جروح قلبي

[عاشقه الالم]

أطالبك تبعد مير لا شفتك أقضيت
أتبعك أنا من غير راي وعقيده
بغيت أخفي أشواقي واجاملك وازريت
أقاسي هواجيس الضمير العنيده
أنا لو تجيني منوتي لاتمنيت
تمنيت قلبي ياحياتي حديده
على شان ما أكتب فيك قصة ولا بيت
ولا اسهر وارد دفي هواك القصيده
و لاكان جاوبت الحمامه وغنيت
ولا اعلنت لك سر الجروح الأكيده
احاسيس قلبي معك لارحت وإن جيت
وقربك سبب جرحي وبعدك يزيده
يزيد اشتياقي فيك كل ما صبحت وأمسيت
معي في البلد والابدار بعيده
أنا صرت أسيرك في حبالك تلويت
وانا كنت قبلك في حياة سعيده
حشا مثل حبي لك فلاقط حبيت
أنا كل يوم جروح قلبي جديده
فرضها عليه واقعي لو تعاليت
رضيت بتدابير الولي في عبيده
أنا حين أقول أخطيت وأحيان ما خطيت
على شان صفحات المحبه مجيده
ولاكنت أصدق لو بكيت وتشقيت
بعد حين صياد الجوازي تصيده
سعود بن بندر