نصيحه... ابتعد عن الامريكي (الكابرس) !!!!!! ليش كده يا ....

[كابريس]

corvette indiana police :(
والله بصراحة ياشباب
شفت الكابرس امس والله المسافة في الخلف كبيرة مرررررررة يعني تمد رجولك للآخر
بس الي ماعجبني المرايا الي في النص والأزارير حقت القزاز :)

[sult]

انا ابي اعرف ايش فيه خرابات في الكابريس غير طرمبة البنزين والدينمو وايش هي مشكله الصوت اللي في القير وفوق الطبلون

[corvette indiana police]

هلا اخوي كابريس

بعطيك نبذه مختصره عن الكابربيس اللي كان يملكها الوالد وهي 2001 لاحظ انها مو 2000

بعد 7000 كلم / خربت طرمبة البنزين

بعد 15000كلم/ احترق علينا دينمو الدرايش واجبرنا على تشغيل المكيف

بعد 21000كلم/المصيبه الكبرى وهي القير بوكس

بعد ما صلحنا القير بوكس ما شافت النور من الورشه على المعارض

وهذا مع ان الوالد سواقته سواقة شايب فما بالك احنا يا الشباب

وهذي مب منقوله من احد هذي تجربه مرينا احنا فيها لكن الحمد لله تخلصنا منها

تحياتي للجميع ولا تنسى ان الياباني سيد السيارات (عدا الكورفيت)

[*SS* POWER]

لاحول :(

يا شباب انا عندي كابرس SS موديل الفين وماشيه 29000 كيلو ولحد الحين ما ظهرت لي اي مشكله من هالمشاكل اللي تذكرونها(القير والطرمبه) مع العلم ان سياقتي سياقه خشنه و ما ارتاح الا لين اشوف الـ RPM يضرب الاحمر

[شرخشين2000]

أنا كرهت اللومينا والكابرس قبل لا أشوفها بسبب الكلام اللي عليها !!

كنت بشتري كامري إلا خمس دقايق :) نصحني الأخ E55 بتجربتها :)

و فعلاً ،، كانت مفاجأة !! ما كنت أتوقع ان كل هالذم طلع في سيارة مثل الكابرس أو اللومينا :):)

لكن ربي كتب وأخذت لي LUMINA LS 2001 :):)

[C6]

و النعم بالكورفيت واهلها

[كابريس]

مو معقول :(
أنا اعرف 3 معاهم كابريس وماسمعت حاجة زي كده
جيربوكس مرة وحدة‍‍‍:(

[NFS]

الصراحة الكلام كثر على هذي السيارتين ، وأنا أعتقد أن نسبة كبيرة من هذا الكلام هو مجرد خيال في خيال.

من العيوب التي ذكرت هي ان رساوة اللومينا سيئة جيداً وأنها تنحرف وقد تنقلب في أول منعطف يصادفك إذا كانت السيارة تسير بسرعة عالية ، لكني بعد ما جربت السيارة لفترة وجدت أن هذا الكلام كان مجرد "هراء" لأن تمكاسك السيارة جيد جداً "على الأقل مماثل لتماسك سيارتي الأكورد".

ومن الأشياء التي عجبتني في السيارة هو العزل الصوتي في السيارة ، أنا لان أقول أنه الأفضل في فئتها لكنه أفضل من أغلب السيارة اليابانية من نفس الفئة.


هذا هو رأيي في الموضوع.

[الليزر]

ياجماعة مدري ليه كل شوي تفتحون الموضوع مرة ثانية وثالثة

انا معي كابريس والله ياحلاوة وبسسسسس

وبعد ياني اشب عليها شب غير طبييييعيييي
توني جاي من البحرين الاسبوع اللي راح راجع وماشي 180 - 200 والله زي العسل

[Ferrari^_^love]

ماعدا ( الكمارو والكورفيت ) ;);)

[كابريس]

ماعدا ( الكمارو والكورفيت والكابرس ) ;);)

[S55AMG]

مـــــــــــا عـــــــــ(((الــــكـــــورفــــيـــــت ))) ــــــــــدا
و {الكومارو} معاك على الخط أخوي Ferrari^_^Love