سوالف للجميع - Traction Control

Dreamer

19-09-2001, 03:45 PM

ياشباب ممكن احد يشرح لنا كيفية عمل Traction Control ومتى يجب اني اشغله و متى راح احس بالفرق اذا كان شغال او طافي.بصراحة اليوم كنت اسوق كابرس 2001 وشغلة Traction Control لكني ماحسيت بالفرق.

والله يا اخوان ماودي اعيد و ازيد في مواضيع الكابرس الجديده. لكنها سيارة ممتازة رساوة و قوة جبارة وبصراحة عديت 200 كلم/ ساعة والسيارة ثاتة و تقول دوس.

Dreamer

كابريس

19-09-2001, 03:51 PM

بصراحة أنا ماأبغى اتكلم في هذا الموضوع لأنه حيسبب لي مشاكل كثيرة شوف الخبراء في المنتدى E55 . S8 وووو غيرهم الكثير أما أنا فسمعت كلام كثير من ورا الكابريس

SUBARU AWD

19-09-2001, 04:15 PM

مرحباأخوي...
حبيت اقول قبل كب شيء التراك كنترول في الكابرس يكون شغال أوتوماتيك لكن اذا ضغطت الزر بجوار القير يطفى النظام..
المهم التراك كنترول يقوم بفرمله الكفرات الخلفيه اذا دارت بسرعه شديده(فحطت) حتى ما تفقد السيطره على السياره...
هذا اللي اعرفه.. اذا الشباب عندهم شيء افيدونا ...

cruiser2000

19-09-2001, 05:17 PM

الصراحه انا ما اعرف هذا التراك كنترول ممكن معلومات عنه شباب ........................... اعتقد انه نفسه اللي موجود في سيارة الاوبل اوميجاولا.... لاء لاني شفت فيها مرة زر بجانب القير علامته زي علامة الثلج .

CL-Class

20-09-2001, 05:29 PM

خذها على بلاطة ( وجود هذا النظام زي عدمه .... في الأمريكي وفي اللكزس )
وسامحني على هاذي العبارة ..... لأنها جاءت كـردة فعل تجاه هذا النظام الخايب اللي ماأعرف أحد استخدمه الا و ذمه و شتمه ( توهيقة :))

كابريس

20-09-2001, 10:20 PM

طيب ماذا عن الأسترالي؟؟؟

CL55-AMG

20-09-2001, 10:42 PM

TRACTION CONTROL هي عباره عن كلمتين TRACTION من الكلمه TRAC بمعنى تعقب و CONTROL تعني تحكم ليكون اسم النظام باللغه العربيه "نظام التحكم والتعقب" يقوم هذا النظام "المفروض" بمراقبة مسار السياره وعمل الاطارات الدافعه فيعطي اشاره عند خروج السياره من مسارها او عند حصول SPIN اي التفاف الاطارات في مكانها ويقوم بعمل اللازم لاعادة السياره لوضعها الطبيعي

اما عن كون هذا النظام يعمل في السياررررررات الامريكيه او لا بصراحه انا ماجربت وماراح اتفلسف في الموضوع ولكن اللي متاكد منه هو ان النظام الموجود في ال GS300 بالذات لايعمل بكفاءه وقد حصلت لي بعض المواقف معه وبعتها لهاالسبب

Dreamer

23-09-2001, 03:27 PM

CL55-AMG
كابريس
cruiser2000
SUBARU AWD
CL-Class

ِ Thanks all

Dreamer