ما هو سبب ارتفاع ضحايا حوادث السيارات في دول الخليج؟؟

[LAND CRUISER]

السلام عيكم

يؤلمني كثيرا ما سمعته من صديق
قال لي ان المملكه العربيه السعوديه يعتبر فيها السبب الرئيسي والاول في الوفاه هو حوادث السيارات

وايضا ما اعرفه ان دوله الامارات تعتبر فيها حوادث السيارات السبب الثاني في الوفاه

فلماذا هذه الحوادث؟؟؟!!!!!

فهذه الحوادث تحصد الشباب
وما هي الحلول مع هذه الحوادث
ارجوو المشاركه

[Oettinger]

الجنون

[CORVETTE^C5]

انا من رايي وجود سيارات ال v8 يعني واحد توه ماخذ الليسن عنده سياره v8 و شوف شنو راح يسوي سرعة و تهور و جنون

و انا ما اتكلم عن كل الناس بس البعض يكون اول ما اخذ الليس بعده ما يعرف يسوق عدل المفروض ياخذله سياره اربعه سلندر

و كذلك اخوي في مشكله اكبر هي القيادة بدون رخصة و يدوس و يسوي بلاوي هذا لو ياخذ الليسن شنو راح يسوي :confused:

[S.T.P]

والله انا اقول ان افضل حل واللي راح يقلل من الحوادث ومن الجنان الموجود بالشوارع ان أولياء الأمور يحرصون على عدم تعلم الأبناء قيادة السياره حتى يكملون الثانويه العامه.لأن القياده في سن مبكر لها عواقب وخيمه جدا جدا (واسألوا محاكيكم)حيث تعلمت القياده في سن مبكر جدا جدا.. وياليتني ماتعلمت.بديت في القياده (العليمي زي مايقولون)وقعدت فتره من الزمن على هالحال بعدهاتعلمت بعض حركات التفحيط حتى تعلمت اشلون اصرخ السياره بالثاني بعدهاتطورت لأني اطلع على الشارع العام واخذ لي فره واتعود على الوضع هناك بعدها تطورت على كم حركه جديده بالتفحيط واولها الهندات بديت باول هند على سرعة 20 كم بعدها 40كم بعدها60كم وهلم جر(على فكره الطامه الكبرى اللي سارتلي اني تخرجت من المتوسطه ومفتاح سيارتي الخاصه بي في جيبي اليمين.ليت ابوي فكر قبل لايشتريها لي)وعاد اقولكم على هالحال حتى سرت من كبار الشخصيات المعروفه بالتفحيط والجنان بالسيارات ومافيه ولا حركة جنان او تفحيط الا وتعلمتها وطبقتها وسرت زي مايقولون دكتور فيهاوياليتني ماتعلمت السواقه ولا تعلمت التفحيط بس وش نسوي طاح الفاس بالراس.
ومن يوم تعلمت السواقه سارلي الى الان حوادث لاتعد ولاتحصى سواء سرعه او تفحيط او او او ........................







فانا انصح اولياء الأمور بعدم تعليم القياده لأبناءهم حتى يخلصون الثانويه العامه(اللي هو سن المراهقه واشد سنين المراهقه). عشان يكون الابن قد وصل سن الركود.. ويكون قد خلص مرحلة الجنان. لأني اعتبر المرحله الثانويه هي العن المراحل الدراسيه من جميع النواحي وخاصه من ناحيه قياده السيارات......................

اعذروني اذا طولت عليكم ولكن ماباليد حيله لأني وقعت في المصيده ومابي احد يطيح بعدي فيها..........................
:( :( :( :( :( :( :( :( :( :( :(