هل تعرفون ؟؟

[MUSLIMAH]

السلام عليكم و رحمة الله و بركاته ..

الكل يعرف أن كل مثل له قصة حدثت فيقال المثل في نفس الموقف تقريبًا ..

هل تعرفون قصة المثل " طاح الحطب " ؟؟؟

بانتظاركم ..

[wildorchid]

أهلا مسلمه :)

لا ماأعرف :(

[UAE_BaBe]

^2

يا هلا والله بمسلمة :)

بالنسبة لسؤالج ..
والله ما عندي فكرة :( :)

[نعناعة]

هلا مسلمة وشلونك؟:D

نو والله ماعرف قصته ......:(

[MUSLIMAH]

أشوفج مداومة هني ..;)

هلا و غلا UAE_BaBe :)
هل تعتقدين اني ممكن ألقى القصة في كتب الأمثال؟؟؟

أهلين نعناعة .. :)
الحمد لله بخير و صحة و عافية .. :)
أنتي شلونج ؟؟؟

[UAE_BaBe]

مرحبا مسلمة

اعتقد انج ممكن تحصلين قصة المثل في كتب الامثال مثل ما قلتي...
اتمنى منج اذا عرفتي القصة تقوليلنا اياها :)

[شوك]

فكره حلوه بس صعبه !!


شـ ـ :) ـ ـوك

[جاسم]

القصه الله واعلم

اكيد القصه قديمه وانا ما كنت مولود

وشكرا

[تفاحة]

ليتني اعرف كان قلت //



تحياتي //

[همس السحر]

و عليكم السلام و رحمة الله و بركاته

مسلمة و كل الحلوين .. مرحبا

اللي اعرفه انه هذا مو مثل :(

احنا نقوله اذا كان اثنين متزاعلين ثم تراضوا يقولون طاح الحطب .. مثل المصريين لما يقولون صافي يا لبن حليب يا اشطة:Dبس احنا على ثقيل اشوي :D

هذا اللي اعرفه و اذا له قصة مادري :) :)

[MUSLIMAH]

هلا تفاحة .. :)

تصدقين .. كنت رايحة المكتبة العامة ادور حق تقرير الاسلامية و لما خلصت كنت قاعده انطر ابوي .. قلت ليش ما ادور عن المثل اللي صار لي فترة اسأل عنه و محد يعرف عنه شيء .. قعدت ادور بكتب الأمثال .. ما لقيته :( قلت لما أروح ان شاء الله مرة ثانية المكتبة راح أدور مرة ثانية .. ان شاء الله ألقاه .. :)

يا مرحبا فيك همس السحر .. :)
صح كلامك .. توني انتبه انه مو مثل ..

مشكلة .. وهقت عمري و قلته و ابتلشت الحين :(

اي صح .. يمكن بعد ما يكون له قصة .. بس جذي نقوله ..

آآآآههههه .. مليت و أنا ادور :(