المتوكلة على الله
14-08-2002, 10:58 AM
إليكم نصائحي الذهبية التي تغني عن الحمية ...
ذهب عيار كم ؟؟؟ :confused: ما أدري ممكن انتو تقولوا
النصيحة الذهبية الأولى:
أبدأوا يومكم (نفسي اقول صباحكم هذا الأصل بس مع النت الحمد لله الدنيا أتلخبطت) المهم
أبدأوه بالرياضة و إذا كنتوا من النوع الكسلان (زيي) رياضة المشي كافية
و بعد الرياضة يجي الفطور
فطور صحي
يعني لو حبة تفاح و برتقال مو بطال أهم شي يحتوي على حصة من الفاكهة
دحين حتفلسف و أنا ما ني متخصصة
بس قرأتها كثير
أنو اللي يبدا اليوم بالرياضة و يتبعها بإفطار صحي سيكون معدل حرق السعرات الحرارة
لديه عالي و يستمر جسمه في حرق السعرات الحرارية إلى آخر اليوم
بعكس من يهملون وجبة الإفطار فيقومون بتعويضها بشكل خاطئ في فترة لاحقة من النهار
(يعني بسكوت، شوكلاتة، دونات، كرواسون غرقان زبدة .... الخ الخ)
االنصيحة الذهبية الثانية :
لازم تشربوا شاهي أخضر و يانسون
الاثنين كويسين في التهضيم
بس كل واحد لو وقتو يعني حسب الفترة اللي انتم فيها
اذا كنتم في فترة رجيم
ما اظن انكم تحتاجوا شاهي اخضر لأنو اساساً أكلكم ما حيكون فيه دهون
رغم انو الشاهي الأخضر مرررررررة مفيد مو بس في مجال التخسيس
المهم
يعني في فترة الرجيم يكفي انكم تشربوا يانسون مهضم كويس و خفيف
و ينشط المعدة يعني ممكن تشربوه حتى قبل الأكل
عشان تحفز المعدة للهضم
و غير كده أساساً المشروبات الدافئة عموماً تساعد على الهضم
على عكس المشروبات الباردة
التي تسبب التلبك المعوي
حتى لو حابين تتأكدوا
روحوا شوف اكلة دسمة بعد ما تنحط في الثلاجة كيف الدهن فيها يجمد
و ما يسيح الا بعد ما تسخنوا الأكل
يعني بالعربي لا تشربوا موية باردة
ما أقولكم اشربوها مغلية لأ بس أقل شي انها تكون دافية
وهذا يؤدي بنا إلى :
النصيحة الذهبية الثالثة :
((مسروقة من الأخ كابريس))
اذا حسيتوا بالجوع في وقت غير وقت الأكل
روحوا اشربولكم كاستين تلاتة موية دافيه
بس ها لا تشربوا موية باردة انتم عارفين انها تمغص البطن عالجوع
و هذا الشي حيسّكت جوعكم لمدة لا بأس بها صحيح حتحسوا كأنكم قربة موية بس
يالله شي يأدي الغرض
غير انو أساساً كترة الموية تنقي الجسم و تنظف الكلاوي
و اذا ما حبيتوا فكرة قربة الموية
ممكن اذا نفسكم وزتكم انكم تنقنقوا قبل موعد الأكل
ممكن تاكلوا خيار و لاّ جزر
و لاّ قته (قثاء) أحسن زي الخيار
الرسول صلى الله عليه و سلم كان يحب القثاء
و يستحسن انكم قبل ما تهجموا على الطبيخ وقت الغدا أو العشا
تاكلوا حتة خيارة او جزرة معتبرة أو تبدأوا بالسلطة -بس لا يكون فيها ليمون أو زيت تفتحلكم نفسكم بعدين-
و بكده تملوا بطونكم و يصير ما تاكلوا من الزفر كتير
و على فكرة
انتبهوا الفجل و الجرير فاتحان للشهية وكمان البصل و الثوم
و البهارات بانواعها
و كمان عصير البرتقال قبل الأكل يفتح الشهية
النصيحة الذهبية الرابعة :
حاولوا انكم ما تشربوا غير الحليب و اللبن المنزوع الدسم أو قليل الدسم على الأقل
بكده تاخذوا الفائدة و تسيبوا الدهون
و كمان حاولوا تتجنبوا الجبن الأصفر لأنو بيكون مليان دهون
يعني الجبن الأبيض أسلم بس ها لا يكون مررررة مالح
لأنو الملح مو كويس عشان الضغط
