View Full Version : اخيرا الملك يعود بقدرة حصانية تفوق ال500حصان
King_SS
28-09-2001, 01:36 PM
سلامي للجميع كيف حال الشباب وايش الاخبار
اولا احب اقللكم اني افتقدتكم بس والله الظروف كانت صعبة شوية
ثاني شي ابشركم انو الملك رجع باقوى كابرس اس اس في الشرق الاوسط بدون مبالغة .
السيارة رفعت قدرتها الحصانية الى 500 حصان مع اضافة السوبر شارجر وتعديل قدرته الضاغطة.
بالاضافة الى تعديل مكينته الاصلية الى اقصى حد توصل اليه
جميع القطع الرياضية وجميع الاكسسوارات مضافة الى محركي.
السيارة جربت مع البي لم ال ام 5 الجديد واكلته في القومة والخط.
طبعا شوفو انتو مستوى البي ام ال 400 حصان الجديد وايش مقدرته
وايش اللي بيسويه في السيارات الثانية.
والان انا قائم بصدد مشروع 200 حصان زيادة على القدرة الحصانية
الموجودة وان شالله يسير خير.
على فكرة ادعولي بالنصر يوم السبا انشالله راح تسير تجربة بيني
وبين ال فيراري F355 وربنا يسهل
وفي القريب العاجل راح احط صور الكابرس انشالله .
بس جيتنا هذي عشان نسلم عليكم .
Ferrari^_^love
28-09-2001, 01:41 PM
موفق ان شاء الله في التجربه الثانيه مع الفيراري ... أعتقد انك قادر على الفوز على الفيراري هالمسكينه هذي :):) .. بس يبيلك أتجرب مع المودينا :):)
الحمد لله على السلامة يا كنج :)
شو هالأخبار الحلوة هذي ؟
يا ريت لو تكتب لنا تفاصيل التعديلات
بس على فكرة ، أعتقد إن عندنا واحد في الإمارات (أبوظبي تحديداً) تجاوز الـ 500 حصان
سبق وأن كتبت عنه ونزلت مجموعة من الصور لسيارته
King_SS
28-09-2001, 02:05 PM
يا هلا والله فيك يا E55 تسلم والله من ذوقك .
حبيبي انا سمعت عن الكابرس اللي عندكم في الامارات
وانا طالب تحديد المستوى ومين صاحب اقوى كابرس في الشرق الاوسط
صراحة التعديلات وايد كثيرة بس انشالله انا بكتبها لكم في المررة الجية بس ابي اعرف وش حاطط هوا في الماكينة
بس زي ما قلتلك المكينة تقريبا 500 حصان وفي مشروع قائم لاضافة 200 حصان زيادة مع تخفيف في وزن السيارة
طبعا ما حقللك التعب اللي تعبته في السيارة عشان اوصل للمرحلة ذي
لاكن كل اللي اقدر اقوله غياب طويل ورجوع بقوة مهولة
مبروك عقبال تسبق الفايبر
والتعديل كله كم كلف
كابريس
28-09-2001, 02:47 PM
ماشاء الله 500 حصان !!!
يعني تطرح كابرسين ss :):):)
قائمة التعديلات طويلة وما أعرف كل التعديلات
لكن آخر إضافة كانت سوبر شارج بضغط 7 PSI
مع العلم إنه رفع سعة المحرك من 5.7 إلى 6.3 أو 6.4 (ما أذكر) وغير الجير من أوتو إلى عادي بست سرعات
أما التعديلات الصغيرة فهي بلا عدد ، مع العلم إن عنده سيارة ثانية سكايلان GT-R تكلفة تعديلاتها 126800 درهم
وحسب ما ذكر لي أن قوتها الحصانية ممكن تصل إلى 900 حصان (يعتمد على معايرة التوربو)
إذا تحب ، ممكن آخذ لك معلومات مفصلة ودقيقة
REGAL
28-09-2001, 03:21 PM
يا هلا و الله اخوي King_SS ...... يا مرحبا بيك مرة ثانية .... انا الصراحة كنت من المتابعين لمواضيعك قبل ما تتركنا ..... و ان شاء الله تحط صور الكابريس بسرعة ...... لأن انا مستنيها على احر من الجمر:):).... و اتمنى لك التوفيق في المطارحة بينك و بين الفيراي :):):) .....
