View Full Version : تغير زيت المحرك
ألأعرابي
02-01-2002, 04:43 PM
أبغي أعرف هل تغير زيت المحرك من نوع الى أخر يعني موب مره وحده بس
لا كل مره غيرو يضر المكينه أو عادي؟
هل من الممكن يعرفون اذا بدلنا الزيت , عندما يحين موعد تغير الزيت مره أخرى
يعرفون أنه مبدل؟
MegaTroniC
03-01-2002, 02:32 AM
السلام عليكم
من المستحسن استخدام نوع الزيت الموضح في الكتيب المرفق مع السياره..
مثلاً..انا عندي في لومينا اس اس ينصحون باستخدام زيت درجة لزوجته 10\30 (كاسترول مثلاً)
لكن بما انه غير متوفر دائماً وغالي...ممكن استخدم 20\50..
انا من شريتها الين وصلت 27 ألف كيلو وانا استخدم زيت شل سوبر بلس...بعدها غيرت وصرت استخدم فوكس سوبر جي تي لانه اثبت جدارته..
ولا يستحب تغيير نوعية الزيت في كل مره لان التركيبه تختلف..وقد يكون الزيت من نوعيه متواضعه فيكون له تأثير سلبي على المحرك..
المهم...احرص على ان لا تضيف كميات اكثر من اللازم..عند تغيير الزيت..لان اغراق المحرك بفائض من الزيت يؤدي الى دخول الكميه الفائضه الى الاسطوانات ومكابسها واختلاط الزيت بها وبالتالي تبخره وهذا يلحق الضرر بالمحرك..يعني ممكن يطلع لك صوت وتصير المكينه ثقيله شوي..اذا انت عايرت الزيت وشفت انه زايد اشفط على طول وخفف...
مساله يعرفون ولا ما يعرفون ما اعتقد..لكن بعضهم يشوف هل لون الزيت ماتغير؟ ذيك الساعه يقولك مثلا هذا فوكس او هذا...الخ
واذا شافه اسود يقولك هذا شل سوبر بلس او...الخ
يعني صعبه يحدد نوع الزيت بالضبط وشو.
وشكراً
ألأعرابي
03-01-2002, 04:44 AM
مشكور ما تقصر
أنا عندي كابريس س س و شتنصحني فيه حق سباق؟
او لأداء أفصل؟
يالأعرابي
إذا رديت على سؤالك
"أنا عندي كابريس س س و شتنصحني فيه حق سباق؟
او لأداء أفصل؟"
هل بتسمع نصيحتي؟؟؟
أنا أنصحك أنك تستخدم هذا الزيت:
http://www.mobil1.com/products/images/im_oilcarton_sm.gif
اللتر الواحد سعره على ما أظن 25 أو 35 ريال يعني حق سيارتك 5×35= 175 ريال.
أيش الشيء المميز فيه أدخل على هذا الموقع:
http://www.mobil1.com/index.jsp
أعتقد أنك تعرف عنقلينزي :D :D
وأقرأ كل المقالات المتعلقة عن الـSynthetic Oil وبتلاقي أنه أفضل بكثير من الزيوت العادية.
سؤال : محمد بن سليم لما يكون عنده سباق بسيارته الفوكس بيحط زيت أبو 15 ريال؟؟؟؟
طبعاً لا ، هو يستخدم زيت من هذي الفئة إللي أنا أتكلم عنها وصدقني بتلاقي فرق.
على فكرة لزوجة الزيوت العادية 20-50W لكن هذي النوعية تأتي بمعايير لزوجة مختلفة والشيء المناسب لبيئتنا وجونا هو 15-30W.
وكلا المعيارين مناسبان للظروف الصحراوية.
ألأعرابي
04-01-2002, 02:41 AM
يعني موبيل ون أفضل حق المطارحات من جي تي اس كاسترول اللي قالي عنه سوبرا سي؟
الصراحة أنا أعرف أن كاسترول عندها زيت أسمه GTX وهو زيت بترولي عادي.
بإمكانك تدخل على هذا الموقع وتشوف :
http://www.castrolusa.com/
لكن إذا كان يقصد السينثاتيك فهو حيكون بنفس مرتبة الموبيل واحد.
MegaTroniC
04-01-2002, 03:56 PM
السلام عليكم
الحين انا احترت توني مبسوط صرت احط زيت فوكس!
انا ابي زيت يحافظ على نظافة المحرك...يتحمل...اذا جيت اغيره بعد ال 2500 او 3000 ما يكون أسود.
هل استخدم كاسترول بلزوجة 10\30؟
ام ان فوكس سوبر جي تي يقوم بالمهمه؟
وموبيل هذا ما ارتحت له الى الحين..
وش يفرق زيت يستخدم في السباقات عن زيت عادي؟
هل تكون تأدية السياره افضل بشكل ملحوظ؟
ضع خطاً تحت كلمة (ملحوظ).
ألأعرابي
04-01-2002, 05:12 PM
ميجا ترونيك حبيب قلبي:D
ليش تزعل اذا تشوف الزيت عندك لونه أسود؟
ما تدري انه اذا كان الزيت اسود اللون يعني أنه يقوم بعمل ممتاز و حان موعود تغيره؟:D
MegaTroniC
13-01-2002, 06:44 PM
الاخ NFS
انت عندك لومينا اس اس موديل 2000؟
وش نوع الزيت اللي تستخدمه الحين؟
وش رايك في موبيل1؟
انت تستخدمه الحين؟
هل الزيوت الصناعيه افضل من غيرها؟
هل لها تأثير على المحرك؟
في الكتالوج مكتوب عندي ينصح باستخدام الزيوت الصناعيه بمواصفات 10\30
هل موبيل1 بنفس المواصفات هذي؟
انا من شريت السياره استخدم شل سوبر بلس من الوكاله الين ما وصلت 28 ألف تقريبا حطيت فيها فوكس سوبر جي تي...اشوفه احسن...لكن الحين افكر استخدم الزيوت اللي تستخدم في السباقات مثل كاسترول 10\30 أو موبيل1
هل بيكون فيه تغير ملحوظ؟
وليش صعب الواحد يلقى موبيل 1 في الاسواق؟
وشكراً
MegaTroniC
13-01-2002, 06:52 PM
سلام
نعم معك حق يا الاعرابي
شف وش مكتوب في موقع موبيل:
did you know?
Motor oil that looks dirty is doing its job, removing contaminants from the lubrication system
يقولك هل تعلم ان الزيوت التي تبدو متسخه انما تقوم بعملها؟
:)
SL500
27-01-2002, 06:13 PM
شكر للأخوان القائمين على الموضوع لأهميته...