و كمان يسبب احتباس السوائل في الجسم
يعني ممكن الوزن الزائد ما يكون سمنة
بس مجرد سوائل (مويات) محبوسة في الأنسجة
نتيجة الاكثار من تناول الأطعمة المملحة و عدم شرب المياه بكميات
كافية للتخلص من هذه الأملاح
با قي النصائح تهتم بالجانب النفسي
النصيحة الذهبية الخامسة :
روحوا اشتروا بنطلون مرررررة حلو و غالي من ديزل و لا قيس أو أي ماركة تعجبكم
بالمقاس اللي انتوا تطمحوا انكم توصلوه
أكيد هذا حيكون حافز لكم
يصير خلاص بعد ما توصلوا للمقاس المنشود
تخلوا هذا البنطلون بدل الميزان هو اللي حيضربلكم جرس الانذار بعد كده
النصيحة الذهبية السادسة :
إذا بدأتوا برنامج رجيم ( رغم إني أشوف مالو داعي الرجيم بعد ما أتحفتكم
بالنصائح السابقة و ما سأتحفكم به في السطور التاليه خخخخخخخ)
خلوا أحد ثاني يعمل الرجيم معاكم عشان تشجعوا بعض
يصير اذا واحد وزتو نفسو يسيب الرجيم الثاني يوقفو
النصيحة الذهبية السابعة:
حطوا صوركم و انتو متختخين (مفردها متختخ أو تختوخ يعني دبه) على باب الثلاجة
النصيحة الذهبية الثامنة:
لا تاكلوا و انتم تتفرجوا عالتلفزيون (كثروا منها مين ما ياكل وهو يتفرج المهم..)
لأنكم حتنسوا نفسكم و ما تعرفوا قد إيش اكلتوا
و في نصيحة ثانية بس ما هي حلوة
بس حقولها من باب العلم بالشئ
انو الواحد لمن ياكل مع الناس تزيد نسبة أكلو بمقدار 20% عن لو أكل لحاله
يعني انو الواحد ياكل لوحده شي مو حلو في مجتمعنا
فحاولوا انكم تلاقوا طريقة تضبطوا بيها أكلكم لمن تاكلوا مع الناس
بس هادا اللي في بالي دحين و إذا أفتكرت شي ثاني حقولكم إن شاء الله
و أدعولي إذا خسيتوا
ذهب عيار كم ؟؟؟ :confused: ما أدري ممكن انتو تقولوا
النصيحة الذهبية الأولى:
أبدأوا يومكم (نفسي اقول صباحكم هذا الأصل بس مع النت الحمد لله الدنيا أتلخبطت) المهم
أبدأوه بالرياضة و إذا كنتوا من النوع الكسلان (زيي) رياضة المشي كافية
و بعد الرياضة يجي الفطور
فطور صحي
يعني لو حبة تفاح و برتقال مو بطال أهم شي يحتوي على حصة من الفاكهة
دحين حتفلسف و أنا ما ني متخصصة
بس قرأتها كثير
أنو اللي يبدا اليوم بالرياضة و يتبعها بإفطار صحي سيكون معدل حرق السعرات الحرارة
لديه عالي و يستمر جسمه في حرق السعرات الحرارية إلى آخر اليوم
بعكس من يهملون وجبة الإفطار فيقومون بتعويضها بشكل خاطئ في فترة لاحقة من النهار
(يعني بسكوت، شوكلاتة، دونات، كرواسون غرقان زبدة .... الخ الخ)
االنصيحة الذهبية الثانية :
لازم تشربوا شاهي أخضر و يانسون
الاثنين كويسين في التهضيم
بس كل واحد لو وقتو يعني حسب الفترة اللي انتم فيها
اذا كنتم في فترة رجيم
ما اظن انكم تحتاجوا شاهي اخضر لأنو اساساً أكلكم ما حيكون فيه دهون
رغم انو الشاهي الأخضر مرررررررة مفيد مو بس في مجال التخسيس
المهم
يعني في فترة الرجيم يكفي انكم تشربوا يانسون مهضم كويس و خفيف
و ينشط المعدة يعني ممكن تشربوه حتى قبل الأكل
عشان تحفز المعدة للهضم
و غير كده أساساً المشروبات الدافئة عموماً تساعد على الهضم
على عكس المشروبات الباردة
التي تسبب التلبك المعوي
حتى لو حابين تتأكدوا
روحوا شوف اكلة دسمة بعد ما تنحط في الثلاجة كيف الدهن فيها يجمد
