View Full Version : قاموس اللهجه القصمنجيه واحد يضحك فيكم ياويله من جدتي
ملك المنجا
26-02-2002, 02:10 AM
لا احد يزعل ترا انا قصمنجي بعد
لكن الدردشه ما تمنع ..
مير:أختلف المترجمون في تفسير هذه الكلمه وأتفقو ان هذا المسطلح مال امه داعي ولا له موقع من الاعراب يوضع لتزيين الجمله
مثال:الله مير يسلمس)(الله مير ياخذك)....خربته
غديه :كوده(وفسر الماء بعد الجهد بالمائي)
يوووووه:وش تناظرون أنادي أمي ( طبعا ماني معلكم بإسم أمي:)
ومصع:دعوه مأثوره عند القصمان وتاتي بعدة أوزان(مصع_يمصع_ممصوعا) راجع كتب كشف الظنون فيما خفي من صراخ المجنون)
مثال:جرن مير يمصعن
ياهملالي:منتشره عند النحوتين والنظولين (مثلي )
مثال:مزنه:مادريتي نوره توظفت
حصه:ياهملالي عنده واسطه... منقهرررررررره
من تلالتنا :من جمبنا
وخزياه:مسطلح ينتشر دائما عند العجز يقالهم مستحيات وهم وجيه بن فهره(وجه بن فهره هو الوجه المغسول بمرق )
أويق:هذه الكلمه تنتشر عند البلوغين (الملاقيف) معناها اناظر
مثال:حصه :خير وش عنتس رازتن خشتس من الشباك
مزنه:لا بس أويق على الي يفحطون
ملاحظه: مزنه وحصه أبطال المشاهد التصويريه عندي
أعبطه:أعجنه وسويبه فطاير
قوه:كلمه من اصل انقليزي(والله محنب سهلين )معناها تخاويني
مثال:حصه:قوه معي للسوق
مزنه:مشينا...كلش ولا السوق تخاويه وهي مغمظه
حول: وراكم طيرتو عيونكم بي مانب بالنجده والله بس حول يعني انزل
شنق:جهه
هماه:مب كذا_ وتجي بمعنى(مو)
نيم:نايم
تهقى:تعني تظنين
مثال:حصه:تهقين تجي
مزنه:ماظن من يشوف خشتس بيرجعلوه ثانيه
حصه:وجع وش أنا مسوية؟؟!!
مزنه:يوجع حنكس....خربوه بالاخير وقامو يتهاوشون
بوه:اهم مسطلح عند القصمان يحطو بأخر الكلمه(وشبوه _جيتوه_مادريتبوه_وينهوبوه)تقول هالجمله وانت ماط بوزك ( يعني برررررطمك
تهوجس:مسرحه يقالي افكر
وعشان أتأكد انكم استوعبتو الدرس باعطيكم تمرين
ترجم الجمله الاتيه(بوه مير نيم )
وهذه آخر حكاية جدتي.. سحر..:) لاتصدقون.؟؟!! أمزح
ابو مالك
26-02-2002, 02:17 AM
ياملك المنجا
الترجمه
موجود ولكنه نائم يعني راقد يعني غافي
واضح
يعني هل هو مبين مهو غلتس
ههههههههههههههههههه
حلوه هالمصطلحات
ولكن انا ودي انك تترجم الجمله الاتيه
(طخفه غير طخفه )
اتحداك
تحيواتي المرستكات يجنك للاجواء عابرات
المهم المصطلحات هاذي مو غريبه علي بس والله موضوعك حلو
والاحلى الابطال (حصة ومزنة ونورة) بس وين رقية وموضي
ملك المنجا
26-02-2002, 03:08 AM
ابو مالك:
وررررررررررطتني تكفى شف غيرها.. مافيه إختيارات:)
بحه ..هلا وغلا بيك أخوي. بخصوص حصة ..أقول توك ماشفت شيء..
توك: يعني بعدك. :(
ابو مالك
26-02-2002, 04:00 AM
ملك المنجا
طخف ــ يطخف ــ طخفا ــ وهو مطخوف
وهذه لهجه شماليه بحته تقال على سبيل
الاستهزاء احيانا او النكته
ومعناها ( حب ــ اي قبل بتشديد الباء )
اي قبله تقبيلة قويه
واضح
هههههههههههه
طيب خذ الثانيه
مامعنى الكلمات الاتيه
1ـ نس ... بتشديد السين
2ـ تهايق..
