View Full Version : اللي معه ماكس 2000 ،2001 Auto يفيدني
SKYLINE GTR
06-08-2001, 06:58 PM
يا شباب، الماكس اللي معي من اعبي التانكي Full إلى حوالي الرُبع يجلس معي 350 إلى 400 كم بس !!! مع اني اعرف واحد معه نفس سيارتي بالضبط يقول تجلس سيارته 500 كم او اكثر وهذا اللي سبب لي الحيرة مع ان الماكسيما معروف انها اقتصادية ( تقول 4 سلندر ما شاء الله ) عموماَ كل اللي معهم ماكس 99 واللي قبل اذا كان عندهم معلومات يفيدونا الله يجزاهم خير
مزmzmzمز
06-08-2001, 07:21 PM
يعتمد على مشيك
اذا كنت تدعس عليها بيفضى التانكي اول ماتطلع من المحطه اما اذاكان مشيك طبيعي اتوقع ان صرفيتها عاديه
بس يمكن عندك مشكله في طرمبه البنزين لأني اعرف واحد نفس مشكلتك غير طرمبه البنزين وزانت الصرفيه
أبو نايف
06-08-2001, 07:46 PM
تعتمد على دعستك على البنزين.
يعني حاول تكون رجلك ناعمه على البنزين وماتزيد السرعه بشكل فجائي ولاحظ ان البنزين اللي عندنا خفيف مره ويطير طيران..
بس اضمن لك انك تشيك على طرمبة البنزين مثل ماقال اخونا العزيزي مزمز...
fist302
07-08-2001, 10:15 AM
عزيزي SKYLINE GTR
الرقم اللي ذكرته في صرفية الماكسيما الى الربع الأخير من التانكي طبيعي جدا وعشان تكون في الصورة خذ عندك الأرقام التالية::
عبء التانكي فل وصفر العداد....
ستجد انه عند الخط الأول تكون القراءة حوالي 85 كلم
عند الخط الثاني ------------- حوالي 180 كلم
عند الخط الثالث ------------- حوالي 270 كلم
عند الخط الرابع ------------- حوالي 350 -380 كلم
مع ملاحظة انه هذه الرقام أخذت في طور القيادة العادية التي تشمل كل شيء....لكن....... لو تم حساب نفس الشيء على الخطوط السريعة فقط ستجد النسبة تختلف كليا....بمعنى عند الخط الثالث سيارتي تجيب 350 تقريبا بدلا من 270!!!...وبناء عليه كلام صديقك صحيح اذا كانت تجربته على خطوط سريعة ...
عموما أنا جربت الماكسيما على خط سريع وعلى سرعة 130 كلم وتانكي مليان وكانت النتيجة اني استطعت أقود سيارتي لمسافة 700 كلم قبل أن يولع النور البرتقالي.
عزيزي سيارتك سليمة مافيها أي مشكلة.
تحياتي للجميع
المميز
08-08-2001, 01:55 AM
^1
بالنسبة للماكس حقتك مافيها شي...
انت لو مسكت خط سفر يعني ماراح تصرف وراح تعجبك صرفيتها مره
كنت ماسك خط رايح 100كلم وراجع 100كلم نزل الامبير الى الخط
الثاني يعني بين النصف والفل...
المهم اما اذا كنت في المدينه فانت مثلا عبيت السياره فل بعدين
كل يوم تطلع مشوار البنزين راح يصرف اكثر للاسباب التالية:
1-تحمية السيارة في كل مشوار وتشغيلها.
2-كثرة التوقف عند الاشارات المروريه والدعس.
3-عدم الثبات على سرعه (اي تقعد تدعس زياده).
4-تشغيل المكيف.
فهذه تسبب ذهاب البنزين بسرعه...اما على الخط ان شاء الله تمام...
والسلام وعليكم...