King_SS
28-09-2001, 04:57 PM
تسلمو والله يا غاليين واحيي كل الحبابيب اللي افتقدتهم كل هذي الفترة .
والله من كلامك يا E55 انو كابرس موب هين يعني في منافسة بيني وبينه بس انا ازود منه في اشياء وهو ازود مني في اشياء ثانية
مثلا هو السوبر شارجر اللي عنده يعطي ضغط7PSI وانا اللي عندي
بيضغط 16PSI يعني تقريبا اكثر من الضعف للسوبر شارجر اللي عنده
وبالفعل انا حاولت اغير من غير اوتو الى عادي بس طبعا يا جماعة
انتو عارفين التكلفة كم اذا انا حبيت اغير من اوتو الى عادي
بيكلفني 9,950 USD يعني تقريبا 40,000 ريال سعودي
انا بالقيمة هذي ممكن اسوي جير اقوى بكثير من العادي
بس العين بصيرة والايد قصيرة
اعتقد هوا ذا الفرق اللي بيني وبينه اني انا اوتو وهوا عادي
وبالنسبة لسعة المكينة فانا اعتقد اننا مثل بعض كلنا نفس السعة
====
بس كلامك هذا معناه انو انا اتفوقت عليه في قوة المكينة
نظرا لاختلاف قوة ضغط السوبر شاجر
وعلى فكرة انا انشالله راح اغيب فترة ثانية وراح اجيكم باخبار جديدة
لاول كابرس في المملكة بجهاز تيربو يضغط 22PSI اعتقد المنافسة كذا انتهت لوول لاني ناوي اغير نظام السوبر شارجر اللي عندي.
او انو اغير مكينة واجيب ال 502ci طبعا يا جماعة هذي المكينة
من بلدها قوتها 502 حصان من غير تعديل ولا شي اطلاقا واعتقد انو
حيكون اختياري عليها بس انا في صدد الاختيار ما بين التيربو
والمكينة الكبيرة.
يا سيدي لكل مجتهد نصيب
وترقبو مني الصور باذن الله غدا احاول احطها او اليوم ان قدرت
وعلى فكرة في تعديلات قريبة راح تطبق على السيارة مثل
جنوط او رنجات خفيفة جدا مقاس
17 * 12 INCH الخلفية
17 * 9.5 INCH الامامية
والتواير او الكفرات حتكون
315/35/17 الخلفية
275/40/17 الامامية
باضافة كبوت للسيارة من الكاربون فايبر
وتعديل للشاسيه من الالف للياء
وترقبو الصور بس يا جماعة الصور اللي عندي قبل اضافة الرنجات
والكبوت الكاربون فايبر بس انشالله احاول اعملها سكان وابعتها
وعلى فكرة في فيديو كليبات للسيارة بتجارب مع عدة سيارات
اولها
نيسان 300zx بقوة 450 حصان معدل بالكامل من stive millen
2000 ام 5 400 حصان
طبعا في تجارب كثيرة .
لومينا تبع اخي عليها سوبر شارجر ومعدلة بالكامل
طبعا اصبح التنافس في الاخر بيني وبين اللومينا تبع اخي
والفرق بسيييط جدا
ولمحبي اللومينا واذا اودو انهم اعرفو اكثر انا ممكن
اتكلم عنها في موضوع منفرد وايش التعديلات اللي فيها
====
بس اهم شي ادعولي انو ربنا اوفقني بكرة مع الفيراري
Ferrari^_^love
28-09-2001, 05:24 PM
مع اني محب للفيراري .. بس لازم أنشجعك :):) .... وعقبال المكلارين F1 :):)
كم مرة كتبت لك
** إن شاء الله وليس إنشاء الله **
في فرق في المعنى
وينك يا مرشد ؟؟؟
على العموم ، بالتوفيق "إن شاء الله" ووين ناوي على هذا كله
لا يكون ناوي على المحرك النفاث بعد التعديلات هذي كلها ؟ :):)
King_SS
28-09-2001, 06:05 PM
لوول والله اسف اسف اسف بس ما اخذت بالي وانا بعد مستغرب انت ليش بتكرر العبارة ذي قلت امكن انت حاططها عنوان عندك والا شي
على العموم ((( باذن الله ))) ما يصير الا كل خير وشكرا
تحية طيبه للجميع وبعد ،،
ما شاء الله عليك أخوي King_SS :) .. ما خليت شيء في السياره ..