3ـ بحر .. بتشديد الحاء وفتح الحاء والراء
4ـ السليلا ...
وعندي لك المزيد المزيد ولك جائزه اذا حللتها
هههههههههههههههههههههههههههههه
تحيواتي المرتبات يجنك عابرات للاجواءومع الهواء طايرات مرفرفات
بنت الباطن
26-02-2002, 12:19 PM
ملك النجا
سلام على اهل القصيم
كلمة (مير) يالطيب تعطي معنى (لكن) مثال :
منى طيبة مير حظها أقشر ..
تصبح :)
منى انسانة طيبة ولكن حظها سيء ..
طيب ياملك النجا اسمح لي ادخل مع ابو مالك واقبل تحديه .. ;)
أبو مالك ؟
2- بمعنى تناظر بلهجة اهل نجد وموق هي حدقة العين ، يقول الحبيب لحبيبته ياموق عيني ..!
3-بَحِرّ أيضاً ناظر بلهجة قبيلة شمر ..يقال فلان بحر أي نظر بتركيز شديد .
4- أعتقد تقصد السليل ؟اذا كان السليل فهو نوع من المرض ويقال مثلاً كنوع من الدعاء على الشخص (يامال المرض والسلال ) والله اعلم
طيب للجميع هاتوا معنى لهذه الكلمات :
- أبِسَعَهْ
-بَحْلقْ
-دَاجّ
-درا
- سِمحُوجهْ
والأخيرة
زلط ملط ! :p
المبتسم
26-02-2002, 12:27 PM
احم؟..
والله لهجه حيص بيص..
هههههه...
الله يخلي كلام جده اسهل منه مافي...:)..
بنت الباطن:
داج : اعتقد معناها ..صايع..او داشر...
بحلق: ركز النظر..
حلق ملق: عارف معناها بس مير ماني عارف كيف اعبر:(...
تحياتي...
بنت الباطن
26-02-2002, 12:50 PM
lopez
حيص بيص هاه ؟؟!!
طيب الكلمات التي عرفها واللي قرب عندها لوبز
داج : فعلاً قربت يالوبز أي لاقيمة له . وكلمة (داج) أي أكثر من الشيء والتردد على نفس المكان أي فلان يدوج .
بحلق : نعم هو ركز النظر وحملق .
قصدك زلط ملط !!!
اهااااااا
هذه فهمتها بس مو قادر توصلها صح لوبيز ؟؟!
زلط ملط : وعندكم في جده حلق ملق / تقال هذه الكلمة اذا خلع احدهم ملابسه كاملة ! :p
البقية ..!
ملك المنجا
26-02-2002, 03:21 PM
أحم أحم
دخلوا علينا بنت جدة( إشبك ) هذه كلمة إذا جلست أناظر فيهم قال( إشبك) بسم الله علي.
ودخلت علينا::: بنت الباطن( الربيع وعلموم الخرفانت الصغيرات الدلوعات)
وآخركم ابو مالك وما أدراك من هو أبو مالك"؟؟
أولا مشكور على هذه المداخلة ويسعدني والله أن تكونوا من قراء مواضيعي. وهذا حقيقة يشرفني...( متقطع) يعني فاتحاً كشرتي..تعرفون كشرتي..يعني( بوزي)
بصراحة زلط ملط..جديدة...:p
حلق ملق...الظاهر إن هذه طلاسم ساحر..بسم الله علينا:D
وبعدين إذا تبون تتحدون ملك المنجا..
لاتكونوا: مررررررررررة مصعبين الأسئلة.
حطوا أختيارات;)
وشكرا لكم مع تحيات أخوكم ملك المنجا.
بنت الباطن
27-02-2002, 08:42 AM
ملك النجا
لا مافيه اختيارات :)
معنى الكلمات الباقية ::::
- أبِسَعَهْ أي لاتستعجل وتنطق .
-درا أي علم يقول أهل نجد (وش درا فلان) أي من أعلمه ؟
- سِمحُوجهْ صفة تطلق على المرآة طويلة الظهر .
