كيف السوبارو ليجاسي وهل أعطالها قليلة أم كثيرة؟؟

[كابريس]

مع العلم انه سعر الفل اوبتشن 62.000 ريال

[S55AMG]

و الله يا أخوي كابرس السيارة حلوة من الخارج لكن من الداخل يعني 80% أعطيها
لكن صديق لوالدي قال أنها متعبه و يقول السبب إنو ما تلاقي منها كثير في الشارع ( بس في نظري إنو هذا مو سبب )
و في واحد ( إستاذي ) يقول أنها طيبة و حلوة بس وكيلها تعبان

[كابريس]

طيب وقطع الغيار كيف؟؟

[NFS]

إللي أعرف عن السوبارو أنها أخت الهوندا في قطع الغيار:cool:

[Dreamer]

اول سيارة أمتلكها كانت سوبارو 1986 كانت سيارة حلوة و قوية بس لمل تخرب و تروح ل بالبيد و تطلب قطع الغيار و تسمع السعر راح تعتقد ان سيارتك يا BMW أو مرسيدس. السيارة خرابها قليل اذا انت حافظت عليها. أقولك وحدة من القصص حقت السوبارو، خرب عندي رمانبلي (Bearing)حق الكليبر حق الجلنط(Hand brake)- (على فكرة الجلنط كان على الكفرات الأمامية مو الخلفية زي كل السيارات) المهم أخذناالرمانبلي و رحت مع المكانيكي للوكالة عشان نشتريه، يوم شافوه قالوا من فين جبتوه قلنا فكيناه من الكليبر، قال أبو الشباب و ليه تعبت حالك و فكيته احنا نبيع الكليبر كامل ما نبيع الرمان لوحدة، والله المصيبة، طيب بكم كامل قال بعد الخصم سبعمية و حاجة. قال المكنيكي خلاص ما نبغاه، رحنا محل متخصص في الرمانبلي و اشترينا الرمان عارف بكم بعشرة ريال و ركب و صار زي الحلاوة.

أسف اذا كنت طولت عليكم

أخوكم Dreamer

[كابريس]

أمس كنت في معرض بالبيد بجدة وقال السعر النهائي 60.000 للفل ابتشن
يش رأيكم؟

[corvette 40th]

السلام عليكم

من واقع تجربتي للسياره
السياره ما عليها اي كلام
كانت عند احد الاقارب
و جربتها ,سواقتها جيده
و قوتها لا باس ابها.
كانت ليغاسي اوتباك AWD
موديل 97
المحرك اربع سلندر 2.5
و الغير اتوماتيك
و قدرت اوصل لسرعه 220 كيلو
بس ما اخفي عليك
قطع غيارها غاليه جدا
و غير موجوده خارج الوكاله بكثره

[كابريس]

أيهما أغلى من ناحية قطع الغيار هوندا أم سوبارو؟

[كابريس]

وهل تتوقعون أن تعيش السوبارو ليجاسي مدة 8 سنين مع الإستخدام الممتاز ؟؟
يعني ما ادعس ولا اطارح ولا افحط ترى سواقتي رايقة مرررة :)

[s500l]

والله من ناحية القوة ماشاء الله طيارة وتوصل 240 بالراحةمع انها 4 سلندر
وثابتة على الخط
(هذا بالنسبة ل ليجاسي سيدان فل كامل

[MR:SPEED]

هي سيارة حلوه و اعطالها قليله
بس مصيبتها بالبيد
محتكر القطع الغيار

[كابريس]

شكراً

[ابو الشيماء]

اليجاسي من ناحية القوة قوية ورهيبة من الخارج لكن مشكلتها حاجتين :
1- من الداخل تحس انها سيارة عادية يعني مو فخمة وانت بتدفع 60000 الف والله حرام.
2- وكيل سوبارو محتكر قطع الغيار واسعارها نار ،اغلى من الهوندا.
وعموما اولاد عمي 4 كلهم مطلعين سوبارو لكن نوعية اوت باك وماشية معهم تمام.
وانا انصحك نصيحة اخ ومجرب لاتاخذالا هوندا اكورد ، انا معي وحدة ومريحتني ولا اروع.

[ابو الشيماء]

الحقيقة انا مستغرب ليش تسأل عن السوبارو، الكابريس وش صار علية

[كابريس]

بصراحة الميزانية ماتكفي عشان اطلع كابريس :(:(:(

[RS4]

اللي اعرفه ان اليجاسي 98و99 قويه وقليلة الخراب .

[Holden]

أشوفك يا كابريس أفتريت على الليجاسي!!

شكلك ما راح تشتري سيارة أبد لأني من قبل ما أسجل في سوالف وأنت تقول أيش رايكم في هذي السيارة وأيش رايكم في ذيك السيارة ، نصيحة خليك على سيارة الوالد

[كابريس]

خلاص كلها شويتين :):) وانا احيانا اسأل عن السيارة عشان العلم لا أقل ولا اكثر مثل موضوع الميركوري

[ابو الشيماء]

اخوي كابريس انت اسال ومالك هم ، نجاوب على اللي تبي احنا وش ورانا كلها دردشة واصلا ماتصفحنا هالمواقع الا واحنا فاضين .
بعدين على فكرة ماتبي التصميم والا تتعبنا عالفاضي ...