بس اذا كان مثل ماقلت ان سعة المحرك في حدود الـ 6,4 ليتر .. معناها انك غيرت محرك بالكامل .. وهذا مش تلغيم ;)
طيب أخوي ..
الحقيقه ما أدري اذا انت من السعودية أو لا ؟؟
لأنه في واحد معه M5 أسود .. من جده .. ملغم تلغيم خفيف .. ودي انك تجرب معاه :) .. هو تقريباً أقل من 500 حصان .
فاذا ودك .. أنا مستعد أرتب لك معه موعد ... وش قلت ؟؟
وبالتوفيق " إن شاء الله " مع الفيراري ;)
King_SS
28-09-2001, 08:23 PM
http://www.geocities.com/marrah_6afshan/ss_front.jpg
===
http://www.geocities.com/marrah_6afshan/ss_engine2.jpg
=====
http://www.geocities.com/marrah_6afshan/king_ss_rear_under.jpg
=====
هذي بعض الصور اللي حظيت وعثرت عليها في جهازي وراح ابعتلكم اكثر من كذا في المررة الجية
وللناس اللي تبي تشوف فيديو كليب للسيارة تبعتلي على ايميلي
وانا راح ابعتلها الفيديو كليبات بس يخلون بالهم
انو الكليبات احجامها من 1 الى 2 MB
او تلاقو السيارة كل يوم خميس واقفة قدام محطة المنار
للي ابو اشوفوها
ايميلي هو marrah_6afshan@yahoo.com
Ferrari^_^love
28-09-2001, 09:00 PM
أنا الصراحه من الناس اللي أبي أشوف كليبات لسيارتك :):) .. وللأسف ماأقدر أشوفها بالطبيعه لأني من الكويت :):) ... على العموم هذا ايميلي .. اذا تبي أدز الكليبات :
ferrari_q8@hotmail.com
وأعلمنا أب خبر فوزك على الفيراري ... موفق ان شاء الله :):)
على فكره .. أعتقد انه تقدر أدز الكليبات اللي حجمهم أقل من ال 2 ميغا .. لانه الحد الأقصى للتحميل في الايميل الهوت ميل اهوا 1024 ميغابايت ... اما اذا انت على الياهو تقدر أدز ميغا ونص
تحياتي لك اخوي :):)
على فكره الصور اللي نشرتهم ماأطلعت لأسف :(:(
ما شاء الله
ما شاء الله
لا لا ... السوبرشارج اللي على سيارة صاحبي مؤدب وصغير
اللي على سيارتك شكله يخوف :):)
Ferrari^_^love
Right click
save target as
وشوف الوحش :)
Ferrari^_^love
28-09-2001, 10:33 PM
وحش بمافيه الكلمه من معنى :):) ... عقبالك ان شاء الله يا E55 :):)
King_SS
29-09-2001, 02:48 AM
هذا الكليب اللي بيني وبين ال 300zx بمكينة 450 حصان معدلة بالكامل
ان شاء الله بس اشتغل معاكم تراه يشتغل ببرنامج الموفي بلير
انا على العموم حاطه في البريف كيس تبعي اذا ما اشتغل معاكم
روحو للعنوان التالي ونزلوه من هناك وبالتوفيق
http://briefcase.yahoo.com/bc/marrah_6afshan/lst?.dir=/
وانشالله بكرة احاول احط عدة تجارب بالسيارة مع سيارات اخرى
انته كينج بحقيقي
أول مرة اسمع عن ناس جذي في المنتدى بصراحة الواحد وده يطور في السيارة بس يخاف ان التعديلات تقصر من عمر السيارة خاصة اذا كانت 2001 ولا شرايك
والله وياك على الفيراري بالتوفيق انشالله
Salamander-C2K
29-09-2001, 04:51 AM
KING-SS......... الله يقطع شيطانك..... قول اميـــــــــــن :)
لا تكون انت اللي في بالي..... هاهاهاهاهاهاهاهاهاها.... والله مالك داعي..... انا قلت الرجال ترك المنتدى..... لكن خير خير :)
يالله.... ابغى اشوف المطارحه بينك انت والفيراري..... اذا كان هذا الشي ما يزعجك يعني :)
حياك الله King_SS
والصراحة إنا سعيد برجعتك معانا:).