خلاص تعريفات ياملك النجا
ابو مالك
28-02-2002, 12:15 AM
الاخت بنت الباطن
شكرا لك وحل بعض الكلمات من عندك واحده منهن صحيح والثانيه خطا
ومعناها.... السليلا... اي يبي الفكه اي يبي السلامه والتخلص من اي موقف يقع فيه وتقال للاستهجان للشخص مثال ..( فلان تورط يبي السليلا )
ومعنى كلمة (نس) اي غادر المكان الذي هو به خلسة دون ان يحس به احد خوفا او لعانه وتقال على سبيل الاستهزاء بالشخص
واليكي معاني الكلمات التي وردت بردكي
1... ابسعه يعني تونا يعني برخى اي اصبر وش انت مستعجل عليه
اي تقال للواحد اذا كان مستعجل على امر ما
2... بحلق اي طير عيونه اثناء النظر للشيء
3.... داج يعني مر على المكان او تقال والله فلان ماداج علينا اليوم اي
ماجانا
4.... درا اي عرف الشيء
5...سمحوجه تقال للمرأة فلانه سمحوجه اي عودها رقيق وطويله ولها
لفظ اخر وهو شمحوطه اي مثل عود الخيزران
.............................................................
واليكي الكلمات الاتيه
1... مامعنى( خميعا)
2... مامعنى( القصع)
3...مامعنى (نفش ) بفتح النون والفاء والشين
4... مامعنى(رضخ) بتشديد الضاد
5.... مالمقصود (بسلك الرادو )
6.... مامعنى ( الرحى )
امل الاجابه على هذه واظهار معانيها
ولكي تحيواتي يجنك مطلفحات مع الهوا مزنقحات
al3rabiah
28-02-2002, 01:15 AM
و منكم نستفيد
عشان اذا فكرت ازور القصيم الا على الاقل افهم كلمتين
تحياتي للجميع
اختكم al3rabiah:)
وسعت صدري والله يا ملك المنقا
يوم أني شفت أسمك ما طري ببالي إنك قصيمي (الله يرحم جدتي وجدتك)
عبدالعزيز
ملك المنجا
28-02-2002, 02:28 AM
هههههههههههه:D
نسيت أبسعه يا بنت الباطن الله ياخذ شيطانك.. عموما مشكور والله على ...هالزيادة في قاموس القصمان.
وبقي وحدة: الروشن..يعني غرفة النوم..
ياللهلي.. ولعلي لمبة الروشان..ترا ابريه( يعني ابراهيم) لكن أختصرها أهل اللغة من أجل عيوني) :D جاء... وجايبن معه الكررررررررراث:D
( كخخخخخخخخ)
طبعا الكراث: مادة خضراء...تسكر الحريم..الي طول لسان الوحدة فيهن.. دفتر أبو اربعين.... وقت القيلولة وتجعلهن في سبات عميق مع الكلام الي مال أمه داعي:mad:
وياشين ريحتهن بعد:(
اخوي ابو مالك...
شكلك ناوي علي.. ليه أويلاه.. وش أنا مسوياً لك:p
الأخت:
al3rabiah
هلا وغلا بيك ونورتي القصيم. إذا أردتي تأتين القصيم.. أطلبي قاموس اللهجمة القصمنجية.. ولا الله يخلف عليك:p
ZAZA
هلا بعزوز... عيارة أخوي.اناديه عزوز..وهو شين:mad:
لكن أنت مسكت.. وغالي والله علي ,,,
وتسلم على هذه المشاركة:D
ابو مالك
28-02-2002, 03:28 AM
ملك المنقا
مرحبابك واهلا وسهلا
انت قصيمي وارجو ترجمة مايلي
(هو اقحصي)
(وراوه تسذا)
ملك المنجا
28-02-2002, 08:46 AM
هلا وغلا
بالأ خ الفاضل
أبو مالك.
ويسعد مساك.
أقول حبيبي...
وراوه تسذا)...يعني..ليه عمل كذا..!!!
