الــدارمــي(الله يستر)

[Kuwait_MoON]

السلام عليكم..
انا عضو جديد في منتدى الشعر وحبيت اضيف هالمشاركه لمشاركاتكم الجميله واتمنى انها تعجبكم...وهي منوعات من الشعر الدارمي العراقي والمتميز بالقوه ودقة الوصف..
####################
#################الـــــدارمــــــــي##################المســاجــلات###
####################
الخضر هذا عليج وانت بمسيه عينج تصد للغير لوبس أليــه..
الخضر هذا هناه وآنه بمسيه مثل اليطب السوق وروحه طريه..

ناقه شكثر لناس درن ثداياي تاليها للقصاب ودتني دنياي..
ماهمني القصاب العلك جــلاي همني الصديق الكان اقربلي من هاي..

بالك تمر بالدار عنها ابعد بعيد دار العزيز هواي نوح وبجي اتريد..
عمده ارد امر بالدار والنوح ازيده وأسمع صداها يقول راح التريده..
عمده ارد امر بالدار واشبع مغمه والمعتني الطيبات لو طاح شيهمه..

صيحت حيل وحيل وباليمنه اوميت ياهو الصحتله دخيل ضم روحه بالبيت..

زين انته ويضل بالبيت الردته فزاع آنه القلتله دخيل ضم روحه بالقاع..

كون الحبيب يصير ترجيه بأذني وان قمت وان قعديت بالخد يحبني..
كون الحبيب يصير مقلد ولبسه وبين الهند والزيق سنتين احبسه..
كون انقلب شرشف فوق المخده نوبه انتجي على الخد ونوبه على نهده..
كون انقلب فنجال بيد القهوجي وأوصل لحلق هواي وانتحب وأبجي..
كون التريده الروح جرب لنه يمك وتقضي العمر وياه اتشمه ويشمك..

الدهر شل يمناي شل يسرتي البين جا بيش اصبر الروح بيش امسح العين..
يسرى ويمين اطيت متعجب بهاي آنه اربعتهن موت وهم فاقد الراي..

من فوق سبع سطوح دمعي ارد ادهديه ودورن يلحديثات تلقن سمج بيه..
متعجب بدنياك دمعك سمج بيه دمعي فاض شطوط حوت الغرق بيه..

هاك ابره هاك الخيط خويه ارد اكلفك امقطع الدلال شله على عرفك..
هاك ابره هاك الخيط قوم امشي عني لو بيه اشل جروح جا شل هذني..


جرح الفراق يهون عن جرح الوداع البيه قلبي انصاب يتفصل ارباع..
زين وتشوفه العين دلالك ارباع دلالي من فرقاه اشظف غدا وضاع..
متعجب اشظف صار دلالك انته دلالي صار تراب والموته سكته..
متعجب بدنياك دلالك تراب دلالي بالتيزاب يا أشقر هوى وذاب..


همك وهم الناس وهم هم الهموم لو وحده منهن فيك ماتقدر تقوم..
همك وهم الناس وهم هم الايام وفوقها هم العين ماتقبل تنام..
همك وهم الناس وهم الله فوقه صاحت علي الناس جن عندي بوقه..
متعجب المهموم يشرب زقاره قلبي بكثر مانوح تجويني ناره..


رش الدرب تيزاب اتعنيلك حافي جا شلي بالرجلين الماتجيلك..
رش الدرب تيزاب وزرعه ألغام يصير اللحم طشار وأوصلك عظام..
حط باللبن تيزاب ممنون اشربه بس لا شوفك بيوم تمشي ويا غربه..


يسألني البطران ليش وجهك اصفر مايدري على المحبوب قلبي تفطر..
يسالني البطران ليش راسك اقرع مايدري على المحبوب شعري تشلع..
يسالني البطران تشرب عرق ليش هم سقم هم فراق هم لوعة الجيش..
يسألني البطران اعربلي كان حسباله مثل العام عقلي بمكانه..


من كثر حر الضلع احترقن هدومي وتسعين ناقه وجمل ماشالن همومي..
شحجي شقول لناس من همي شحجي مليان بالحسرات بس احجي ابجي..


***************************دارمــــي الدلال والجرح*************************


حسره ألك بالدلال ظلت لما اموت مادرت حقها الناس صوابي بسكوت..
حسره وحدرها احاة وبقلبي لوعه كلما اذوق الزاد اركض وازوعه..

**************************************************************************
###########################دارميات متنوعه#################################


*هم حلو هم صغير وهم ازرق عيون بس فيه طبع ياناس من يوعد يخون..

*سليمه بنت سلمان سايل كحلها دينار ألك بخشيش بس تغمزلها..

*لحبيبي ادز طاروش وأشكي الهضايم واقوله لاتصيح حيل خاف انه نايم..

*سود العيون كبار والحلق محبس ويستره رب الكون لو دلع يلبس..

*من الحزام وفوق مرخوص يالاسمر خاف الطمع يوزيك وحنا نتغشمر..

*بسك تون ياهواي حالك تغير عدي خوات هواي طب وتخير..

*متعجبه النسوان تجيبهه سستر وآنا 12 دكتور والفراشه تفتر..

*اطلق ووقعت بالقاع مثل المعسره حسبالي عشره فروخ تاليها حسره..

*من جبت طــاري هــواي تيهت شــوري خــدرت بالفانوس حسبالي غــوري..

*كدرت حلق هواي المحبس اكبر خاف يغص بالماي ياربي استر..

*مانمت نص الليل حلف المخده والدمع صاير سيل لركبه حده..

*جيراني مو جيران جيراني جيران عدهم بنات ثنين واحلاهم أيمان..

*ياعمه جيت انخاك يالبا لجزيره يعمه يهد الحيل عشق الكحيله..

*شلونك شلون الدار وشلون الفروخ لبسوا ثياب العيد لو بعدهم صلوخ؟..

*ارد انشد العشاق من مثلي مشتاق بحضني غافي هواي وابجي من الفراق؟..

*كل السنون عظام بس سنه ليلو جاكم وسيع العين عن دربه ميلو..
*كل السنون عظام بس سنه فضه زبد ويذوب هواي ومنين اكضه..

*برد الصبح قرصات لفني بعباتك وبساعة الشيطان انته ويا ذاتك..

*أبيض بياضك موت نص وجهك عيون صغير سبيت الناس من تكبر شلون؟..

*الابيض باقة فجل بيد المقديه ولاسمر باقة ورد بيد الافنديه..

*بطل وربع جريت كل قصدي انساك تاليها بآخر بيك بالثلجه ألقاك..

**جا وشحلاة الجا جا لعدك انته جا الحجي بلا جاجا شنهي لذته..

*انسه الله كون انساك وابره من الاسلام وعل القبر لو مريت اتهزهز عظام..

*متعجب من الشيب غطى هدب العيون قمت اشوف الديك حسبالي بزووووون..

*هم شفت هم سمعيت هاي العجيبه بعيني شفت ياناس بالريه شيبه..



/*/كم مره اقولك جوز لاتعض خدي خاف الاثر ينشاف ولا انا ودي..



اتمنى انه يعجبكم انشالله وتضحكووووون على هلوصف القاتل الي رايح فيها..دبرو بالكم لحد يتأثر بالشعر

:D

لحد يسألني عن المعاني عني انا نصها مو فاهمها..:confused: :rolleyes: