View Full Version : $$ انسى السفر $$
انسى السفر
يا صاحبي لي قلب منك شقاوي
وعنده أمل في يوم تقبل رجاوي
وكل رجوته انك منى النفس لا تروح
وانسى السفر يا زين إن كنت ناوي
***
أدري السفر جبري وما هوب منك
هذي الظروف اللي لجت غصب عنك
واللي مصبرني بفرقاك انك
مانتا بعلى فرقاي يا زين قاوي
وانسى السفر يا زين إن كنت ناوي
***
مهما يطول البعد لابد ترجع
لو هي ثلاث شهور ما هي بأربع
قلبي ينادي لك وارجوك تسمع
نبض(ن) على فرقاك بالهم طاوي
وانسى السفر يا زين إن كنت ناوي
عشّاق
http://qe9ayed.jeeran.com/algowafe.gif
http://qe9ayed.jeeran.com/ensa_alsefar.wav
هديل الحمام
17-10-2002, 03:52 PM
اخي عشاق قصيدة راائعة جداا ومعبرة في نفس الوقت حلو فيها الاحساس الصادق ...
صح لسانك :)
هديل الحب...
ومشكوره أختي على تسجيل حضورك الدائم :)
ابو ذكرى
18-10-2002, 05:36 AM
واااااااااو جدا قوية
ويش هالإبداع شي مو معقول يعني بس الواحد يغيب عنكم
تاخذون الجو والمنتدى كله ( بكل جدارة)
والله جدا جميله بصراحة شوقتني للأيام الخوالي
وللمنتدى تسلم اخوي عشاق
اخوك المخلص
ابو ذكرى
:)
أهلا بك أخي مجددا وربي لا يحرمني من طلاتك واتمنى مشاركاتك
ويا رب تكون أحلى بوايد عن مشاركاتي00 وهذه الاسباب :-
1- اللاستمتاع بما سنقرأه
2- المنافسة الشريفة للابداع
3- الاستفادة في تطوير المستوى للجميع
تحياتي وانتظاري لمشاركاتك حبيبي :)
ارمينيا
18-10-2002, 06:22 PM
ماشاء الله عليك يا عشاق
مازلت في قمة التألق و الأبداع
كلمات كالسحر ترتبت و تنمقت لتسحر بها قلوب العاشقين
تمنياتي لك بمزيد من التألق و الأبداع :)
أخي عشاق ..
جميل هو نبض ..
وجميل سفرك وعزفك ..
لكن ألا ترى يا صديقي أنك بخلت علينا ..
فبمجرد ما ربطنا أحزمتنا لنسافر مع مقطوعتك ..
إذ بك تقذفنا في منتصف الطريق ..
ونحن لازلنا نردد ترانيم سمفونيتك ..
هل لنا بالمزيد ؟؟
عذوبة
18-10-2002, 10:13 PM
مهما يطول البعد لابد ترجع
لو هي ثلاث شهور ما هي بأربع
قلبي ينادي لك وارجوك تسمع
نبض(ن) على فرقاك بالهم طاوي
وانسى السفر يا زين إن كنت ناوي
جميله هذه الكلمات ..... مهما يطول البعد لا بد يرجعون....
لازم سينسى السفر بس انت سمعه قصيدك...
تحياتي:
عذوبه:D :D
أشكرك اختي علىالاطراء الجميل وان شاء الله دائما وأبدا اكون عند حسن الظن اختي :)
أحييك اخي من القلب وأحمد الله على عودتك سالما :)
أخي انا نفسي لمت نفسي كثيرا حيث أنني شعرت فيما بعد ان هناك المزيد اريد ان اضيفه ولكن 00
أشكرك اخي على حضورك مجددا وان شاء الله الاقامة دائمة هذه المره :)
أنا أنادي من زمان بس ماحد :p :p
شكرا اختي على حضورك وعلى تعقيبك الجميل :)
العسلي
26-10-2002, 11:52 AM
صح لسانك اخوي عشاق
نفس الابداع ونفس التميز اللي عرفناه فيك عيني عليك بارده
ويعطيك الف عافيه
هلا والله بمطول الغيبات :)
حياك الله أخوي ومن طول الغيبات وحنا في انتظار مشاركاتك القيمه :)