View Full Version : ملاحظات على الكامري بعد انتهاء فترة التمرين 1000 كلم !!!!!!!
كابريس
11-09-2001, 02:33 PM
هذه هي الملاحظات :-
1-الكشاف الأمامي الأيمن ضوئه أطول من الأيسر
2-الضوء الخاص بعدادات السرعة احترقت بعض أجزاء منه ( الي خلف العدادات )
3- تصفير عند دعس الفرامل وهذي ماصارت إلا كم مرة وبعدين كل ماحاولت اطلع الصوت ماهو راضي يطلع
واليوم العصر ان شاء الله بأدخلها صيانة الـ1000 كلم :)
1-الكشاف الأمامي الأيمن ضوئه أطول من الأيسر
ههههههههههههه
الله يقطع سواليفك ياشيخ ...اقول ماتوديها يغيروا لك الشمعة كامل ؟؟;);)
كابريس
11-09-2001, 03:21 PM
والله ماني عارف
في واحد قال لي كل السيارات كده !
حتى البريميرا عشان لمن تمشي في خط مزدوج
حبيبي كابريس
هذا شي طبيعي بالنسبة للسيارات ذات المواصفات او ذات دركسون(سكان)في اليسار وزي ماتفضلت عشان لاتعمي السائق امامك في الخط المعاكس (مزدوج )ولو تلاحظ تلاقي السيارات الأمريكية تختلف بأنها تكون على هيئة نقطة وليس على هيئة كسرة كما باقي السيارات اليابانية والأوروبية ...حتى لو تلاقي سيارة يابانية وبمواصفات امريكية سوف تلاحظ ان النور يختلف عن الذي موجود عندنا اي تلاقية نقطة صغيرة ومن ثم تكبر وتكبر وهكذا
مسيطر
11-09-2001, 04:16 PM
بالنسبه للملاحظه الاولى
شي طبيعي.... والشباب ماقصروا..
وبالنسبه للملاحظات الاخرى
لا تعليق....
dr_messo
11-09-2001, 05:49 PM
قلنالو ايش رماك على الكامري قال ما احب الدعس ...
;);)
ما كان اخدت ماكسيما وريحت بالك :):):):)
ولا لأ يا حزب الماكس ؟؟؟؟
http://www.dr.waseem.4t.com
شيء طبيعي لما تحترق اللمبات يا دكتور كابريس:):)<==لأنها كامري
المفروض الوكيل يعطيك درزنين لمبات بجميع المقاسات علشان تغيرهم مع كل غيار للزيت;) "مزحة".
راجع الوكيل للملاحظة الثانية والثالثة ، أما الأول فأعتقد أنها طبيعية وهي كما ذكر S8.
مبروك أخوي كابريس ..
وبالنسبه للملاحظه الأولى .. مثل ما قالك S8 .. طبيعيه في أغلب السيارات
والثانيه .. غريب ان انوار العدادات تحترق !!!
وكذلك صوت صفير الفرامل اللي تكلمت عنه !!!
بس انتبه .. ..
ترى الكامري .. مو زي الكريسيدا ;)
كابريس
11-09-2001, 10:08 PM
:)
الله يبارك فيكم اليوم رحت الشركة قالوا جيب السيارة بكرة :) ونخلصها لك في ساعة وحدة :)
dr_messo
بلا ماكسيما بلا بطيخ بصراحة مادخلت مزاجي وشكلها ماعجبني
ولكني غير متندم على الكامري أبداً:)
بالنسبة للعدادات ماأدري ايش القصة لكن حأكلم الشركة واتضارب معاهم في هذا الموضوع ويمكن السبب الكهرباء زي ماقالوا في احد المواضيع لأني أستخدم النور العالي 100 مرة في اليوم ;) مبالغة طبعاً لكني استخدمه كثير حتى في النهار والي انحرق منه جزء بسيط جداً جداً حتى انه الوالد وأخوي الصغير مالاحظوه
وأما الفرامل ماجاء الصوت إلا كم مرة في أحد الأيام وبعدين ماسمعته أبداً يمكن عشان يومها مشيت قريب 200 كلم وكل بعد شوية اشارة وزحمة لأني مريت من جنب الحرم ووووووووو وكل دقيقة والثانية أحط فرامل :)
كابريس
11-09-2001, 10:11 PM
وبإذن الله السيارة المستقبلة كامري ثانية ;)
كابريس
11-09-2001, 10:52 PM
وكلها والحمد لله مشاكل بسيطة :) ماهي كبيرة :)
شوف حبيبي بالنسبة لصوت الصفير في الأقمشة لايهمك ...انا افتكر من زمان اول ماطلعت الكامري حقتي عام 97 طلع لي نفس الصوت ومالبث ان انقرض يعني شي طبيعي من استرالي ;)
dr_messo
12-09-2001, 12:17 AM
اف منك يا كابرس
لسا كمان تقول كامري
روح يا شيخ ان شالله ربنا يرزقك ب 100 كامري
بس لاتنسى انك ماتعطيني منها
انا ابغاك تبيع منها عشره .
وتشتريلي وحده بي ام جديده وحده اودي S8
ولا ايش رأيك يا S8 ??????
موافق طبعاً ولا تزعل اديك الS8 هديه كمان بس خلي كابرس يطلعها ...
:):):):):):):):)
قولو يا رب كابرس يكسب 100 كامري
ولا اقلكم 100 الف كامري ....
قال ايه بلا مكسيما بلا بطيخ ..
فينكم يا حزب الماكس يغلط عليكم وتسكتولو ,,,,
انا منكم اولعها حريقه ....
واللي يبغا انا اعرف سيارتو تعالو الجامعه وانا اوريكم هيا لاتسكتولو ابدا ..
;););););)
كيف التحريش بس ...
:):):):):):):):):)
والله وانسبت المكسيما على اخر الزمان ...
كبيييييييييييره
هههههههههههههه
http://www.dr.waseem.4t.com
SKYLINE GTR
12-09-2001, 01:47 AM
يا شباب اللي يبغى موتر مية المية
ينزل
ينزل بعد
بعد
خلاص السيارة هي
ماكس و بس
كابريس
12-09-2001, 12:28 PM
وسيم هذي وجهة نظري الشخصية :) ولولا اختلاف الأذواق لبارت السلع :) أنا الماكسيما الجديدة مادخلت مزاجي لكن القديمة أحلى منها بكثيييييير :) ولا تزعل ;) اليوم شايفك في الجامعة ;)
وانت طالع من المحاضرة :)
بس اظنك ماانتبهت لي
dr_messo
13-09-2001, 01:52 AM
انت شفتني وانا ماشفتك
يالله مالنا نصيب نقابلك ..
يرضيك كدا موضوعي ينقفل عشانك ..
شكلي المره الجيه الاقي نفسي في الشارع برا المنتدى بسببك ..
يالله ماني زعلان دخلت عن طريقك وخرجت بسببك ...
ربنا موجووووووود ...
:):)
http://www.dr.waseem.4t.com
كابريس
13-09-2001, 08:27 AM
أنا مالي صلاح اسأل مشرفنا ;)
كابريس
13-09-2001, 09:11 PM
للأسف لم تقم الشركة بتصليح أنوار العداد واتصلت بهم تلفونيا لأني استلمت السيارة عصر ولا حظت ذلك قريب المغرب عندما شغلت الأنوار وكما هي المشكلة لم تحل فقال لي في الصيانة قالوا انها سليمة قلتلوا ياأبويا والله محروقة قال طيب لمن تجيبها صيانة 5000 كلم نصلحها لك وعاد شوفوا ايش نهايتها