سوالف للجميع - أين أجد الـSiR

NFS

25-12-2001, 07:34 PM

^1

ان شاء الله بعد فترة بطلق سيارتي وبعطيها أخوي الصغير وبأخذ لي سيارة ثانية ، وأنا أفكر في سيارتين إما أكورد VTi أو سيفيك SiR.

وأنا الصراحة رغبان في الـSiR أكثر لأن الأكورد أغلبها أوتو وأنا أبغى السيارة تكون عادي فلذلك إذا لقيت SiR نظيفة وبسعر مناسب أكيد بأخذها ، وهنا بغيت أسألكم هي الـSiR متوفرة في دول الخليج غير السعودية ؟؟؟

وأيش الموديلات إللي نزلت "أقصد سنة الأنتاج"؟؟؟

في السعودية نزلت بس 8 سيارات سنة 96 وهي أندر من البورش911!!!!

E55

25-12-2001, 08:26 PM

بالنسبة للشكل الجديد ما أعتقد إنها متوفرة ... على الأقل في الوقت الحالي

أما بالنسبة للشكل القديم ... تعال الإمارات وأنا عندي لك وحدة لونها أحمر ونظيفة;)

Z28*POWER*

26-12-2001, 01:18 AM

يا E55 و NFS في أحد منكم يملك civic sir ، ألي يملك هذي السياره ممكن يعطيني معلومات عن محركها و السيارات الي تقدر تطرحهم ؟:confused: :D

NFS

26-12-2001, 09:17 PM

E55

أوكي أجد أنا جاي عندكم لأن الموديل إللي أبغاه لازم يكون أقل من 2001 "الجديدة تفشل"، بس صاحب السيارة هذي أنسان هادي وإلا حق سباقات وقومات؟؟؟

Z28*POWER*

هشام "S2000" هو اللي يمتلك السيفيك SiR وأنا ما أعجبت فيها إلا بعد ما جربتها.

ومواصفاتها :
المحرك : B16a
السعة : 1.6 لتر
القوة الحصانية: 160@7600 RPM
الخط الأحمر يبدأ عند 8000 RPM

القير عادي 5 سرعات "الحمدلله أنها ما تجي أوتو".

وزنها بس 1090 كلغ.

السيارات إللي تقدر تعديها:
أيش شيء أسمه أكورد "4 أو 6 سليندر" ما عدا التايب أر.
أيش شيء أسمه كامري "4 أو 6 سليندر" بالتجربة الفعلية.
اللومينا V6 سواءً عادي أو أوتو "مجربين مع لومينا قير عادي".
الكمارو 6 سليندر قير عادي "مجربين معاه".
الماكس "بس القير أوتو أما العادي ما في أمل:mad: :mad: :mad: ".

_____________________________________

شباب الكويت هل هذي السيارة موجودة عندكم؟؟؟

كابريس

27-12-2001, 01:18 PM

والله أشوف الأكورد أحسن :)
وجهة نظر:D

FIGO

27-12-2001, 05:09 PM

يا شباب ممكن صور لل SIR ?

تحياااااااااااتي

NFS

28-12-2001, 08:53 PM

FIGO

الصراحة أنا دورت صور للنسخة الموجودة عندنا بس ما لقيت لكن هي تشبه السيفيك VTi من الخارج ومن الداخل والأختلاف هو المحرك.

في مواضيع عن النسخة الأمريكية "ما تجي عندهم إلا كوبيه":
http://www.motortrend.com/april99/civic/civic_f.html

http://www.caranddriver.com/xp/Caranddriver/roadtests/1999/April/199904_roadtest_honda_civicsi.xml?Manufacturer=Honda&Name=Civic&class=42

FIGO

28-12-2001, 08:59 PM

اهلين :)

مشكور اخوي على اهتمامك بالموضوع و اسفين انا تعبناك معانا :)

و ان شاء الله تحصل مرادك و تشتري السيارة :)

بس ممكن سؤال :) اعتقد انه بسيط :) من 0 الى 100 كيلو في كم تجيبها ؟:)

و كم سعرها ؟!:)

تحيااااااااااااااااااتي

NFS

28-12-2001, 09:06 PM

في أحد الموقعين ذكر أن التسارع من 0~60 ميل في 7.2ثانية.

وزي ما أنت عارف هذي أكبر خدعة تعملها مجلات السيارات في ذكر التسارع ، لأن 60 ميل/ساعة يساوي 96 كلم/ساعة بينما 62 ميل/ساعة يساوي 100كلم/ساعة .

فلذلك أنا أقدر التسارع أنه يكون بين 7.5~7.7 ثانية.

وفي سنة 96 كانت تباع عند الوكيل في السعودية بـ65.000ريال "غالية صح؟؟؟".