تحيه للجميع وشكر خاص وسؤال>>

[أبو نايف]

السلام عليكم ورحمة الله وبركاته
تحيه طيبه لجميع اعضاء سوالف السيارات من مشرفين واعضاء مغبرين وشبه مغبرين واعضاء جدد
ان شاء الله الجميع بخير
احب اخص بالشكر الاخوين العزيزين اسير الشمال واكلبس على سؤالهم عني
حبايب والله

وعشان مايكون الموضوع مجرد سلام
عندي سؤال في التكنلوجيا وماله علاقه في السيارات وحبيت اطرحه من باب تغيير الجو والانتقال من عالم السيارات الى عالم الطائرات
والسؤال ببساطه
كلنا يعلم ان محرك الطائره مثل محرك السياره من ناحية الوظيفه فهو يدفع السياره الى الامام....

اذن ماهوالسبب في ارتفاع الطائره

وكيف

[أبو نايف]

anybody knows what is going on
???

:D :D

[SKYLINE GTR]

هلا اخوي ابو نايف وعاش من شافك اخوي , وينك هنا ولا هناك ؟؟؟؟

والله الموضوع اللي تتكلم عنه ما عندي عنه اي فكرة للاسف والا انت تأمر امر يا ابو نايف

عموما لاتقطع , المنتدى بحاجتك اخوي ابو نايف وسلامتك يا غالي

[cruiser2000]

والله عاد انا ما عندي فكرة



بس................









حبيت اسلم عليك يا مطول الغيبة


وينك محد يشوفك اشتقنالك ................



تحياتي
cruiser2000

[s3ood]

هلا والله بأبو نايف..

انا ودي افيد بس مو متخصص طيارات :D بس نفتي لك على خفيف ..

بس معليش انت لو تلاحظ فرق الشكل بين الطيارة و السيارة ....

طبعاً مثل ما انت شايف.. الطيارات بأجنحه و السيارات بدون ...

تخيل عندك فيراري او ماشابه في القوة و حط له اجنحة!!

بيطير شوي و تالي بيطيح لأن قوة الدفع بتتوقف لأن مافيه شي يدفعه ..

ولاكن الطائرة قوة اندفاع المحركات النفاثة اللي هي معلقه في الأجنحة ، طبعا قوة الدفع بتكون متوفرة.. لأن في السيارة تكون معتمده على العجلات و المحرك.. و الآخرى على المحركات اي ان قوة الدفع متوفره. طبعا السالفة كلها فيزيا في فيزيا...

ولاتنسى ان في الطائرات اجهزه على ماأعتقد تسمى اجهزة الدفع او الظغط الخلفي هي اللي تتحكم بعملية الهبوط و الإرتفاع

معليش صرت فيها مفتي شوي بس علشان الموضوع ما يتم فاضي و تزعل تالي :D . .. لا احد يقول اني متحيز فراري لأني ضربت عليها المثل .. اللي مايبغى المثل على فيراري يقول فايبر بورش اللي يريحه.


نقطه خارج الموضوع شوي محرك البي ام دبليو ذو 12 اسطوانة يتم تركيبه على نوع من الطائرات الصغير و ذلك بتعديلات حتى لا يتم ( شفط ) البترول بشراهه .. و هذي النقطه كنت قاريها من زمان بس ما اذكر من وين ..

[L.O CUSTOMS]

حيا الله ابو نايف



من طول الغيبات جاب الغنايم
ها وش جبت لي من امريكا؟؟؟؟؟:D :D ;)
على فكره وحشاني اوي اوي

المشكله اني ما افهم شي بالطيارات
وياليت اعرف عشان اخدم هالعيونننننننننن:D :D

[عبنشل]

مساك الله بالخير بو نايف ....... كيفك عساك بخير




صراحة بخصوص سؤالك عن الطائرات أنا ماعندي خلفيه لكن بقول اللي عندي

الطائرات لها محركات نفاثه وهي تختلف تماما عن محكات السيارات
كما لا تنسى أن لها أجنحه كبيره على اليمين و اليسار تكون مقوسه بعض الشئ لجعل الهواء ينساب من فوق الجناح بسرعه عاليه بانسيابيه كبيره جدا ((فلا يشكل ظغط فوق الجناح ويبعد الظغط الحاصل بفعل الهواء العادي)) وبالتالي لا يدفع الطائرة للأسفل . ويمر من تحت الجناح بقليل من الإعاقه لكي يكون الهواء النافث من تحت الجناح أكبر وبالتالي يكون قادر على دفع الطائره للأعلى أو حملها إذا صح التعبير . (( العملية فيزيائيه بحتة ))


كما لا تنسى أن كل من الأجنحه يحوي على مراوح ضخمه نفاثه لها وظيفتها التي تحقق طيرانها للأعلى .


عموما علم الطائرات لوحده بحر كبير .


أتمنى إني أكون أفدتكم بفلسفتي :D :D



وتقبل تحيات أخوك / عبنشل

[سردال]

شكل أجنحة الطائرات مستقيم من الأسفل ومقوس من الأعلى، عند مرور الهواء بسرعة يكون الضغط أسفل الجناح أكبر من فوقه، فترتفع الطائرة.

أما محركات الطائرات فوظيفتها الدفع فقط لا غير، أما الإرتفاع والانخفاض والتوجيه كلها عند ذيل الطائرة وأطراف الأجنحة.

[أبو نايف]

SKYLINE GTR

هلا والله اخوي العزيز
انا هناك لكن مشتاق لكم كثير والمنتدى غني بالموجودين فيه
تسلم والله:):)


cruiser2000
عزيزي الله يسلمك ويخليك:):)


s3ood
اخوي الله يرضى عليك معلوماتك قيمه..... وياعمنا افتي على كيفك
ولا يهمك والصراحه استفدت من معلوماتك كثير
:):)


هلا LH
ابشر بالغنمات كلها :D:D


عبنشل
الله يمسيك بكل خير وسلامه
وانت طال عمرك جبت الجواب المطلوب بالاضافه الى كلام اخونا الكريم سردال

[أبو نايف]

رد مقتبس من عبنشل
لا تنسى أن لها أجنحه كبيره على اليمين و اليسار تكون مقوسه بعض الشئ لجعل الهواء ينساب من فوق الجناح بسرعه عاليه بانسيابيه كبيره جدا ((فلا يشكل ظغط فوق الجناح ويبعد الظغط الحاصل بفعل الهواء العادي)) وبالتالي لا يدفع الطائرة للأسفل . ويمر من تحت الجناح بقليل من الإعاقه لكي يكون الهواء النافث من تحت الجناح أكبر وبالتالي يكون قادر على دفع الطائره للأعلى أو حملها إذا صح التعبير . (( العملية فيزيائيه بحتة ))


[QUOTE]رد مقتبس من سردال
[B]شكل أجنحة الطائرات مستقيم من الأسفل ومقوس من الأعلى، عند مرور الهواء بسرعة يكون الضغط أسفل الجناح أكبر من فوقه، فترتفع الطائرة.

أما محركات الطائرات فوظيفتها الدفع فقط لا غير، أما الإرتفاع والانخفاض والتوجيه كلها عند ذيل الطائرة وأطراف الأجنحة.