كرايسلر 300m

[بو فهد]

ممكن تقولون لنا عن خراباته لأنه عندنا وحده ما خذينها من

الوكالة وبعد شهرين تقريبا قام السكان يهتز على سرعات عالية

أو بطيئة و كل ما وديناها الوكاله قالوا مافيه شي . واذا أحد

من الأعضاء عنده نفس السيارة ممكن يكلمنا عن سيارته خصوصا من

ناحية الخرابات . ونسيت بعد أقول لكم ان الفرامل لهذي السيارة

ضعيفة جدا وكلمنا الوكاله عن هذي المشكله و قالوا ان هذا مشكلة

كل سيارات chrysler 300m . أفيدونا بمعلوماتكم جزاكم الله خير .

[كابريس]

ماهو السكان؟؟
ثانيا السيارة بصراحة رااااااائعة :) لكن ماجربت قيادتها بس ركبت فيها :)

[بو فهد]

كابرس :
السكان = مقود السيارة = الدريكسيون = الي تلف فيه السيارة يمين ويسار. :)

[NFS]

في واحد من الأعضاء يملك نفس هذي السيارة "هو يشارك في قسم الأصدقاء بشكل رسمي" ، وقد طرح في هذا القسم عن مشكلة سيارته حيث أنها مزودة بناقل عادي وأوتو ماتيكي "أوتوستيك" وكان في مشكلة في هذا الناقل لكن ما أدري أيش حصل معاه.

أيضاً هو ذكر أن من عيوب هذه السيارة أن السرعة القصوى محددة على 180كلم/ساعة.

[كابريس]

شكلها حلو لكن ياماخلف السواهي دواهي :(

[بو فهد]

nfs : بخصوص تحديد السرعة ب 180 فهذا الكلام صحيح مع أني أحس انه السيارة ممكن توصل لسرعة أكبر من هذي.
وعلى كل حال الأمريكي أمريكي مهما غيروا شكلة
وشكرا على الردود.