View Full Version : الذكي فيكم يقلي ؟؟؟
ابو الشيماء
28-08-2001, 08:57 PM
مساء الخير شباب :
سؤال و يحتاج اجابه .
وراح اقول الجواب بعد 10 اجابات على الاقل
من هو الشريطي ؟
:):):)
الشريطي
هو من يشتري ويبيع في السيارات بغرض الكسب المادي ...
لكن للأسف كلهم الا من رحم ربي ..اقول كلهم حرامية نمبر ون
corvette indiana police
29-08-2001, 12:21 AM
لا والله ياخي كلمة حراميه كبيره شوي
لانه هذا مصدر رزقه من وين يجيب فلوس اذا ماباع واشترى
انت الحين مثلا موظف في الاتصالات جاك رقم مميز وشريته هل تسمى حرامي ابدا
وكذا كل واحد يستغل شغلته في الشي اللي ينفعه انا لمن كنت في المعارض كانت تجينا سيارات مصدومه ما كنت ارفضها ناخذها ونفر راس صاحبها هذي سيارتك يبي لها ويبي لها ويبي لها
لين ما يزهق ويرميها عليك برخيص وانت تجيب القطع من التشليح واحلى فلوس تجيك والله اكثر من راتب موظف سينير في ارامكو
اعطيناكم درس خصوصي في البيع والشراء http://www.swalif.net/sforum1/images/icons/icon10.gifhttp://www.swalif.net/sforum1/images/icons/icon10.gif http://www.swalif.net/sforum1/images/icons/icon10.gif
احنا ماقلنا لايبيع ولايشتري ...ولكن قلنا انه يجب ان يبيع بالصدق ويستري بالصدق
واما عن كلامك هذا فهو الحرام بعينه يا اخي corvette indiana police
انك تكره(بشدالراء) صاحب السيارة فيها وبعد ماتشتريهاوهي خربانه ....
يجيك واحد يبغى يشتريها ..وتقوم انت وتمدح فيها ..والله فيها وفيها وتراها زينه وماراح تلاقي احسن منها ..
او انها تكون على وشك تبويش وتقوم انت يالشريطي وتحط زيت يغطي على التبويش حق 10 او20 يوم ...وبعد شهر الا والسيارة مبوشة ويبالها مكينه جديدة ..وانت عندك علم من زمان انها على وشك تبويش
وهذا هو الحرام ذو الرزق الحرام ..
الواحد لن يموت حتى ياخذ كل رزقه اللي الله كتبه له ..فليش ناخذه بالحرام مع اننا لو صبرنا واجتهدنا بالحق والصدق لأخذناه عن طريق الحلال ؟؟؟؟
مسمار
29-08-2001, 04:21 AM
للمعلومية
استحاله الشريطي يبيعك أو يشتري منك بعدل
لازم ينصب عليك
يعني يشتري منك برخيص
ويبيعك بغالي
هذا طبعهم
وتراهم يتواصون
يعني سياره تنزل اكثر من مره يخفسون فيها الأرض يعرفون صاحبها محتاج
أقلكم كيفية عمل الشريطية هذا واحد من المدرسين معانا وقالنا أسلوبهم ( شريطي منهم بس معرفه )
يقول تنزل السياره المعرض اذا هي اول مره تتجمع الشريطية عليها في مدخل الساحة يخفسون السعر ليييين تطفش انت منهم وتطلع اذا جيت طالع يعطونك سعر غالي تروح انت جوه تحصل السعر داخل اقل من أخر سعر اعطوك اياه هم ترجع لهم يخفسون بك الارض
وفي شغله ثانية تتفق معاه على سعر يقول أجرب السياره وبس يركبها ويسوقه يطلع لك خربات ماهي فيها ويطيح من السعر 2000 الى 2500
نصيحة للي بيبيع سيارته لما ينزلها المعارض قبل ما يركب الشريطي سيارتك ويوديها المعرض خذ منه عربون عشان اذا ما عطاك السعر الأصلي تاخذ العربون وتمشي
عافانا الله وابعد عنا الغش والاكل الحرام
ابو الشيماء
29-08-2001, 05:37 PM
شباب الى الآن ما احد جاب اجابه
بعدين المطلوب التعريف يعني من هو, مو ايش يعمل بالظبط