View Full Version : ويييييين الدودج ؟؟؟؟
غريب السيف
20-12-2001, 11:45 AM
حبيت اطرح موضوع عن الدودج وعن سبب غيابها عن الخليج
وتعرفون ان دودج ما تنزل غير سياره وحده وهي الدورانجو بس....
شو اسباب عدم نزول سيارات مثل الانتربيد و استراتوس ب انواعها الكوبيه والكشف والرام والداكوتا؟؟؟؟
وليش تركت الساحه لكرايزلر؟؟؟
http://www.4adodge.com/intrepid/gallery/img/tour3_lg.jpg
http://www.4adodge.com/neon/gallery/img/tour1_lg.jpg
http://www.4adodge.com/stratus_coupe/gallery/img/tour5_lg.jpg
http://www.4adodge.com/stratus_sedan/gallery/img/tour1_lg.jpg
http://www.4adodge.com/ram_1500/gallery/img/tour1_lg.jpg
s3ood
21-12-2001, 05:53 PM
غريبه ..
في البحرين الدودج رام متوفر
واما عن الداكوتا و عن الستراتوس كانوا متوفرين لين موديل 1999
والانتربيد كانت لين الشكل القديم بس ما اذكر لين اي موديل
غريب السيف
21-12-2001, 08:38 PM
يمكن انا ما وضحت ان الدودج ما تنزل في الامارات وعندنا الوكاله ما تنزل
الرام الا بطلبيه والداكوتا عمره ما نزل عن طريق الوكيل
اما الاستراتوس فحلت بدالها السيبرنج من سنتين
والانتربيد انقطعت من سنه 96
ولولا الدورانجو ما كنا بشوف علامه الدودج في الشوارع!!!!!
وخوفي ان حالها راح يكون مثل البونتياك!!:rolleyes: :rolleyes: :rolleyes:
s3ood
21-12-2001, 08:48 PM
الشيء اللي انا ملاحظة ان سوق الأمريكي مره مو ماشي في الأمارات، لا الفورد ولا الدودج و لا غيره
مع العلم انه تقدر تقول ان الفورد من كم سنه يمكن قام ينافس مبيعات التويوتا عندنا.
فمادري ليش الوكلاء عندكم مو مهتمين!
ألأعرابي
21-12-2001, 11:08 PM
في البحرين متوفر ال:
فايبر
دودج رام
درانجوا
VIPER GTS-R
22-12-2001, 05:57 PM
السلام عليكم
هذي اول مرة اكتب فيها بهذا المنتدى الى اعتبره احسن منتدى للسيارات ونرجع لموضوعنا .
انا قريت في مجلة سعودي اوتو في مقابلة مع مدير مكتب دايمر كرايسلر عن هذا الموضوع لما سأله بكر ازهر عن انقطاع منتجات دودج عن الخليج بعد ان حققت نجاح في السوق الخليجية مثل انتربيد وغيرها فأجاب ان الشركة عملت استراتيجية جديدة الهدف منها منافسة سيارات الشركات الاخرى لانه في السابق كانت الدودج كرفان والكرايسلر فيوجر المني فان تنافس كل منهما الاخرى بالرغم انها سيارة واحدة ولكن باسمين مختلفين ولهذا فالاستراتيجية الجديدة تنص على تسويق سيارات دودج في السوق الامريكي فقط اما شاحنات دودج فتسوق في العالم مثل الرام والدكوتا وغيره وتسوق سيارات كرايسلر في العالم لتنافس سيارات الشركات الاخرى .
وللمعلومية فان شركة دودج وكرايسلر وجيب ومرسيديس بنز تعتبر شركة واحدة تحت مسمى دايمر كرايسلر .
اما عدم وجود الداكوتا والرام عند الوكلاء فيمكن ان السبب كثرة الطلب عليها في امريكا بحيث ان الشركة ترى ان تسويقها هناق يتم بصورة اسرع .
عسى مانكون طولنا عليكم وللمعلومية (( يوجد لدي سيارتين من دودج واحدة دودج انتربيد موديل 1994 ودودج داكوتا 94 وكلها ماشية زي الحلاوة بس مشكلتها قطع الغيار ياهي غالية .;) http://www.showcars-bodyparts.com/intrepidsilverrearsm.jpg http://www.showcars-bodyparts.com/intrepidsilverfrtsm.jpg
غريب السيف
23-12-2001, 08:04 PM
تسلم ياخوي علي هالمعلومات والله ما طولت بالعكس
ترى انا من اكثر عشاق الدودج وخاصه الرام لان صديقي عنده وحده
جايبها من امريكا من نوع SST
ومايحصل قطع غيار لها في دبي ويضطر انه يروح وكاله الشارقه
وحتي الخدمه في الوكاله ما تكون على المستوى:mad: :mad:
VIPER GTS-R
24-12-2001, 05:18 PM
مادري ياغريب السيف كيف قطع غيار الدوج عندكم غالية ولا لا
لانها عندنا غاليه مرة .
الشي الثاني وش هو الرام sst اول مره اسمع به عطنا معلوماته وصورته اذا كان فيه امكانية وكيف استهلاك البانزين معاه .
وشكرا لك .
wwf Manager
24-12-2001, 05:43 PM
بس شفت نوووو ع وااحد في لدوحة ما أعرف ليش ؟؟؟؟
بس موضوعك جميل :)