View Full Version : To Fares SS
MegaTroniC
07-01-2002, 04:37 PM
سلام!
مساك الله بالخير
بغيت اسالك بخصوص الكابريس اس اس..
1-وش انطباعاتك عن السياره بشكل عام؟
2-كم كيلو ماشيه الحين؟
3-كيف عزم السياره واسلوب سيرها؟ ثباتها؟
4-العزل الصوتي؟ كيف؟
5-التصاق السياره بالطريق على السرعات العاليه؟ كيف؟ ممتاز؟
6-من يبدا صوت ضجيج المحرك يطلع؟ فوق ال 120؟ ال 160؟ ال 180؟
7-اذا انت ماشي 120 كلم\سا كم يكون عدد دورات المحرك؟
8-جهاز التحكم بالتماسك كيف كفاءه عمله؟ هل يتدخل الجهاز في الوقت المناسب؟
لان الظاهر الموديل الجديد افضل من الموديلات السابقه.
وشكراً لك
والله يعطيك خيرها ويكفيك شرّها.
كابريس
07-01-2002, 05:35 PM
MegaTroniC
انت ماجربت سيارة والدك؟؟
هل هناك فرق في الرساوة والثبات في المنعطفات بين كابريسSS و LTZ؟
وهل ال30 حصان تجعل الفرق في القوة ملحوظ؟
ألأعرابي
07-01-2002, 06:05 PM
30 حصان فرق ملحوظ جدا!
MegaTroniC
07-01-2002, 07:37 PM
اخ كابريس!!
ايييييييييييييه فيه فرق بين ال تي زد واس اس من النواحي التاليه:
1-الجنوط في اس اس 17 انش بينما ال تي زد 16 وهذا يجعل اس اس اكثر ثباتا وتماسكا..وسرعه!
2-نظام التعليق في ال تي زد تغلب عليه جوانب الراحه بينما في اس اس نظام التعليق اكثر قساوه..يعني السياره بتصير اكثر ثبات وقوه..
3-محرك اس اس 325 حصان مع 48 كلغ.م من العزم اما ال تي زد 295 حصان مع 45 كلغ.م من العزم..
الفرق شكله كذا بسيط لكن محرك اس اس كل شي فيه معدّل...التوقيت وقدرات الصمامات (لها قدره استيعابيه اكبر) وطريقة تنقيلات القير رياضيه أكثر....بشكل عام محرك كابريس اس اس ولومينا اس اس لها مردود عالي من الطاقه High output وهذا يوفر للسياره العزم والمرونه مع نعومة في التشغيل وهذا ما يميز لومينا اس اس وكابريس اس اس عن السيارات الرياضيه الاخرى..
ولعلي اذكر هنا لكزس ال اس 430...سياره فخمه ولكن النفس الرياضي فيها جبّار..مع نعومه فائقه!!
لكن بعض الشباب ما يحسون بطعم السياره الرياضيه الا اذا سمعوا صوت الماكينه...زي خوينا بطل فيلم تاكسي2 الفرنسي يقول السياره ما تصلح ولا اسوقها اذا ما كنت اسمع صوت المحرك وانا أسوق!
شفتوا الفيلم؟ TAXI-2
انا سالت الاخ فارس لان معه موديل 2002...اعرف 2 عندهم كابريس اس اس لكن كلها موديل 2000
انا ابي اشوف الفرق في النقاط اللي قلت له عنها وبقارنها بنتايج موديل 2000...
لان كابريس اس اس يفرق عن لومينا اس اس حتى ان واحد قالي ان لومينا اس اس افضل من ناحية متعة القياده الرياضيه والرساوه والثبات.
الكابريس مشكلته تمشي 160 وما تحس! ونظام التعليق اقل قساوه من لومينا اس اس.
لان الظاهر كل موديل أفضل من اللي قبله! وانا اشوف ان موديلات 2002 اكتملت تقريبا...والكمال لله :)
انتظر الرد من الاخ فارس..!
Fares SS
08-01-2002, 05:48 AM
معليش اسف على التاخير بس تدرون اختبارات وحوسة ....
انطباعي عنها للحين صراحة سيارة شيييييي ما شا الله عليها مريحة في الخط وصاااااروووووخ طبعا ما يحتاج اقولكم على عزمها .....
ما شيه للحين يالطيب تقريبا 1900 كيلو ......
ثباتها جيييييييد طلعت نزلت كابرس
:D :D
العزل الصوتي ممتااااااااااااز واحسن من الي قبله بكثير .......
والله اول ما مشيت السيارة 1000 مشيت فيها 230 تقريبا وثباتها والتصاقها حلو ما عليه بس والله الضجيج ما ادري بالضبط متى ....
اعتقد 1200 او 1300 دورة اعتقددددددددد بس هي بذي الحدود..
جهاز التماسك جيد بس على السرعات المنخفضة طبعا 80 وتحت ....
وأرجو اني اكون جاوبتك على كل اسالتك واذا تبي اي سؤالي انا حاضررررررررررررر ...... وسلامتكم....
MegaTroniC
09-01-2002, 12:15 AM
سلام
اخيرا رديت
الحين اول ما خلصت ال 1000 كيلو مشيت بها 230؟
هاهاهاه كان صبرت زياده احسن
انا جلست 1500 كيلو ترويض (لومينا اس اس) يعني بدون ما اعدي ال100
وما صرت اقاوم وادعس بنزين الا بعد ال 3000 كيلو
لان المحرك جبار...يبي له ترويض...هو زي الاسد والنمر بالضبط :D
وشكراً على التواصل
Fares SS
09-01-2002, 03:05 PM
ههههه اتصدق واحد من الشباب قالي نفس الكلام اني لازم أروضها وأنها مثل الأسود وعنده هو بعد لومينا اس اس لا يكون انت ههههه..... والله ما صدقت متى توصل ال 1000 عشان اغير زيت وأدعس .....
وسلامتكم
عبنشل
09-01-2002, 04:31 PM
الحين الكابريس الـ ss واللومينا الـ ss خمس سرعات ولا أربع ؟؟ وشكرا
أحس إنه أربع كعاده الأمريكي .... وأتمنى يطلع إحساسي غلط :D