الثانية... والله ما أدري:D
يعني...ناوي علي ناوي:D ;)
مبتهج
28-02-2002, 09:12 AM
ايه دا ياجماعة مو معقول لازم اكون في ملف صوتي عشان نفهم كيف اتنطق الكلام
وعلى فكرة ياملك المنجا <<<<انت اعطيتنا فكرة عنكم وهو ان ثقافتكم انجليزية مشأالله عليكم
ومادام دخلنا سكة القصمان واللهجات الغريبة شوي عننا <<<<<<<<قولولي إش معنى فلان ذرب؟
ولكم جزيل الشكر
بنت الباطن
28-02-2002, 09:32 AM
الأخ أبو مالك
أحاول علماً بأني غير متأكدة ..
1-خمع أي سقط فجأة (غير متـأكده منها !)
2-قصع أي قام بالضرب على الأصابع يقال : (الإستاذ قصع الطالب بالمسطرة على أصابعه ) . وكلمة (قصع) اي قام بقتل الحشرة بين أظافر إصبعيه الإبهامين .
3- قصدك (نفيش نوع من التسالي التي تؤكل (خاصة بالأطفال :p )
تعني تفريق النسيج عن بعضه ونفشه أي توزيعه حتى يتسنى الإستفادة منه بالغزل وخلافه (طريقة قديمة تستخدم في السدو عند البدو ) .
4- رضخ أي أستلسم للأمر الواقع يقال فلان رضخ أي لم تعد لديه مقاومة ، أما بتشديد الضاد فتعني أخضعه لإرادته .
5- الرحى أداة قديمة كانت تستخدم لطحن الحبوب أو القهوة بعد تحميصها .
وان شاء الله صح :rolleyes:
بنت الباطن
28-02-2002, 10:00 AM
مبتهج
ذرب : الذرب صفة تطلق علىالشخص المهذب في حديثه وتعامله مع الناس والأنثى توصف إنها (ذربه) والجمع (ذربين) والذرابه هو الفعل المهذب .
أرجو أن أكون أفدتك ياأخ مبتهج :)
ابو مالك
28-02-2002, 12:44 PM
الاخت بنت الباطن
الاجابات صحيحه ماشاء الله عليك الا الاجابه الاتيه
خميعا : الخمع هو الخلط والتكسير يقولون اخمع الخبزه وهي اكله
شماليه
ولكن لم تجاوبي على ماهو المقصود بسلك الرادو
و ننتظر منكي الاسئله عن مثل هذه المصطلحات
تحيااااتي
ابو مالك
28-02-2002, 12:51 PM
اما انت ياملك المنقا
لالالا ماانا ناوي شي الا انت منتااااز
انت فتحت هالموضوع واختلط الحابل بالنابل
اختلطت لهجة هل القصيم مع لهجة هل الشمال
وبعض الاخوان يبون مترجمين لها ولو انهم مهم قليلين شر
والله ان جابولنا من مصطلحاتهم شيء الا نروح ( ببع ) هههههه
الا على فكره وش معنى ( بـبع ) لا لاتقول بعبع ترى ماهى هى
شكرا لك عزوزي يعني عزيزي ولكن جت على قولتك لاخوك عزوز
تحيواتي
بنت الباطن
28-02-2002, 01:36 PM
الأخ أبو مالك
هل المقصود به السلك المعدني ؟ لم أعي معناه ياابو مالك ..
طيب وهذه أسئلتي اليك :
1- سرجوف
2- عندل
3- مثِيِله
ولك تحياتي .
ابو مالك
01-03-2002, 05:54 PM
الاخت بنت الباطن
سلك الرادو :لباس للنساء قديم وسمي بهذا الاسم لانه مقلم
...........................
عندل : هو البعير الذي اشتد عصبه والناقه عظيمة الراس
سرجوف: هو اسفل الصدر وهي كلمة تستخدم للمدح والذم
اما مثيله فاذا المقصود النثيله فهي تراب تم جمعه فنقول
نثيلة الجربوع مثلا ....اما اذا كان مثل ماكتبتي فالعفو
لا اعرف معناها
وشكر لك على المتابعه
بنت الباطن
01-03-2002, 06:32 PM
الأخ أبو مالك
الآن أتضح لي معنى سلك الرادو .