وإلى الأمام دائماً وبالتوفيق.
Pure_Intimidation
29-09-2001, 01:57 PM
Way to go bro.
Very impressive achievment :)
أخوي King_SS ..
السياره بصراحه تخوف .. بس ودنا نعرف وش التعديلات الثانيه غير السوبر تشارج ؟؟
وبالنسبه للكليب .. ما اشتغل عندي :(
لو تحاول تخليه على الويندوز ميديا بلير يكون أفضل :)
الا على فكره ..
ما أدري ليش ما رديت على سؤالي بخصوص الـ M5 الأسود ؟
ولا تبخل علي باللي عندك .. وهذا ايميلي
only_M5@hotmail.com
Ferrari^_^love
29-09-2001, 06:59 PM
الكليب ماأشتغل عندي :(:( ... لو تقدر أتخلييه يشتغل على الميديا بلير مثل ماقال الاخ M5 .. ويعطيك العافيه :):)
الإخوان اللي ما اشتغل عندهم الكليب
أعتقد إنكم تحتاجون للبرنامج هذا
http://download3.divx.com/videoplayers/theplaya/DivX4FullInstaller.exe
Ferrari^_^love
29-09-2001, 08:43 PM
ماأدري شنو السبب :(:(:(
:( Come on guys .. I still can't watch the clip
Please do something
its very very easy to put it in Windows Media Player
I am waiting :)
King_SS
30-09-2001, 03:29 AM
السلام والرحمة والاكرام
باركولي يا شباب على النصر تمت التجربة مع الفيراري اليوم
السبت الساعة 11 مساء والحمد لله اتوفقنا :)
وترا على فكرة يا جماعة صاحب الفيراري معانا في المنتدى
وبصراحة تواضع رهيب وشخصية عظيمة ولي الشرف اني اتعرف عليه
والصدفة السعيدة انو حنا الاثنين موجودين في نفس المنتدى بس ما كنا نعرف بعض
وهو كان يقرى كلامي وكان متابع معي بس انا ما كنت اعرفه
شرف عظيم ومكسب عظيم اني التقيت بواحد مثله .
على العموم انشالله اذا سمحلي انا راح انزل الفيديو كليب
للي حصل بين السيارتين
والحمد لله على النتيجة اللي توصلت اليها بفضل الله ورضى الوالدين
والمررة القادمة ان شاءالله انا راح ازيد على قوة المحرك زيادة 200 حصان
وراح تكون هناك تجربة اخرى باذن الله
=====
بالنسبة للاخ اللي كان طالب مني اجرب مع البي ام الاسود
على فكرة احب انوه على شي اذا كان البي ام الاسود رنجاته او جنوطه
لونها اسود والشخص اسمه مازن فانا اقللك اني جربت معاه
قبل فترة وكنت العب معاه ويوم انا جربت مع الفيراري اتضح المستوى
يعني هو جرب معاها بعد تجربتي مع الفيراري من اول نمرة ما قدر اسوي شي مع الفيراري والمسافة كانت
بينه وبين الفيراري جدا جدا جدا بعيدة
وعلى فكرة البي ام اللي في بالي واللي اعتقد انت تقصده
معدل بالكامل من هامان وغير كذا فهوا كان بيعدله في لبنان
واعتقد صوت البي ام واضح على مستوى التلغيم اللي فيه
على العموم اذا انت تقصد بي ام ثاني فانا جاهز في اي وقت
=====
والسلام ختام وحمدالله على السلامة
===
وعلى فكرة يا شباب اللي ما اشتغل الكليب معاه احاول
اشغله من برنامج الكويك تايم فور ويندوز
او يشوف الاخ e55 هو حاطط وصلة تقوم بتحديث البرامج اللي عندكم
عشان تشغل الكليب
المشكلة يا شباب انو الكميرا اللي عندي ما تحول بس تصور
بفورمات معينة ما اقدر اغير فيها شي
بس زي ما قلتلكم افتحو الكليب بالكويك تايم فور ويندوز