و ما يسيح الا بعد ما تسخنوا الأكل
يعني بالعربي لا تشربوا موية باردة
ما أقولكم اشربوها مغلية لأ بس أقل شي انها تكون دافية
وهذا يؤدي بنا إلى :
النصيحة الذهبية الثالثة :
((مسروقة من الأخ كابريس))
اذا حسيتوا بالجوع في وقت غير وقت الأكل
روحوا اشربولكم كاستين تلاتة موية دافيه
بس ها لا تشربوا موية باردة انتم عارفين انها تمغص البطن عالجوع
و هذا الشي حيسّكت جوعكم لمدة لا بأس بها صحيح حتحسوا كأنكم قربة موية بس
يالله شي يأدي الغرض
غير انو أساساً كترة الموية تنقي الجسم و تنظف الكلاوي
و اذا ما حبيتوا فكرة قربة الموية
ممكن اذا نفسكم وزتكم انكم تنقنقوا قبل موعد الأكل
ممكن تاكلوا خيار و لاّ جزر
و لاّ قته (قثاء) أحسن زي الخيار
الرسول صلى الله عليه و سلم كان يحب القثاء
و يستحسن انكم قبل ما تهجموا على الطبيخ وقت الغدا أو العشا
تاكلوا حتة خيارة او جزرة معتبرة أو تبدأوا بالسلطة -بس لا يكون فيها ليمون أو زيت تفتحلكم نفسكم بعدين-
و بكده تملوا بطونكم و يصير ما تاكلوا من الزفر كتير
و على فكرة
انتبهوا الفجل و الجرير فاتحان للشهية وكمان البصل و الثوم
و البهارات بانواعها
و كمان عصير البرتقال قبل الأكل يفتح الشهية
النصيحة الذهبية الرابعة :
حاولوا انكم ما تشربوا غير الحليب و اللبن المنزوع الدسم أو قليل الدسم على الأقل
بكده تاخذوا الفائدة و تسيبوا الدهون
و كمان حاولوا تتجنبوا الجبن الأصفر لأنو بيكون مليان دهون
يعني الجبن الأبيض أسلم بس ها لا يكون مررررة مالح
لأنو الملح مو كويس عشان الضغط
و كمان يسبب احتباس السوائل في الجسم
يعني ممكن الوزن الزائد ما يكون سمنة
بس مجرد سوائل (مويات) محبوسة في الأنسجة
نتيجة الاكثار من تناول الأطعمة المملحة و عدم شرب المياه بكميات
كافية للتخلص من هذه الأملاح
با قي النصائح تهتم بالجانب النفسي
النصيحة الذهبية الخامسة :
روحوا اشتروا بنطلون مرررررة حلو و غالي من ديزل و لا قيس أو أي ماركة تعجبكم
بالمقاس اللي انتوا تطمحوا انكم توصلوه
أكيد هذا حيكون حافز لكم
يصير خلاص بعد ما توصلوا للمقاس المنشود
تخلوا هذا البنطلون بدل الميزان هو اللي حيضربلكم جرس الانذار بعد كده
النصيحة الذهبية السادسة :
إذا بدأتوا برنامج رجيم ( رغم إني أشوف مالو داعي الرجيم بعد ما أتحفتكم
بالنصائح السابقة و ما سأتحفكم به في السطور التاليه خخخخخخخ)
خلوا أحد ثاني يعمل الرجيم معاكم عشان تشجعوا بعض
يصير اذا واحد وزتو نفسو يسيب الرجيم الثاني يوقفو
النصيحة الذهبية السابعة:
حطوا صوركم و انتو متختخين (مفردها متختخ أو تختوخ يعني دبه) على باب الثلاجة
النصيحة الذهبية الثامنة:
لا تاكلوا و انتم تتفرجوا عالتلفزيون (كثروا منها مين ما ياكل وهو يتفرج المهم..)
لأنكم حتنسوا نفسكم و ما تعرفوا قد إيش اكلتوا
و في نصيحة ثانية بس ما هي حلوة
بس حقولها من باب العلم بالشئ
انو الواحد لمن ياكل مع الناس تزيد نسبة أكلو بمقدار 20% عن لو أكل لحاله
يعني انو الواحد ياكل لوحده شي مو حلو في مجتمعنا
فحاولوا انكم تلاقوا طريقة تضبطوا بيها أكلكم لمن تاكلوا مع الناس
بس هادا اللي في بالي دحين و إذا أفتكرت شي ثاني حقولكم إن شاء الله
و أدعولي إذا خسيتوا