طريقة اضافة تعديلات بالفوتوشوب (اضافة توقيع, حجم الصورة....) بسهوله وسرعه

[قلق و رجه]

السلام عليكم

ابقدم لكم شرح بسيط عن طريقة اضافة التعديلات مثل اضافة التوقيع او تصغير حجم او اي تعديل ترغب بوضعه على صور كثيره

وفكرة الطريقة هي انك تحفظ التعديلات المرغوبه في البرنامج بحيث اذا رغبت بالتعديلات اي صوره بمجرد ضغطة زر تتعدل الصورة كما ترغب

تفيدك في الصور الكثيره


نبدا في الشرح


اولا نفتح الصور المرغوب تعديلها

http://members.lycos.co.uk/hajeri/Untitled-1.jpg

وكما في الصورة نضغط على Actions

http://members.lycos.co.uk/hajeri/Untitled-2.jpg

http://members.lycos.co.uk/hajeri/Untitled-3.jpg

بعد هالخطوة(بعد الضغط على Record) سيقوم البرنامج بتسجيل جميع الخطوات اللتي ستقوم بها لحفظها وتطبيقها حين ضغطك للزر اللي اخترته

http://members.lycos.co.uk/hajeri/Untitled-4.jpg

بعد الانتهاء من تسجيل الخطوات ما عليك سوى ضغط المفتاح اللذي اخترته والبرنامج يطبق جميع الخطوات التي سجلتها


انشالله عجبكم الشرح وانا جاهز للاسئلتكم






ملاحظة:
هالشرح مكانه ليس هنا لكن الرجاء ان يبقى هنا لوقت معين لكي يستفيدون منه الاعضاء في تعديل الصور وخاصة التغطيات والصور الكثيره ومن ثم نقله.

[قلق و رجه]

:confused: :mad1:

[grandv8]

السلام عليكم ورحمة الله وبركاته

اخوي طارق اشكرك على طرح موضوعك هذا

سؤال بالنسبة لعدد الصور مافي حد معين لعدد الصور اللي يمكن اضع فيها التوقيع.

شرحك حلو مبسك وجزاك الله خير

[قلق و رجه]

هلا اخوي محمد

بالنسبه لعدد الصور

اكيد ما فيه حد معين

فكرة هالطريقة انك تحفظ تعديلات معينه عشان ما تظطر تسويها على كل صوره


يعني متى ما فتحت اي صوره في اي وقت

بضغطة زر تتعدل زي ما هو محفوظ في البرنامج (التعديلات اللي انت سجلتها من قبل)

وانشالله وصلت الفكرة


وتصدق كنت متوقع اقبال على الموضوع لكن :headshak:

انشالله بيكون اخر موضوع اشرح فيه

بصراحه احس اني اتعب على الفاضي

وشكله اخر موضوع اتعب فيه هنا

[قلق و رجه]

دام ان الموضوع ما لقى اقبال هنا

لو ينقل الى المنتدى المناسب عشان يستفيدون منه الاعضاء هناك :(

[بن ممدوح]

مشكور أخوي وما قصرت على الشرح المفيد

وأي شي جديد لا تبخل علينا فيه

وراح اجرب الطريقة :)

ويعطيك العافية

[cruiser2000]

هلا والله


لابويه طارق تعبك مارح سدى

بس لازم تعرف ان الموجودين هني
موجودين في مواضيع اخرى

ويمكن حد ماله خص في هالسوالف

صراحة لفت انتباهي موضوعك يوم كنت اتجسس واستخدم النت في الدوام :D

ومالقيت فرصة غير الحين صراحة


بس الحركة حلوة ومفيدة وايد


الله يجعله في ميزان حسناتك اخوي طارق


:)

[EL_3grab]

والله توني مصغر 16 وموقعنهم وحدة وحدة .. وتذكرت أني منزل برنامج اللي يصغر ويوقع لكل الصور مرة وحدة ..

مشكووور وما قصرت يا طارق .. :-)

[قلق و رجه]

بن ممدوح

الف شكر على ردك الطيب


هلا بخالد

والله يا اخوي مب بس هالموضوع انا احس اني مقصود

يعني كثير من المواضيع ما تلاقي صدى

لكن فيه اعضاء يستاهل من يسوي مواضيع بس عشانهم وانت منهم



EL_3grab

والله هالطريقة بتفيدك في الصور الكثيره

وميزتها تقدر تسوي اكثر من تعديل وتسجلها


يعطيكم العافية

[uae speed]

يعطيك العافيه طارق ، وما قصرت على الشرح الرائع .. :)

اعذرنا ياخوي يمكن الاعضاء ما انتبهوا لموضوعك ، بس لا تيأس افا عليك كلنا معاك :)

تحياتي لك ، وينقل الى منتدى الكمبيوتر :)

[UAEnos]

طريقة جميلة والله .. أول مرة اعرفها ..


لا تيأس وانا اخوك عط الشباب فرصة يشوفون الموضوع ويردون عليه .. وان شاء الله تعبك ما يروح ..



جزاك الله خير .. وما قصرت :-)

[توربو]

ولله جا بوقته اخوي قلق ورجه

ابحاول اطبق بعدين اكيد لي رجعة للأسئلة

[قلق و رجه]

uae speed

مشكور على مرورك

والله يا اخوي لا تلومني بس انشالله فيه تفاعل


UAEnos

هلا والله فيك

ويعطيك الف عافية وانشالله تستفيد منها


توربو

حياك الله باي وقت

وانشالله تطبقه بسهوله

[الماني]

والله توني مصغر 16 وموقعنهم وحدة وحدة .. وتذكرت أني منزل برنامج اللي يصغر ويوقع لكل الصور مرة وحدة ..

مشكووور وما قصرت يا طارق .. :-)

انا 100 صورة كلها بروحها... لو ادري انه في طريقة ثانية ما كنت بسويها... يالله للمرة الجاية انشاء الله.

[Mr.Kiady]

الف شكر لك أخوي قلق ورجه ,,,

والله حركه مفيده , وتوفر الوقت ...

أنا عملت اكثر من اكشن , أهمها ReSize , وحفظ الملف بصيغه JPEG .

وشكرا لك , وياليت تزيدنا من هالمواضيع .

[نظرة]

قلق ورجه :)

شرح مفيد

شكرا لك

لا تتضايق اذا تاخر الرد في مثل هذي الموضوعات

لانها تحتاج وقت حتى يطبقها الزائر ويستوعبها

وفي نفس الوقت ما ضاع وقتك وجهدك

لانها هي مفيدة مفيدة في كل وقت

:):)

[حائل]

درس ممتااااااااااااااااز
تشكرا عليه

[قلق و رجه]

مشكورين يا شباب على الردود الحلوة

وانشالله استفدتوا منه