ويا ريت اللي اعرفون مكان ننزل منه اعطينا الوصلة
وانا انشالله راح اكمل بقية الكليبات باذن الله
======
وترقبو المشروع الجديد باقوى كابرس في الشرق الاوسط بمحرك
600 حصان باضافة شاحن تيربو يضغط 22PSI
وكذلك بزيادة 200 حصان اضافية (NOS)
مع تغيير كامل للجير بوكس وتعديل نسب السيارة بحيث تعطي اداء
افضل في الخط
والهدف المستقبلي هو تجاوز حاجز ال 300كيلو متر في الساعة
وحتكون التجربة القادمة مع اقوة بي ام في المملكة
معدل من شركة DYNAMICS RACING بمحرك 550 حصانا وان شالله خير
بس همتكم وتشجيعكم يا شباب
والسلام ختام مع موضوع جديد وتجارب جديدة وتعديلات جديدة
ونصائح جديدة ومجربة
Eclipse
30-09-2001, 06:40 AM
الف الف مبرووووووووووووووووووووووك اخوي :):):):)
وموفق ان شاء الله مع ال BM :)
CAPRICE SS
30-09-2001, 10:12 AM
اتمنى لك كل توفيق
drnofo@hotmail.com
S2000
30-09-2001, 11:00 AM
طيب احد يكلمني يديني خبر او يدقلي ايميل ياشباب عن الاشياء الخطيرة هذي!!!
اخوي بصراحة انت عشرين الف كنج في بعض مب كنج واحد بس :)
كابريس وفيراري!!
دي حاقه ماحصلتش ;) ---------------> تعجبني :)
اقول ماقد سمعت ياكنج عن سيارة ابوعليhttp://www.swalif.net/sforum1/images/icons/icon10.gif ...انصحك انك ماتجرب معاه تراها خطيييييييرة
فاذا حبيت انه يكسر راسك خذ معه موعد وجرب والميدان ياحميدان http://www.swalif.net/sforum1/images/icons/icon10.gif
لا والله بصراحة ياكنج انك سويت شي مايتسوى وخاصة مع راعي الفيراري ..
وبالمناسبة انا معي نفس سيارتك ستوك وانت سيلت لعابي بتعديلاتك وخليتني اقرر اني ما ابيعها ...بس ماقلت لي كم تكلفة كل هالتغييرات والزوايد .
Ferrari^_^love
30-09-2001, 02:03 PM
وأعتقد اني عرفت راعي الفيراري اللي معانا في المنتدى ... وهو الأخ 740IL عنده فيراري 355 مزوده بقير الفورملا1 .. ألا قولي اخوي .. كم كانت المسافه بينك وبين الفيراري ؟؟؟ ... وأرجو انك أتشوف لنا صرفه مع الكليب ... اذا ممكن تقدر أتخليه يشتغل على الميديا بلير ويعطيك ألف عافيه .. والى الامام اخوي :):)
ادخل هذا الموقع
http://w1.463.telia.com/%7Eu46307158/extfaq/codecs.html
واللي يحب ينزل الكويك تايم
ftp://home.12move.nl/gejave_qtp412.zip
740IL
30-09-2001, 02:43 PM
اخواني الشباب اشكر الجميع على المشاركه في المواضيع ونتمنى التقدم وانا اشكر الاخ king ss على المجامله اللاطيفه هذة
عموما ان سوف اقوم بزياده عدد الآحصنه الى 300 حصان زيادة تقؤيبا مع الموجود يطلع حوالى690حصان وبتوفيق للجميع اما بالنسبه لتجربه يوم السبت في الليل كنت الدحدره للكابرس اول ثاني ثالث متعدي هذة رد لسؤالك يا فراري لوف ونتمنى التوفيق للجميع
L.O CUSTOMS
30-09-2001, 03:59 PM
واووووووووووووووووووووو
بصراحه حاقه محصلتش هاهاها
لا والله مبروك وما شاء الله على هاذي الكابريس تبيني اقرالك عليها..
طيب ممكن تعلمنا انت وينك بالضبط في الرياض؟؟؟
-اذا كان الجواب نعم.
