة في صحنـها
رجف عقلي وقلبي يوم جاهــا
.. .. .. .. .. .. ..ومن شدّة حلاها لـي رهنـها
نشف دمي وحلمي من شقاهـا
.. .. .. .. .. .. ..وشفت الضّيم فيها يمتحنــها
خطف عقلي وخلاني معاهــا
.. .. .. .. .. .. ..ولا كنّي معاها فـي محنــها
قصف عمري خبر زوّد غلاها
.. .. .. .. .. .. ..يا ليت الضّيم فينـي لا بدنـها
شرف لي اركب الدنيا وراهـا
.. .. .. .. .. .. ..وأعاني ما تعانـي واحتضنـها
وسف كل الأسف وآنا غطاهـا
.. .. .. .. .. .. ..عجزت انزع عروق الهم منها
احمد بوعلاي
http://www.geocities.com/abu_alay