00000000
السرجوف هو كما ذكرت ، وعندل نعم هو كذلك وأيضاً تطلق على المرأة رائعة الجمال جسماً ووجهاً
مثيله : المثيله تطلق على كومة الطين أو التراب .
والشكر موصول لك .
ابو مالك
01-03-2002, 06:36 PM
اللى انا اعرفه ان يقال لها ( نثيله) وليس مثيله وانتى ادرى
شكرا
مبتهج
02-03-2002, 07:23 AM
كنت اعتقد ان معناها هو ان فلان انيق:p
لكن الان وضح المعني بفضلك وفضل الاخ ملك المنجا
وشكراً للجميع على افادتهم لنا بمعاني الكلمات للهجات المختلفة:cool:
عمروبن كلثوم
02-03-2002, 09:00 AM
السلام عليكم ورحمة الله وبركاته
هع هع هع هع هع هع هع هع
ابو مــــــالك!:Dهع
أمسكوا أبو مالك أمسكوووووه ..!!..عراقي عراقي!:Dهعععع
اقول ابو مالك يــالغالي...
سلك الرادو ..هذا موضة الحريم قبل!
ابد..أسكت اسكت!
...لاجتك الشماليه جاخه(وش معناها;))
بسلك الرادو!..ماحد حولها...تغطرس على الحريم!
ماتشوف بعينها أحد!..تشوف النــاس ذبان!
مهو يالبناخي تقل محششه!:Dهع
تحس اللي لابسته متبجحه!!!!!
يقولك ماتمشي الا وهي رافعه ثوبهـا:Dهع
وهو من موارد بغداد!...
واهل نجد سراويل حريمهم(جاب العيد!:Dهع)
يسمونهن خط البلده!...وعععع عليهن مايصلحن!
سراويلنا احسن من سراويلهم!<--اقول مالت عليك بس!:Dهع
وهو مخطط <--خبرة سراويل!
وخر وخر!...اذا كان مخطط بأخضر وبأبيض!
شوي ..واللي لابسته..من الفرحه
لو ماتستخير الله....تجدع الثوب:Dهع
وخصوصا ..لافاز المنتخب!(ترى اول في منتخبات!:p )
الله الله على الروح الوطنيه!
ترى هذا سلك الرادو ..وتراك غلطان!..تراه سروال!
وأنت الله يهديك جبت العيد!
يشترنه من القبيسات قبل!
.يجونا يبيعون..ويمشون معانا!
أخوك من قلب الرمادي!<--عراقي أصلي!
الا وش اخبارك يالجزري!<==بيسحبون جناسيهم!:Dهع
والله اني خابرهن يجن عند جدتي ..وانا مجلستني
بشليلها(وشو الشليل ... وشي وشو!:Dهع)
وكل وحده من هالعجايز ..مادتن كراعها(عرف الكراع! لغة واصطلاحا:Dهع)
يعينني...أخس يانا شوفوني!..سلك رادو!
وهالعجايز اللي هلاليه واللي اهلاويه!
يارجال..أول تحس التعصب من قلب!
بس مادري اذا العجايز يحطن ارقام اللاعبين ورى او لا!:rolleyes::rolleyes:
وعرفوا مــــــايـــــــلي:) ..:
وش معنى ..أبك!...
وش معنى ياعنك!
وش معنى شمام!(مهو هذاك خوي الدبشي!..الا على فكره وش معنى الدبشي:Dهع)<==مسكت معاه:Dهع
وش معنى ..دبشه!..وكمخه!
وش معنى باسق!
وش معنى الحورني!..والكركس والهبني!(الثلاثه بنفس المعنى!)
أقول شكلي ..حست موضوعك يالمنجا!
بس ياخوك..هذي مغالطه تاريخيه!..لذلك وجب التنويه!
وخصوصا وانــا مؤلف كتــاب "..ماقيل من تقصيرٍ وتطويل في فن مخططات السراويل!:Dخخخخخخ
هذا وخير مقالنا ..أن عرعر مركز الأرض المسطحه وهي محور الكون!
أقول شباب ..بالله ..وتكفون ...تراني أكره البيض!
واتمنى ..يعني اذا مافيها احراج ..الطماط!
بس لاتضربون قوة:(
هع هع هع هع هع هع هع هع هع هع هع هع هع هع هع هع هع