((فأنا اتحداك بالرانجلر حقي المزود بـــ250 ارنب وصاروخ وانا مركب له جنط دتسن للأمامي والخلفي جنط ديـــــنا ومركب له شكمان دباب وحاط الشماغ على الكبوت السياره لماذا؟؟؟؟
ليزيد من اندفاع الساره ويجعلها تمشي على اربع كفرات + كفر الإسبير وهذا شي خيالي))هاهاها :)
740IL
30-09-2001, 04:22 PM
اخي العزيز king ss لا تنسي الموضوع الذي اتفقنا عليه تبع الفراري
ما عليش يا فراري لوف ودي في استفسار بسيط ما المقصود
فيراري أكثر من سياره .. إنها أسطوره ولماذا عشقت الفراري اكثر من البورش هل هنا ك سر وانا ما ادري واي نوع تفضل من الفراري
لا تقول غيرت عن الفراري f1 355
صحيح انه هزمني في القومه لاكن خط لا والله بصراحه انا متعدي الكابرس رغم ماشاء الله الزيادات التي عاملها وبصراحه انا اشهد للكابرس شهاده حق لو يخفف من وزن السيارة ممتاز لاتزعل يا king ss
الله يحفظلك سياراتك من العين وشررررررر الحاسدين
ونتمنى انا نكون اصحاب جميعا بدون استثاء وال king ssعلى راسنا من فوق
*SS* POWER
30-09-2001, 05:32 PM
ما شاء الله على سيارتك :) فعلا غضب :)
وعندي سؤال واحد هو كم كلفتك كل هالزيادات ؟؟ و وين لغمت سيارتك ؟؟
وشكراً
أبو نايف
30-09-2001, 06:43 PM
مبروك يا King-SS
-----------------> أروح جنط SS http://www.swalif.net/sforum1/images/icons/icon10.gif
____________________
m_a_x_i_m_a@hotmail.com
Ferrari^_^love
30-09-2001, 07:35 PM
شوف اخوي ... انا حبيت الفيراري ... لأنه هي السياره اللي خلتني أدش الى عالم السيارات ... والصراحه هذي السياره من ناحيه التصميمات والقوه روعه روعه روعه :) .. وهذا الكلام أب شهاده خبراء السيارات ... حين قالوا انه الفيراري هي أحسن شركه تصنع سيارات رياضيه في العالم ..مع احترامي الى عشاق السيارات الرياضيه الاخرى :):) ... اما من ناحيه البورش ... فأعتقد انه الفيراري رياضيه أكثر من البورش ... البورش للكشخه :):) .... وتصميمات موديلات بورش متشابهه نوعاً ما .. يعني شووف الحين التيربو والكاريرا S الجديده متشابهين في التصميمات .. مافيه تنوع .. اما الفيراري فهناك تنوع في التصميمات :):) ... اما من ناحيه النوع المفضل .. فأنا الصراحه أفضل كل الفيراريات :):) ... بس الفيراري اللي أحبه .. هي الفيراري 550 مارانيللو ... هذي السياره روعه في التصميم والقوه :):) ... ودي أسألك سؤال اخوي ... عطني رأيك بالفيراري 355 F1 ... اشرايك فيها .. وأب قوتها .. وشنو السبب اللي خلاك تشتريها :):) ؟؟
تحياتي لك اخوي وبالتوفيق :)
Ferrari^_^love
30-09-2001, 08:07 PM
باركولي شباب .. الكليب اشتغل على الكوك تايم :):) .. والله انه روعه :) .. مبروك على الفوز اخوي KING_SS .. وان شاء الله أنشوف كليب القومه بينك وبين الفيراري 355 مالت الاخ 740IL :):)
740IL
30-09-2001, 08:10 PM
شكرا على ردك اخي فراري لوف انا معاك في التصميم ان الفراري افضل من ناحيه التصميم بس اعتقد القوه هي البورش التوين تيربو
وكل واحد له وجهة نظر
اما من ناحيه اداء الفراري بشكل عام جدا ممتاز وخصوصا الf1 355
لانك ممكن تسخدمه يوميا هذا على كلام الشركه المصنعة وايضا المارنيلوا اما بالنسبه لباقي الموديلات مثلها مثل الديابلوا ماهي تبع كرف يومي
والقوه مافي منازع وخصوصا الف وان لانه في النقل اسرع من الجير العادي ولكن في القومه ضعيفه شويه وهذا بسبب عدم انتهاء الكلاتش بسرعة يعني عشان ما ينتهي الكلتش بسرعة ولا يكون الضغط على الكلاتش اما في تغير النمر ممتاز السرعة متاز في صرف البنزين اقتصادي رغم انها 8 سلندر 390 حصان بس اقتصاديه بس مشكلتها الصيانه لازم الشركه والشركه زي مانت خابر موس جدا حاد لو في احد تعرفه عنده خلفيه في االصيانه خارج الشركه او الوكاله انصحك بها
والسبب اني فضلت الفراري عن البورش
لاني احب التميز الفراري بغض النظر عن القوة شكلها متميز اكثر من البورشات وفي الآونه الآخيرة انتشرت البورشات بشكل غير طبيعي مع احترامي لا اصحاب البورشات
لاكن في المرتبه الآوله هي البورش عندي وبعدين الفراري وبعدين الديابلوا
واسف على الإطاله ولو كنت في جدا كنت خليتك تسوقها وتعطني رايك يها وشكرا
Ferrari^_^love
30-09-2001, 09:00 PM
والله يهنيك بال 355 ... وان شاء الله أنشوف التعديل عليها .. عاد فيراري ومعدل .. راح أتكون صاروخ أرضي :):)
تحياتي اخوي :):)
على فكره ماعندك مسنجر ؟؟؟
تعتقد مكينة سيارتك كم بيصير عمرها الإفتراضي بعد الإضافات الحالية ؟
وهل غيرت اي شي في ناقل الحركة ؟
lumina
30-09-2001, 11:11 PM
عسى إنك تفوز و تزيد قوتك الى 700 حان و تسوي طاف للفراري F335 لكن مثل ماقال أخوي فراري يبيلك تجرب المودينا ....
S2000
01-10-2001, 11:49 AM
اول شي ماشاء الله مرة عاشرة :)
اخوي كيف قدرت تحسب القوة الحصانية لسيارتك!!
هل في داينو في جدة! او عندك جي تك! او الارقام كلها تقريبية :)
supra
01-10-2001, 05:44 PM
السلام عليكم ورحمة الله وبركاته وبعد:
مبروك لك ياأخ king_ss على الفوز وان شاء الله اتمنى لك الكثير.
حبيت اعرف بس انت من وين , لاني ابيك تجينا الشرقية خصيصا كوبري الدمام (سيهات) لان في موتر يريد مطارحتك وهو:
موستنج LX موديل 91 ملغوم لللأخر + اسطوانتين غاز .
حبيت اقولك بان صاحب الموستنج عنده علم عن موترك ومطارحاته
بس مو مقتنع به فياليت تجي وتبرهن له العكس .
مع تحياتي
SUPRA
King_SS
04-10-2001, 11:21 AM
السلام والرحمة والاكرام
سامحوني يا جماعة على التاخير بس انا اصبت في اسفل ظهري وما قدرت ادخل النت بسببها
اول شي للي يسال عن الداينو طبعا في داينو في جدة وهوا في ساماكو
والاحصنة اللي قاعدين نحسبها فهي تقريبية ماهي محددة
بالنسبة للشرقية يا صديقي العزيز في موستنجات في جدة هنا
مررة قوية غير ما تتصور بس مافي احد طلب مني تجربة فعلية
ليش مدري ... يعني احس انهم مترددين بعض الشيء
=====
لاكن السيارة حاليا في الورشة بسبب الصيانة وتغيير بعض الاشياء
وطبعا راح تختلف سحبتها وقوتها كليا.
لانو للان انا ما زال عندي نقاط ضعف مسببة ضعف في السيارة
لاكن انشالله بعد الصيانة راح اسير شي تاني
وعلى فكرة يا شباب في ترتيب سباق بيني وبين الديابلو
بس لغاية الان منتظرين الراجل يرجع من السفر
وفي نفس الوقت انا منتظر سيارتي والنتائج الجديدة
=====
وهذي صور السيارة للي ما شافها
http://www.geocities.com/marrah_6afshan/king_ss_rear_under.jpg
http://www.geocities.com/marrah_6afshan/king_ss_system2.jpg
http://www.geocities.com/marrah_6afshan/ss_engine2.jpg
http://www.geocities.com/marrah_6afshan/ss_front.jpg