رزين
01-01-2002, 02:53 AM
السلام عليكم ورحمة الله وبركاته بدي انطيكم بعض ألقاب السيارات اللي عندي وانطونا اللي عندكم نبدى بـ ( أم عزيز ) ومعروف انها ( الداتسون ) وإن بغيت تمدحها سمها ( أبو عراوي ) . وفيه كمان ( كراع سعيده ) وهي ( الكرسيدا ) و ( السلقة ) واظن هاللقب علشانها سيارة الصيد وترى حتى الشكل ماهو بعيد أظنكم بتقولون لي ( جيب الشاص ) ! صح عليكم ، ويسمونه بع ( أبو شنب ) . ( والبقرة ) شف وجها وحلب لبن ( مازدا بقس ) وخاصة القديمة . أما أشهر لقب هو ( الشبح ) اللي طغى حتى على إسم السيارة ( مرسيدس ، بنز ) والموديل الجديد سموها ( فياقرا ) ، أما ( البنز الصغيرة ) يسمونها ( فرخ الشبح ) طيب مادام إنّا في سيارات الجخ نعطيكم لقب قليل اللي يعرفونه وهو ( الضفدع ) حطوه ( للكزس G300 ) الجديدة و (الكزس ) الشكل الثاني يلقبونها ( لكزس كامري ) . وخر عن ( الدب ) ليا مسك الخط ( BMW ) الفئة السابعة . ( والكابرس ) م 79 يلقبونه ( بالتسعاوي ) وصدق اللي قال التسعاوي يجرح ويداوي ويجيب البلاوي ، أمّا من م 92 إلى م 96 معروف بتسمية ( الصابونه ) . كما أنه مشهور إن ( الألتيما ) ( قوطي ) وإن ( الهايلكس ) ( قليلة خاتمة ) لحوصتها بعد الفرامل والخطوط السريعة أكبر دليل . و ( المكسيما ) ( المجنونة ) لشدة سرعتها . ( الكرسيدا XL ) قديماً ( والكامري ) حديثاً انهما ( لتنطيل المريح ) يوه بغيت أنسى ( أبو عبر ) ( GMC ) هذا اللي جاء على بالي وحبينا نسليكم فيه واللي عنده زياد لا يقصر مع السلامة